HECHOS 13
13
Te jBernabe sok te Sauloe lijk spukik ta bayuk te skꞌop Diose
1Te hermanoetik te ayik ta jtejklum Antioquiae ay jꞌalwanejetik sok maestroetik yuꞌun te skꞌop Diose, jaꞌ te jBernabe, sok Simon te jNegro te jun xan sbiile, sok te jLucio te talem ta jtejklum Cirenee, sok jManaen te pajal a chꞌi sok te jHerodes te och ta gobierno ta Galileae, sok te Sauloe. 2Ay jun kꞌaal te stsoboj sbaik ta kulto yuꞌun te Kajwaltike y skomoj sweꞌelik a, te Chꞌul Espiritue altalanbot yuꞌun: —Pitbikon te jBernabee sok te Sauloe yuꞌun tsabilix kuꞌun te ya spas te aꞌtele —xꞌutalanot.
3Jich ta patil, kꞌalal laj yoꞌtanik ta skꞌoponel Dios sok ta skomel sweꞌelik, la skajanbe skꞌabik y la stikonik bael.
Te apostoletike la yalik skꞌop Dios ta slum Chipre
4Te jBernabe sok te Sauloe tikonlanot bael yuꞌun te Chꞌul Espiritue. Jicha laj bajt ta jtejklum Selucia. Teꞌ moik bael ta barko a, bajtik ta slum Chipre. 5Te kꞌalal koik ta barko ta jtejklum Salaminae, lijk yalik teꞌa te skꞌop Diose te ba sinagogaetik yuꞌun te juriyoetike. Te Juane sjoyinejik kꞌal euk yuꞌun ya smantaltesik. 6La yokliyik spisil te slum Chipre te joybil ta mare, asta laj kꞌot ta jtejklum Pafos. Teꞌ staik jtul jꞌakꞌ-chamel te jBarJesus xꞌalbote, te jaꞌ jloꞌlawanej te ya yal te jꞌalwanej yuꞌun Dios ta skꞌope. 7Te jꞌakꞌchamel to jaꞌ sjoyinej sba sok te gobierno Sergio Pauloe, te jtul winik te ay spꞌijile. Te Sergio Pauloe la stikon ta ikꞌel te jBernabee sok te Sauloe yuꞌun ya skꞌan yaꞌibe sluwar te skꞌop Diose.
8Pero te jꞌakꞌchamele, te jꞌElimas sbiil ta griego-kꞌope, la skontrain te jBernabe sok te Sauloe. La xchebal-kꞌoptay te gobiernoe te manchuk ya xchꞌuune. 9Jich te Saulo, te jPablo xꞌalbote, nojel ta yoꞌtan te Chꞌul Espiritue, la skꞌelube lek sit te jꞌElimase, 10y la yalbe:
—Te jaꞌate, jloꞌlawanejat, ma tsaꞌamuk te tut ay ta awoꞌtane. Xnichꞌanat pukuj, y akontrainej spisil te tut lek ta pasele. ¿Meꞌn ma xꞌakom aba ta smakbeyel sbe te Kajwaltike? 11Te ora to ya me yaꞌbeyat kastigo te Kajwaltike. Ya me xchokubat jilel. Bayal kꞌaal ma xꞌawil te sakil kꞌinal yuꞌun te kꞌajkꞌale —xyut.
Te jꞌElimase ora nax a ijkꞌub kꞌinal a yaꞌi, y la sle te ayuk te machꞌa ya xchechot bael yuꞌune porke chokube nix a. 12Te kꞌalal te gobierno la yil te jicha kꞌot ta pasel, la xchꞌuun te Kajwaltike. Lom yajtal yoꞌtan te tutꞌil ay te pꞌijutesel yuꞌun te Kajwaltike.
