HECHOS 14
14
Te jPablo sok te jBernabe laj kꞌot ta jtejklum Iconio
1Te kꞌalal ayikix ta jtejklum Iconio ae, te jPablo sok te jBernabee ochik bael te ba sinagoga yuꞌun te juriyoetike. Ay bayal yip te skꞌop Dios te la yalike, jich bayal a xchꞌuunik te juriyoetike sok te machꞌatik ma juriyouke. 2Pero te juriyoetik te maꞌ skꞌan a xchꞌuunike la xchebal-kꞌoptayik te machꞌatik ma juriyouke. Jich a lijk snop te ya yakꞌ ta kontrainel te hermanoetike. 3Pero te apostoletike bayal kꞌaal a jalajik teꞌa. Jaꞌ yip yoꞌtanik te Kajwaltike, jicha juꞌ yuꞌunik yalel te tutꞌil ayotik ta kꞌuxutayel yuꞌun te Kajwaltike. Jaꞌ a yakꞌ ta ilel te tut batsꞌi jich te tut ya yalike yuꞌun te Kajwaltike la yaꞌbe spoderik ta spasel señaetik y sok milagroetik. 4Pero te gente yuꞌun te jtejklume la xatꞌ sbaik yuꞌun. Ay machꞌatik jun yoꞌtan sba sok te juriyoetike y ay machꞌatik jun yoꞌtan sba sok te apostoletike. 5Jich te juriyoetike sok te machꞌatik ma juriyouke la snop skꞌopik sok te jꞌuꞌeletike yuꞌun ya smilik ta wolel ta ton. 6Pero te jPablo sok te jBernabee la yaꞌibeyik sluwar te tut snopojike. Jicha laj bajt ta anel ta jtejklum Listra sok ta Derbe te ay ta estado Licaonia. Jich a yokliyik spisil te estadoe, 7sok teꞌ yalik a te lekil achꞌ kꞌope.
La swolik ta ton ta Listra te jPabloe
8Te ba jtejklum Listrae ay jtul winik teꞌa te ma spas xbeene. Maꞌyuk a been porke ta yayinab to koxouben. 9Te winik to teꞌ nakal ta yaꞌiyel a te tut yipal ta yalel te jPabloe. Te jPabloe la skꞌelube sit, y la yil te ay bayal xchꞌuunel yoꞌtan te ya xlekube. 10Jich tulan a skꞌopon:
—Jajchan. Toj xtekꞌlat sok te awoke —xyut.
Te winike sotset jajchel ta ora, y lijk beenuk. 11Kalal la yil te gente te tuti spas te jPabloe, lijk yalik ta aw ta licaonia-kꞌop:
—Koemik tal ta jtojoltik diosetik te skꞌajtesej sba ta winik —xchiik ta aw.
12Jupiter a yalbeyik te jBernabee, y Mercurio a yalbeyik te jPabloe, porke jaꞌ stukel te yipal ta kꞌope. 13Jich te saserdote yuꞌun te Jupitere, te ay stemplo ta stiꞌil jtejklume, la yikꞌ tal toroetik te lek nichimtaybil tale. Y te saserdotee sok te genteetike kꞌan skejan sbaik ta stojol te apostoletike y kꞌan smilbeyik toroetik yuꞌun smajtan. 14Pero te kꞌalal la yaꞌiybeyik sluwar te jBernabee sok te jPabloe, la xchꞌiꞌ xkamixik yuꞌun, y la sten sbaik ochel te ba yolil te genteetike, y lijk yalik ta aw:
15—Pero moletik, ¿tuꞌun te jich ya apasike? Te joꞌotike winikotik nax euk jich tutꞌil te jaꞌexe. Jaꞌa talotik yuꞌun te tal kalbetikex te ya awijkitayik spasel te tutik ma xtuun ta pasele, sok te ya asujtes awoꞌtanik ta stojol te kuxul Dios te la spas chꞌulchan sok balmilal sok te mare y sok spisil te tutik ay ae. 16Te namey tale Dios a jilesanot yuꞌun chikan te tutik ya skꞌan ya spasik te gentee.
17Pero ma yuꞌunuk maꞌ yakꞌ ta naꞌel te tutꞌil ay te Diose, porke lek te tut ya spase. Yuꞌun stukel te ya yakꞌ taluk jaꞌal ta chꞌulchan ta atojolike, y ya yakꞌ sitinuk spisil te tut ya atsꞌunike. Jich ya xnoj te achꞌujtike yuꞌun jich ben jun awoꞌtanik a —xchiik ta kꞌop.
18Aunke la yalbeyik spisil to, pero wokol a juꞌ yuꞌunik skomel te genteetike yuꞌun jaꞌ ay ta yoꞌtanik te ya smilbeyik smajtanin te toroetike.
