HECHOS 10
10
Te jPedro sok te jCornelioe
1Ay jtul winik te ay ta jtejklum Cesarea te jCornelio sbiile, te jaꞌ statal yuꞌun sien soltaroetik te Italiano sbiilike. 2Ben jun yoꞌtan xchꞌuunej te Diose sok spisil te machꞌa ay yuꞌun ta snae. Sok bayal ya skꞌeben stakꞌin ta skoltayel te juriyoetike, y sil tiempo ya skꞌopon te Diose. 3Jun kꞌaal, las tres mal kꞌaal wan a, aꞌbot yil ta stekꞌlejal yilel jtul chꞌul ángel yuꞌun Dios te tal te ba aye, y albot yuꞌun:
—Cornelio —xchi a yaꞌiy.
4Te jCornelioe la sle ta kꞌeluyel te ángele y sok xiꞌel la sjojkꞌobe:
—¿Tut a Kajwal? —xchi te jCornelio.
Albot yuꞌun te ángele:
—Dios a yaꞌibeyatix te akꞌope sok la yilix te ya akꞌebenbe atakꞌin yuꞌun ya akoltay a te meꞌbaetike. 5Jaꞌ yuꞌun, ila machꞌa ya atikon bael ta ora te ba jtejklum Jopee, yuꞌun ya xba yikꞌ tal te Simon, te Pedro xꞌalbote. 6Jaꞌ smajanejbe sna te jtul xan Simon te jkꞌaꞌutesej-nujkule te ay sna ta tiꞌmare. Stukel me ya yalbeyat te tut ya skꞌan ya apase —xchi te chꞌul ángele.
7Kꞌalal bajt te chꞌul ángel te yipal ta kꞌop soke, te jCornelioe la yikꞌ tal chaꞌtul te yaj-mantale y sok jtul soltaro te ben jun yoꞌtan xchꞌuunej te Diose sok te ya xchꞌuun mantal sil tiempoe. 8La yaꞌbiyanbe spisil te tutiꞌ albote, sok la stikonlan bael ta jtejklum Jope. 9Ta xchebal kꞌaal, ol wan kꞌaal a, te ayik kꞌal ta be te nopol xkotix ta jtejklum Jope ae, te jPedroe mo bael ta skꞌoponel Dios ta sba na te ba yamakꞌule. 10Ben xwiꞌnaj y ya skꞌan xweꞌ. Pero yipal to ta chapel a te weꞌelile ay tuti aꞌbot yil ta stekꞌlejal yilel. 11La yil a jeꞌ te chꞌulchane y koj tal ta lum te pajal sok sabana pakꞌ yilel te chukbil xchanebal te xchikine. 12Te ba yutil te sabana pakꞌe la yil teꞌa spisil ta jkaj chambalametik te ay chaneb yoke sok chanetik y sok mutetik. 13La yaꞌiy te ay machꞌa kꞌopoje te jicha yale:
—Jajchan Pedro, mila y weꞌa —xchi a yaꞌi.
14La sjakꞌ te jPedroe:
—Maꞌuk Kajwal. Te joꞌone maꞌyuk ba jweꞌoj te tut a te ma lekuk skꞌoplale sok te tut lom ilobtik sbae —xchi.
15Kꞌoponot xan ta xchaꞌmelal y jicha albot:
—Te tut lekubenix yuꞌun te Diose ma me awal te jaꞌate te ma lekuk skꞌoplale —xchi.
16Oxmel te jicha aꞌbot yile, y te nax a te sabana pakꞌe sujt moel ta chꞌulchan. 17Te jPedro lom yajtal yoꞌtan yuꞌun te tut xyal te tuti aꞌbot yile. Te kꞌalal laj kꞌot ta tiꞌ puerta te winketik. Te yaj-mantal te jCornelioe la sjojkꞌoyik te baꞌ ay sna te Simone. 18Te kꞌalal laj kꞌote, tulan a sjojkꞌobeyik teme teꞌ smajanej na a te Simon te jPedro xꞌalbote.
19Te jPedroe yipal to ta snopel a te tut xyal te tuti aꞌbot yile, te albot yuꞌun te Chꞌul Espiritue:
—Ila awil, oxtul winketik ya sleat. 20Jajchan, koan bael y baan sok. Ma me tut xyal awoꞌtan, porke joꞌon jtikonej tal —xchi.
21Te jPedroe ko bael y la yalbe te winketike:
—Joꞌon te ya aleikone. ¿Tut a te talemex yuꞌune? —xchi.