Te jPablo sok te jBernabee ayik ta jtejklum Antioquia te ay ta slum Pisidia ae
13Te jPablo sok te sjoꞌtak ochik bael ta barko ta jtejklum Pafos y bajtik ta jtejklum Perge ta estado yuꞌun Panfilia. Pero teꞌ chꞌojtalanot jil yuꞌun a te Juane, sujt bael ta Jerusalen stukel. 14Yan te jPabloe sok te Bernabee la sjilesik te jtejklum Pergee, kꞌaxik bael ta Antioquia te ay ta slum Pisidiae. Ta skꞌaalel te kuxo-oꞌtane ochik bael ta sinagoga y la snajkan sbaik. 15Patil te la yichꞌix ilel a te sjunal te mantaletik yuꞌun te Diose sok te sjun alwanejetike, te stataletik yuꞌun te sinagogae la stikonik ta albeyel te jPablo sok te jBernabee:
—Kermanotak, teme ay tut ya akꞌan ya awalik ta stojol te genteetik te ya awaꞌbe spuersa yoꞌtane, ya xjuꞌ xkꞌopojex —xchiik.
16Jich te jPabloe la stejkꞌan sba jajchel, la xbech-kꞌabtay te yauk xkomik ta kꞌope, y la yal:
—Jaꞌex israeletik y sok jaꞌex jyanlumetik te axiꞌojik te Diose, aꞌibeyaik awaꞌi sluwar te tut ya kalbeyexe: 17Te Dios yuꞌun te jtejklum israele la stꞌuj te antibo jmeꞌ-jtatike. Mukꞌul nasion a koꞌt yuꞌun te kꞌalal ayik ta yan nasion Egipto. Ta patil, sok te spoder Diose la slokꞌeslan tal te ba slum Egiptoe. 18Dios a stsꞌikbe kuarenta jabꞌil te tut ma tsaꞌamuk la spasik te ba jojchol takin kꞌinale, 19y la sjim jukeb nasionetik te ay ta slum Canaan, yuꞌun ya yaꞌbe slumin te antibo jmeꞌ jtatike.
20Spisil i to jalawan kuatro siento sinkuenta jaꞌbil. Ta patil japuyot yuꞌun te juesetike, jaꞌ to kꞌalal Samuel te jꞌalwanej yuꞌune. 21Jich a skꞌanbeyik te ayuk jtul rey te ya xjapuyot yuꞌune. Jich a aꞌbot yuꞌun Dios te jaꞌ rey ya xkꞌot yuꞌunik kuarenta jaꞌbil te Saul te xnichꞌan Cis, te jaꞌ stsꞌumbal te jBenjamine. 22Pero ta patil te Diose la slokꞌes ta reyil te Saule, y jaꞌ a yakꞌ ta reyil te jDavide, te jich a yalbe skꞌoplale: “La jtaix te jDavid te xnichꞌan Isai te ben kꞌux ta koꞌtane. Jaꞌ me ya spas spisil te tut ya jkꞌane”, xchi me.
23Te Jesuse, te jaꞌ stsꞌumbal jDavid, te Dios a yakꞌix ta jkoltawaneje te ya skoltay te israeletik, jich te tutꞌil yaloj ya spase. 24Te kꞌalal ma to xtal a te Jesuse, te Juane la yalbe yaꞌi spisil te jtejklum israele te ya skꞌan ya sujtes yoꞌtanik ta stojol Dios y ya yakꞌ sbaik ta ichꞌjaꞌ. 25Te kꞌalal nopol ya xlajix yorail a te Juane, la yal “Ma joꞌukon te machꞌa ya akuyikon ae. Pero ta patil ay machꞌa ya xtal ta jpat te ni ma spas ya jpolbe yakꞌil te swaw slapoje”, xchi me.