19Ay juriyoetik a laj kꞌot te lijkemik tal ta Antioquia sok ta Iconio, yuꞌun tal xchebal-kꞌoptay te genteetike. Jich a swolik ta ton te jPabloe. La skuyik te chamix jil yuꞌunike, y la xjochik lokꞌel ta tiꞌ jtejklum. 20Pero te hermanoetik la stsob sbaik tal, tal sjoyik te jPabloe. La stejkꞌan sba jajchel te Pabloe, y chaꞌoch xan bael te ba jtejklume. Ta xchebal kꞌaal la sjiles te jtejklum Listrae, bajt sok te Bernabee ta jtejklum Derbe.
21Patil la yalik te lek achꞌ kꞌop te ba jtejklum Derbee, te ba bayal a yaꞌbeyik xchꞌuun Jesus te genteetike. Ta patil sujtik xan bael ta jtejklum Listra, sok ta Iconio, sok ta jtejklum Antioquia. 22Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose. 23Sok la sleik jilel ansianoetik te ba ay juju-tijkꞌ te hermanoetike. La skꞌoponik Dios y la skom sweꞌelik, sok la yakꞌik jilel te skꞌab te Kajwaltik te jaꞌ xchꞌuunejike.
Te jPablo sok te jBernabee sujtik bael ta jtejklum Antioquia te ay ta estado Siriae
24Jicha kꞌaxik bael ta estado yuꞌun Pisidia y laj kꞌot ta estado yuꞌun Panfilia. 25Teꞌ yalik a te lek achꞌ kꞌop te ba jtejklum Pergee, y te nax a laj bajt ta jtejklum Atalia. 26Teꞌ moik bael ta barko a, laj bajt ta Antioquia, te mukꞌul jtejklum te ba kꞌanbot bendision te yauk sjoyin bael ta beel te Diose te aꞌtel te ya xba spasike, ja te juꞌix ta pasel yuꞌunike. 27Te kꞌalal laj kꞌot ta Antioquiae, la stsobik tal te hermanotike, y la yaltalanbe spisil te tutik a spas Dios ta skuentaike, sok te tutꞌil te Kajwaltik la yaꞌbe xchꞌuunik euk te machꞌatik ma juriyouke. 28Te jPablo sok te jBernabee bayal kꞌaal a sjoyin sba sok teꞌa te hermanoetike.
S'ha seleccionat:
HECHOS 14: AMANNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nuevo Testamento Tzeltal de Amatenango © Sociedad Bíblica de México, 2006.
HECHOS 14
14
Te jPablo sok te jBernabe laj kꞌot ta jtejklum Iconio
1Te kꞌalal ayikix ta jtejklum Iconio ae, te jPablo sok te jBernabee ochik bael te ba sinagoga yuꞌun te juriyoetike. Ay bayal yip te skꞌop Dios te la yalike, jich bayal a xchꞌuunik te juriyoetike sok te machꞌatik ma juriyouke. 2Pero te juriyoetik te maꞌ skꞌan a xchꞌuunike la xchebal-kꞌoptayik te machꞌatik ma juriyouke. Jich a lijk snop te ya yakꞌ ta kontrainel te hermanoetike. 3Pero te apostoletike bayal kꞌaal a jalajik teꞌa. Jaꞌ yip yoꞌtanik te Kajwaltike, jicha juꞌ yuꞌunik yalel te tutꞌil ayotik ta kꞌuxutayel yuꞌun te Kajwaltike. Jaꞌ a yakꞌ ta ilel te tut batsꞌi jich te tut ya yalike yuꞌun te Kajwaltike la yaꞌbe spoderik ta spasel señaetik y sok milagroetik. 4Pero te gente yuꞌun te jtejklume la xatꞌ sbaik yuꞌun. Ay machꞌatik jun yoꞌtan sba sok te juriyoetike y ay machꞌatik jun yoꞌtan sba sok te apostoletike. 5Jich te juriyoetike sok te machꞌatik ma juriyouke la snop skꞌopik sok te jꞌuꞌeletike yuꞌun ya smilik ta wolel ta ton. 6Pero te jPablo sok te jBernabee la yaꞌibeyik sluwar te tut snopojike. Jicha laj bajt ta anel ta jtejklum Listra sok ta Derbe te ay ta estado Licaonia. Jich a yokliyik spisil te estadoe, 7sok teꞌ yalik a te lekil achꞌ kꞌope.
La swolik ta ton ta Listra te jPabloe
8Te ba jtejklum Listrae ay jtul winik teꞌa te ma spas xbeene. Maꞌyuk a been porke ta yayinab to koxouben. 9Te winik to teꞌ nakal ta yaꞌiyel a te tut yipal ta yalel te jPabloe. Te jPabloe la skꞌelube sit, y la yil te ay bayal xchꞌuunel yoꞌtan te ya xlekube. 10Jich tulan a skꞌopon:
—Jajchan. Toj xtekꞌlat sok te awoke —xyut.