22Te winketike la sjakꞌik:
—Jaꞌ stikonejotik tal te statal soltaro te jCornelio sbiile te toj ta winikile. Xchꞌuunej Dios, sok te ben kꞌanbil yuꞌun te juriyoetike. Jtul chꞌul ángel yuꞌun Dios a albot yuꞌun te ya stikonat ta ikꞌel, yuꞌun te ya xbaat ta snae. Yuꞌun jich me ya yaꞌibe sluwar te tut ya awalbeye —xchiik.
23Jich te jPedroe la yikꞌ ochel ta na, y teꞌ kꞌax ajkꞌubal yuꞌunik a. Ta yan kꞌaal, te jPedroe bajt sok te winketike, y la sjoyin bael chaꞌoxtul hermanoetik te aylan ta jtejklum Jopee.
24Ta yan to xan kꞌaal laj kꞌot te ba jtejklum Cesareae te ba yipal ta maliyel yuꞌun te jCornelioe. Sok spisil te machꞌatik ay yuꞌune y sok te yamigotak te ben skꞌanoj sba soke. 25Te kꞌalal kꞌot te jPedroe te ba nae, te jCornelioe lokꞌ sta y la skejan sba ta yok ta yakꞌel ta jkuenta. 26Pero te jPedroe la yakꞌ jajchuk, y la yalbe:
—Tejkꞌan aba, yuꞌun te joꞌone winikon euk, jich tutꞌil te jaꞌate —xchi.
27Yipal to ta kꞌop sok a, och bael y teꞌ kꞌo sta bayal genteetik a. 28Te jPedroe la yaltalanbe:
—Te jaꞌexe anaꞌojik sluwar te juriyoeitk te ma xjuꞌ ya sta sba sok te jyanlumetike, ni ma xjuꞌ ya xꞌochik ta sna. Pero te Diose la yaꞌbonix kil te ma xjuꞌ ya kal te ma lekuk skꞌoplal jtuluk gentee, sok ma xjuꞌ ya jpꞌaj. 29Jaꞌ yuꞌun maꞌyuk tuti kal te xkꞌo yalbelon tale, jun koꞌtan aꞌ talon. Jaꞌ yuꞌun ya me awalbikon tut yuꞌun te xkꞌo awakꞌikon tal ta ikꞌele —xchi te jPedroe.
30Te jCornelioe la sjakꞌ:
—Ayix ta chanebal kꞌaal jich wan ora to, liꞌiyon a ba jnae, jkomoj jweꞌel y yipalon ta skꞌoponel Dios a las tres mal kꞌaal a, kꞌalal la kil a chiknaj jtul winik te xlemet nax skꞌuꞌ-spakꞌe. 31La yalbon: “jCornelio, Dios a yaꞌibeyatix te akꞌope, y la snaꞌix te tut la apas te la akꞌeben atakꞌin yuꞌun la akoltay a te meꞌbaetike. 32Jaꞌ yuꞌun tikona tal ta ikꞌel te Simon te jPedro te xꞌalbote, te ay ta jtejklum Jopee, te smajanejbe sna te jtul xan Simon te jkꞌaꞌutesej-nujkul te ay sna ta tiꞌmare”, yuton. 33Jich a jtikonat tal ta ikꞌel ta ora nax, y ben lek awoꞌtan te talatixe. Te ora to liꞌ tsobolotikix ta jpisiltik ta stojol te Diose, y ya jkꞌan ya kaꞌitik spisil te tut yalojbeyat tal te Kajwaltik te ya awalbotike.
Te tuti yal ta sna te jCornelio te jPedroe
34Te jPedroe jicha lijk yal:
—Te ora to kꞌotix ta koꞌtan te batsꞌi jich te Dios pajal ya yil spisil te genteetike. 35Ta bayal nasionil lek ya yil te machꞌa ya xchꞌuunot yuꞌune sok te machꞌa lek te tut ya spase. 36Dios a stikon ta alel ta stojol te stsꞌumbal israeletik te jaꞌ ay bujtsꞌan kꞌinal ta skuenta te Jesucristoe te jaꞌ Ajwalil yuꞌun spisil te genteetike. 37Te jaꞌexe lek ya anaꞌik te tuti kꞌot ta pasel ta spisil te ba slum juriyoetike. Lijk ta slum Galilea, te kꞌalal lajix yoꞌtan ta yalbeyel skꞌoplal ichꞌjaꞌ a te Juane.
38Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose. 39Y joꞌotik testigootik yuꞌun spisil te tuti spas te Jesus te ba estado yuꞌun Judeae y sok ta Jerusalen. Ta patil la smilik, la sjojkꞌanik ta krus. 40Pero te Diose la xchaꞌkuses tal ta yoxebal kꞌaal, sok la yaꞌbotik kiltike. 41Ma spisiluk a yaꞌbe yil te jtejklume; joꞌotik nax te namey stsaojotik te Diose te jaꞌ testigootik yuꞌune. Te joꞌotike weꞌotik sok y uchꞌaotik sok te kꞌalal chaꞌkuxemix tal a te ba animaetike. 42Stukel a stikonotik te ya kalbeytik skꞌoplal te jtejklume, sok te ya kakꞌ jbatik ta testigo yuꞌune. Porke Dios a yaꞌbeyix yaꞌtel ta yichꞌel jkuenta te machꞌatik kuxajtik toe sok te machꞌatik chamenikixe. 43Spisil te jꞌalwanejetike yalojbeyikix skꞌoplal te Jesuse y yalojik te machꞌa ya xchꞌuunike ya staik perdon yuꞌun te smulike —xchi te jPedroe.
Te machꞌatik ma jurioyouke aꞌbot yikꞌik te Chꞌul Espiritue
44Yipal to ta kꞌop a te jPedroe kꞌalal jul ta skuentaik te Chꞌul Espíritu spisil te machꞌatik la yaꞌiybeyik sluwar te tuti yale. 45Y te hermanoetik juriyoetik te sjoyinejik tal te jPedroe lom yan a yilik te majtan nax a pujk ta skuentaik te Chꞌul Espíritu te machꞌatik ma juriyouke, 46yuꞌun la yaꞌiyik te kꞌopojik ta yanetik kꞌop ta yalbeyel kolayal te Diose. 47Te jPedroe jich a yal:
—¿Machꞌa kꞌan skom teme ya xꞌaꞌbot yichꞌik jaꞌ te genteetik to te aꞌbotix yikꞌik te Chꞌul Espiritue, jich tutꞌil te joꞌotike? —xchi.
48Y la yal mantal te ya xꞌakꞌtalanbot ichꞌjaꞌ ta skuenta te Jesucristoe. Ta patil la skꞌanbeyik pawor te jPedroe te ya to sjoyinik jun chebuk kꞌaale.
S'ha seleccionat:
HECHOS 10: AMANNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nuevo Testamento Tzeltal de Amatenango © Sociedad Bíblica de México, 2006.
HECHOS 10
10
Te jPedro sok te jCornelioe
1Ay jtul winik te ay ta jtejklum Cesarea te jCornelio sbiile, te jaꞌ statal yuꞌun sien soltaroetik te Italiano sbiilike. 2Ben jun yoꞌtan xchꞌuunej te Diose sok spisil te machꞌa ay yuꞌun ta snae. Sok bayal ya skꞌeben stakꞌin ta skoltayel te juriyoetike, y sil tiempo ya skꞌopon te Diose. 3Jun kꞌaal, las tres mal kꞌaal wan a, aꞌbot yil ta stekꞌlejal yilel jtul chꞌul ángel yuꞌun Dios te tal te ba aye, y albot yuꞌun:
—Cornelio —xchi a yaꞌiy.
4Te jCornelioe la sle ta kꞌeluyel te ángele y sok xiꞌel la sjojkꞌobe:
—¿Tut a Kajwal? —xchi te jCornelio.
Albot yuꞌun te ángele:
—Dios a yaꞌibeyatix te akꞌope sok la yilix te ya akꞌebenbe atakꞌin yuꞌun ya akoltay a te meꞌbaetike. 5Jaꞌ yuꞌun, ila machꞌa ya atikon bael ta ora te ba jtejklum Jopee, yuꞌun ya xba yikꞌ tal te Simon, te Pedro xꞌalbote. 6Jaꞌ smajanejbe sna te jtul xan Simon te jkꞌaꞌutesej-nujkule te ay sna ta tiꞌmare. Stukel me ya yalbeyat te tut ya skꞌan ya apase —xchi te chꞌul ángele.