26“Kermanotak, te stsꞌumbalex euk te jꞌAbrahame, y jaꞌex te jyanlumexe te axiꞌojik te Diose, jaꞌex awuꞌunik te skꞌoplal kolel to. 27Yuꞌun te machꞌatik ayik ta Jerusalene y te statal yuꞌunike maꞌ snaꞌik machꞌa a te Jesuse. Ni maꞌ yaꞌibeyik sluwar te tuti yal te jꞌalwanejetik yuꞌun Dios te la yichꞌ ilel ta sinagogaetik te jujun kꞌaal ta skꞌaalel kuxo-oꞌtane. Jicha kꞌot ta pasel ta skuentaik te tut yaloj Dios ta skuenta te jꞌalwanejetik yuꞌun, te tutꞌil la yakꞌik ta milel te Jesuse. 28Manchuk me maꞌyuk smul a stabeyik te ya xꞌakꞌot ta milel yuꞌune, pero la skꞌanbeyik te jPilato te ya yal mantal te ya xba mileke. 29Te nax a te kꞌalal la spasikix spisil te tut tsꞌibabil jilel skꞌoplal ta sjun te Diose, la skoesik bael ta krus y la smukik.
30Pero Dios a xchaꞌkuses tal te ba ay animaetike. 31Te Jesuse bayal kꞌaal a yakꞌulan sba ta ilel ta stojol te machꞌatik a joyinot ta beel yuꞌun ta Galileae sok te kꞌalal bajtik ta Jerusalene. Te ora to jaꞌ testigoetik te ya yalbeyik skꞌoplal te Jesus ta stojol te gentee. 32Jich te joꞌotike jaꞌ ya kalbetikex te lek achꞌ kꞌop to: Te tut yaloj Dios ta stojol te antibo jmeꞌ-jtatike, 33la yakꞌ kꞌotukix ta pasel ta jtojoltik, joꞌotik te stsꞌumbalotike, te kꞌalal la xchaꞌkuses tal te ba ay animaetik te Jesuse. Jich tutꞌil tsꞌibabil jilel te ba Salmo numero dos: “Te jaꞌate, jnichꞌanat, nax to nax a kakꞌat ta ilel te joꞌon atatone”, xchi me. 34Dios yalojix te ya xchaꞌkuses tal te ba ay animaetik yuꞌun maꞌyuk tut ora ya xkꞌaꞌ te stiꞌbalule. Jich te tutꞌil la yale: “Ya kaꞌbeyex te chꞌul bendisionetik te ay ta jkuenta te jmel nax kalojbe te jDavide” xchi me. 35Jaꞌ sluwar te jich la yal xan te ba Salmoetik: “Te ma xꞌawakꞌ te ya xkꞌaꞌ stiꞌbalul te achꞌul-nichꞌane”, xchi me. 36Jich te jDavide la yakꞌ sba ta mantaltesel ta stojol te machꞌatik pajal a kꞌax sok ta balmilale, jich te tutꞌil yaloj ta primero te Diose. Y ta patil cham, ba mukek te ba mukul te smeꞌ-state y te stiꞌbalule te kꞌaꞌ a. 37Pero te stiꞌbalul te machꞌa chaꞌkusesot yuꞌun te Diose ma kꞌaꞌ stukel. 38Jaꞌ yuꞌun, kermanotak, naꞌbeyaik me sluwar te jaꞌexe, te perdon yuꞌun te mulile yipalix ta alel ta atojolik ta skuenta te Jesuse. 39Porke ta skuenta te Jesuse pasbilix perdon spisil te machꞌatik ya xchꞌuune. Yan te mantaliletik yuꞌun te jMoisese maꞌyuk perdon yuꞌun stukel. 40Kuidado me xꞌawakꞌ abaik, ma me jaꞌukex ya xkꞌot ta akuentaik te tuti stsꞌibayik jilel te jꞌalwanejetik yuꞌun te Diose te la yale:
41“Aꞌiya awaꞌiyik jaꞌex jpꞌajawanejetik, xiꞌanik me, baanik ta chꞌayel. Porke ay me tut ya kakꞌ kꞌotuk ta pasel ta atojolik te kuxulex ta balmilale, te ma xꞌachꞌuunik aunke me ay machꞌa ya yalbeyex”, xchi me
—xchi ta yalel te jPabloe.