Te winike sotset jajchel ta ora, y lijk beenuk. 11Kalal la yil te gente te tuti spas te jPabloe, lijk yalik ta aw ta licaonia-kꞌop:
—Koemik tal ta jtojoltik diosetik te skꞌajtesej sba ta winik —xchiik ta aw.
12Jupiter a yalbeyik te jBernabee, y Mercurio a yalbeyik te jPabloe, porke jaꞌ stukel te yipal ta kꞌope. 13Jich te saserdote yuꞌun te Jupitere, te ay stemplo ta stiꞌil jtejklume, la yikꞌ tal toroetik te lek nichimtaybil tale. Y te saserdotee sok te genteetike kꞌan skejan sbaik ta stojol te apostoletike y kꞌan smilbeyik toroetik yuꞌun smajtan. 14Pero te kꞌalal la yaꞌiybeyik sluwar te jBernabee sok te jPabloe, la xchꞌiꞌ xkamixik yuꞌun, y la sten sbaik ochel te ba yolil te genteetike, y lijk yalik ta aw:
15—Pero moletik, ¿tuꞌun te jich ya apasike? Te joꞌotike winikotik nax euk jich tutꞌil te jaꞌexe. Jaꞌa talotik yuꞌun te tal kalbetikex te ya awijkitayik spasel te tutik ma xtuun ta pasele, sok te ya asujtes awoꞌtanik ta stojol te kuxul Dios te la spas chꞌulchan sok balmilal sok te mare y sok spisil te tutik ay ae. 16Te namey tale Dios a jilesanot yuꞌun chikan te tutik ya skꞌan ya spasik te gentee.
17Pero ma yuꞌunuk maꞌ yakꞌ ta naꞌel te tutꞌil ay te Diose, porke lek te tut ya spase. Yuꞌun stukel te ya yakꞌ taluk jaꞌal ta chꞌulchan ta atojolike, y ya yakꞌ sitinuk spisil te tut ya atsꞌunike. Jich ya xnoj te achꞌujtike yuꞌun jich ben jun awoꞌtanik a —xchiik ta kꞌop.
18Aunke la yalbeyik spisil to, pero wokol a juꞌ yuꞌunik skomel te genteetike yuꞌun jaꞌ ay ta yoꞌtanik te ya smilbeyik smajtanin te toroetike.
19Ay juriyoetik a laj kꞌot te lijkemik tal ta Antioquia sok ta Iconio, yuꞌun tal xchebal-kꞌoptay te genteetike. Jich a swolik ta ton te jPabloe. La skuyik te chamix jil yuꞌunike, y la xjochik lokꞌel ta tiꞌ jtejklum. 20Pero te hermanoetik la stsob sbaik tal, tal sjoyik te jPabloe. La stejkꞌan sba jajchel te Pabloe, y chaꞌoch xan bael te ba jtejklume. Ta xchebal kꞌaal la sjiles te jtejklum Listrae, bajt sok te Bernabee ta jtejklum Derbe.
21Patil la yalik te lek achꞌ kꞌop te ba jtejklum Derbee, te ba bayal a yaꞌbeyik xchꞌuun Jesus te genteetike. Ta patil sujtik xan bael ta jtejklum Listra, sok ta Iconio, sok ta jtejklum Antioquia. 22Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose. 23Sok la sleik jilel ansianoetik te ba ay juju-tijkꞌ te hermanoetike. La skꞌoponik Dios y la skom sweꞌelik, sok la yakꞌik jilel te skꞌab te Kajwaltik te jaꞌ xchꞌuunejike.
Te jPablo sok te jBernabee sujtik bael ta jtejklum Antioquia te ay ta estado Siriae
24Jicha kꞌaxik bael ta estado yuꞌun Pisidia y laj kꞌot ta estado yuꞌun Panfilia. 25Teꞌ yalik a te lek achꞌ kꞌop te ba jtejklum Pergee, y te nax a laj bajt ta jtejklum Atalia. 26Teꞌ moik bael ta barko a, laj bajt ta Antioquia, te mukꞌul jtejklum te ba kꞌanbot bendision te yauk sjoyin bael ta beel te Diose te aꞌtel te ya xba spasike, ja te juꞌix ta pasel yuꞌunike. 27Te kꞌalal laj kꞌot ta Antioquiae, la stsobik tal te hermanotike, y la yaltalanbe spisil te tutik a spas Dios ta skuentaike, sok te tutꞌil te Kajwaltik la yaꞌbe xchꞌuunik euk te machꞌatik ma juriyouke. 28Te jPablo sok te jBernabee bayal kꞌaal a sjoyin sba sok teꞌa te hermanoetike.
Nuevo Testamento Tzeltal de Amatenango © Sociedad Bíblica de México, 2006.