7Kꞌalal bajt te chꞌul ángel te yipal ta kꞌop soke, te jCornelioe la yikꞌ tal chaꞌtul te yaj-mantale y sok jtul soltaro te ben jun yoꞌtan xchꞌuunej te Diose sok te ya xchꞌuun mantal sil tiempoe. 8La yaꞌbiyanbe spisil te tutiꞌ albote, sok la stikonlan bael ta jtejklum Jope. 9Ta xchebal kꞌaal, ol wan kꞌaal a, te ayik kꞌal ta be te nopol xkotix ta jtejklum Jope ae, te jPedroe mo bael ta skꞌoponel Dios ta sba na te ba yamakꞌule. 10Ben xwiꞌnaj y ya skꞌan xweꞌ. Pero yipal to ta chapel a te weꞌelile ay tuti aꞌbot yil ta stekꞌlejal yilel. 11La yil a jeꞌ te chꞌulchane y koj tal ta lum te pajal sok sabana pakꞌ yilel te chukbil xchanebal te xchikine. 12Te ba yutil te sabana pakꞌe la yil teꞌa spisil ta jkaj chambalametik te ay chaneb yoke sok chanetik y sok mutetik. 13La yaꞌiy te ay machꞌa kꞌopoje te jicha yale:
—Jajchan Pedro, mila y weꞌa —xchi a yaꞌi.
14La sjakꞌ te jPedroe:
—Maꞌuk Kajwal. Te joꞌone maꞌyuk ba jweꞌoj te tut a te ma lekuk skꞌoplale sok te tut lom ilobtik sbae —xchi.
15Kꞌoponot xan ta xchaꞌmelal y jicha albot:
—Te tut lekubenix yuꞌun te Diose ma me awal te jaꞌate te ma lekuk skꞌoplale —xchi.
16Oxmel te jicha aꞌbot yile, y te nax a te sabana pakꞌe sujt moel ta chꞌulchan. 17Te jPedro lom yajtal yoꞌtan yuꞌun te tut xyal te tuti aꞌbot yile. Te kꞌalal laj kꞌot ta tiꞌ puerta te winketik. Te yaj-mantal te jCornelioe la sjojkꞌoyik te baꞌ ay sna te Simone. 18Te kꞌalal laj kꞌote, tulan a sjojkꞌobeyik teme teꞌ smajanej na a te Simon te jPedro xꞌalbote.
19Te jPedroe yipal to ta snopel a te tut xyal te tuti aꞌbot yile, te albot yuꞌun te Chꞌul Espiritue:
—Ila awil, oxtul winketik ya sleat. 20Jajchan, koan bael y baan sok. Ma me tut xyal awoꞌtan, porke joꞌon jtikonej tal —xchi.
21Te jPedroe ko bael y la yalbe te winketike:
—Joꞌon te ya aleikone. ¿Tut a te talemex yuꞌune? —xchi.
22Te winketike la sjakꞌik:
—Jaꞌ stikonejotik tal te statal soltaro te jCornelio sbiile te toj ta winikile. Xchꞌuunej Dios, sok te ben kꞌanbil yuꞌun te juriyoetike. Jtul chꞌul ángel yuꞌun Dios a albot yuꞌun te ya stikonat ta ikꞌel, yuꞌun te ya xbaat ta snae. Yuꞌun jich me ya yaꞌibe sluwar te tut ya awalbeye —xchiik.
23Jich te jPedroe la yikꞌ ochel ta na, y teꞌ kꞌax ajkꞌubal yuꞌunik a. Ta yan kꞌaal, te jPedroe bajt sok te winketike, y la sjoyin bael chaꞌoxtul hermanoetik te aylan ta jtejklum Jopee.
24Ta yan to xan kꞌaal laj kꞌot te ba jtejklum Cesareae te ba yipal ta maliyel yuꞌun te jCornelioe. Sok spisil te machꞌatik ay yuꞌune y sok te yamigotak te ben skꞌanoj sba soke. 25Te kꞌalal kꞌot te jPedroe te ba nae, te jCornelioe lokꞌ sta y la skejan sba ta yok ta yakꞌel ta jkuenta. 26Pero te jPedroe la yakꞌ jajchuk, y la yalbe:
—Tejkꞌan aba, yuꞌun te joꞌone winikon euk, jich tutꞌil te jaꞌate —xchi.
27Yipal to ta kꞌop sok a, och bael y teꞌ kꞌo sta bayal genteetik a. 28Te jPedroe la yaltalanbe:
—Te jaꞌexe anaꞌojik sluwar te juriyoeitk te ma xjuꞌ ya sta sba sok te jyanlumetike, ni ma xjuꞌ ya xꞌochik ta sna. Pero te Diose la yaꞌbonix kil te ma xjuꞌ ya kal te ma lekuk skꞌoplal jtuluk gentee, sok ma xjuꞌ ya jpꞌaj. 29Jaꞌ yuꞌun maꞌyuk tuti kal te xkꞌo yalbelon tale, jun koꞌtan aꞌ talon. Jaꞌ yuꞌun ya me awalbikon tut yuꞌun te xkꞌo awakꞌikon tal ta ikꞌele —xchi te jPedroe.