42Kꞌalal lokꞌ bael ta sinagoga yuꞌun juriyoetik te jPablo sok te sjoꞌtake, te machꞌatik ma juriyouk ta yayinabe la skꞌambeyik pawor te yauk xꞌalbot xan yaꞌiyik te tut ora ya xkꞌot xan te skꞌaalel kuxo-oꞌtane. 43Te kꞌalal laj yoꞌtanik te stsoboj sbaik ta sinagogae, bayal juriyoetik sok te machꞌatik xchꞌuunejikix tutꞌ ay te juriyoile la stsꞌakliyik bael te jPablo sok te jBernabee. Y jich a stsitstalan te jmel nax a wakꞌ xchꞌuunik te kꞌuxutayel a aꞌbot yuꞌun te Diose.
44Te yan skꞌaalel kuxo-oꞌtan yuꞌun te yan semanae, chꞌin ma spisiluk te jtejklum a stsob sba tal ta yaꞌiyel te skꞌop Diose. 45Pero te juriyoetike la yilik te bayal gente stsoboj sbaike, jaꞌ yuꞌun lijk slaꞌoꞌtantayik, y lijkik ta yalel te ma jichuk te tut ya yal te jPabloe, sok la stoyba-kꞌoptayik. 46Jich te jPablo sok te jBernabee lijk yalbeyik ta jamal:
—Te puersa nail ya kalbetikex te skꞌop Dios jaꞌex te juriyoexe. Pero te jaꞌexe ya apꞌajik, ma xꞌakꞌanik te ya awichꞌik akuxlejalik sbajtel kꞌinale. Te ora to ya sujtotik bael te ba ay te machꞌatik ma juriyouke. 47Porke jich tikonbilotik yuꞌun te Kajwaltike, te jich a yale:
“Jich a kakꞌatix ta ilel te tutꞌil lus ta stojol te machꞌatik ma juriyouke. Jaꞌat me ta akuenta te ya yichꞌik koltayel spisil genteetik ta balmilal”, xchi me —xchi te jPabloe.
48Te kꞌalal la yaꞌiybeyik sluwaril to, te machꞌatik ma juriyouke ben jun yoꞌtanik a la sujt yuꞌun, y lijk yalik te ben tsaꞌam te skꞌop Kajwaltike. Spisil a xchꞌuunik te machꞌatik tsabilik yuꞌun te ya xkuxuyinik sbajtel kꞌinale. 49Jich a yichꞌ alel te skꞌop Kajwaltik ta spisil te estadoe. 50Pero te juriyoetike la yalbeyik euk te antstik te ben lek xchꞌuunik te Diose sok te akꞌtalanbil ta jkuentae, sok euk te moletik te akꞌtalanbil ta jkuenta yuꞌun te jtejklume. Jicha lijk ta tenel te jPabloe sok te jBernabee yuꞌun ya stenik lokꞌel te ba jtejklume. 51Jich te jPablo sok te jBernabee la stijtinik jilel te stanil yokike, seña te ma jaꞌuk ta skuentaik te ma xchꞌuunike. Y laj bajt ta jtejklum Iconio. 52Pero te hermanoetike ben jun yoꞌtanik yuꞌun te xchꞌuunejikixe, y nojel ta yoꞌtanik te Chꞌul Espiritue.
S'ha seleccionat:
HECHOS 13: AMANNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nuevo Testamento Tzeltal de Amatenango © Sociedad Bíblica de México, 2006.