30Te jCornelioe la sjakꞌ:
—Ayix ta chanebal kꞌaal jich wan ora to, liꞌiyon a ba jnae, jkomoj jweꞌel y yipalon ta skꞌoponel Dios a las tres mal kꞌaal a, kꞌalal la kil a chiknaj jtul winik te xlemet nax skꞌuꞌ-spakꞌe. 31La yalbon: “jCornelio, Dios a yaꞌibeyatix te akꞌope, y la snaꞌix te tut la apas te la akꞌeben atakꞌin yuꞌun la akoltay a te meꞌbaetike. 32Jaꞌ yuꞌun tikona tal ta ikꞌel te Simon te jPedro te xꞌalbote, te ay ta jtejklum Jopee, te smajanejbe sna te jtul xan Simon te jkꞌaꞌutesej-nujkul te ay sna ta tiꞌmare”, yuton. 33Jich a jtikonat tal ta ikꞌel ta ora nax, y ben lek awoꞌtan te talatixe. Te ora to liꞌ tsobolotikix ta jpisiltik ta stojol te Diose, y ya jkꞌan ya kaꞌitik spisil te tut yalojbeyat tal te Kajwaltik te ya awalbotike.
Te tuti yal ta sna te jCornelio te jPedroe
34Te jPedroe jicha lijk yal:
—Te ora to kꞌotix ta koꞌtan te batsꞌi jich te Dios pajal ya yil spisil te genteetike. 35Ta bayal nasionil lek ya yil te machꞌa ya xchꞌuunot yuꞌune sok te machꞌa lek te tut ya spase. 36Dios a stikon ta alel ta stojol te stsꞌumbal israeletik te jaꞌ ay bujtsꞌan kꞌinal ta skuenta te Jesucristoe te jaꞌ Ajwalil yuꞌun spisil te genteetike. 37Te jaꞌexe lek ya anaꞌik te tuti kꞌot ta pasel ta spisil te ba slum juriyoetike. Lijk ta slum Galilea, te kꞌalal lajix yoꞌtan ta yalbeyel skꞌoplal ichꞌjaꞌ a te Juane.
38Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose. 39Y joꞌotik testigootik yuꞌun spisil te tuti spas te Jesus te ba estado yuꞌun Judeae y sok ta Jerusalen. Ta patil la smilik, la sjojkꞌanik ta krus. 40Pero te Diose la xchaꞌkuses tal ta yoxebal kꞌaal, sok la yaꞌbotik kiltike. 41Ma spisiluk a yaꞌbe yil te jtejklume; joꞌotik nax te namey stsaojotik te Diose te jaꞌ testigootik yuꞌune. Te joꞌotike weꞌotik sok y uchꞌaotik sok te kꞌalal chaꞌkuxemix tal a te ba animaetike. 42Stukel a stikonotik te ya kalbeytik skꞌoplal te jtejklume, sok te ya kakꞌ jbatik ta testigo yuꞌune. Porke Dios a yaꞌbeyix yaꞌtel ta yichꞌel jkuenta te machꞌatik kuxajtik toe sok te machꞌatik chamenikixe. 43Spisil te jꞌalwanejetike yalojbeyikix skꞌoplal te Jesuse y yalojik te machꞌa ya xchꞌuunike ya staik perdon yuꞌun te smulike —xchi te jPedroe.
Te machꞌatik ma jurioyouke aꞌbot yikꞌik te Chꞌul Espiritue
44Yipal to ta kꞌop a te jPedroe kꞌalal jul ta skuentaik te Chꞌul Espíritu spisil te machꞌatik la yaꞌiybeyik sluwar te tuti yale. 45Y te hermanoetik juriyoetik te sjoyinejik tal te jPedroe lom yan a yilik te majtan nax a pujk ta skuentaik te Chꞌul Espíritu te machꞌatik ma juriyouke, 46yuꞌun la yaꞌiyik te kꞌopojik ta yanetik kꞌop ta yalbeyel kolayal te Diose. 47Te jPedroe jich a yal:
—¿Machꞌa kꞌan skom teme ya xꞌaꞌbot yichꞌik jaꞌ te genteetik to te aꞌbotix yikꞌik te Chꞌul Espiritue, jich tutꞌil te joꞌotike? —xchi.
48Y la yal mantal te ya xꞌakꞌtalanbot ichꞌjaꞌ ta skuenta te Jesucristoe. Ta patil la skꞌanbeyik pawor te jPedroe te ya to sjoyinik jun chebuk kꞌaale.
Nuevo Testamento Tzeltal de Amatenango © Sociedad Bíblica de México, 2006.