HECHOS 13
13
Te jBernabe sok te Sauloe lijk spukik ta bayuk te skꞌop Diose
1Te hermanoetik te ayik ta jtejklum Antioquiae ay jꞌalwanejetik sok maestroetik yuꞌun te skꞌop Diose, jaꞌ te jBernabe, sok Simon te jNegro te jun xan sbiile, sok te jLucio te talem ta jtejklum Cirenee, sok jManaen te pajal a chꞌi sok te jHerodes te och ta gobierno ta Galileae, sok te Sauloe. 2Ay jun kꞌaal te stsoboj sbaik ta kulto yuꞌun te Kajwaltike y skomoj sweꞌelik a, te Chꞌul Espiritue altalanbot yuꞌun: —Pitbikon te jBernabee sok te Sauloe yuꞌun tsabilix kuꞌun te ya spas te aꞌtele —xꞌutalanot.
3Jich ta patil, kꞌalal laj yoꞌtanik ta skꞌoponel Dios sok ta skomel sweꞌelik, la skajanbe skꞌabik y la stikonik bael.
Te apostoletike la yalik skꞌop Dios ta slum Chipre
4Te jBernabe sok te Sauloe tikonlanot bael yuꞌun te Chꞌul Espiritue. Jicha laj bajt ta jtejklum Selucia. Teꞌ moik bael ta barko a, bajtik ta slum Chipre. 5Te kꞌalal koik ta barko ta jtejklum Salaminae, lijk yalik teꞌa te skꞌop Diose te ba sinagogaetik yuꞌun te juriyoetike. Te Juane sjoyinejik kꞌal euk yuꞌun ya smantaltesik. 6La yokliyik spisil te slum Chipre te joybil ta mare, asta laj kꞌot ta jtejklum Pafos. Teꞌ staik jtul jꞌakꞌ-chamel te jBarJesus xꞌalbote, te jaꞌ jloꞌlawanej te ya yal te jꞌalwanej yuꞌun Dios ta skꞌope. 7Te jꞌakꞌchamel to jaꞌ sjoyinej sba sok te gobierno Sergio Pauloe, te jtul winik te ay spꞌijile. Te Sergio Pauloe la stikon ta ikꞌel te jBernabee sok te Sauloe yuꞌun ya skꞌan yaꞌibe sluwar te skꞌop Diose.
8Pero te jꞌakꞌchamele, te jꞌElimas sbiil ta griego-kꞌope, la skontrain te jBernabe sok te Sauloe. La xchebal-kꞌoptay te gobiernoe te manchuk ya xchꞌuune. 9Jich te Saulo, te jPablo xꞌalbote, nojel ta yoꞌtan te Chꞌul Espiritue, la skꞌelube lek sit te jꞌElimase, 10y la yalbe:
—Te jaꞌate, jloꞌlawanejat, ma tsaꞌamuk te tut ay ta awoꞌtane. Xnichꞌanat pukuj, y akontrainej spisil te tut lek ta pasele. ¿Meꞌn ma xꞌakom aba ta smakbeyel sbe te Kajwaltike? 11Te ora to ya me yaꞌbeyat kastigo te Kajwaltike. Ya me xchokubat jilel. Bayal kꞌaal ma xꞌawil te sakil kꞌinal yuꞌun te kꞌajkꞌale —xyut.
Te jꞌElimase ora nax a ijkꞌub kꞌinal a yaꞌi, y la sle te ayuk te machꞌa ya xchechot bael yuꞌune porke chokube nix a. 12Te kꞌalal te gobierno la yil te jicha kꞌot ta pasel, la xchꞌuun te Kajwaltike. Lom yajtal yoꞌtan te tutꞌil ay te pꞌijutesel yuꞌun te Kajwaltike.
Te jPablo sok te jBernabee ayik ta jtejklum Antioquia te ay ta slum Pisidia ae
13Te jPablo sok te sjoꞌtak ochik bael ta barko ta jtejklum Pafos y bajtik ta jtejklum Perge ta estado yuꞌun Panfilia. Pero teꞌ chꞌojtalanot jil yuꞌun a te Juane, sujt bael ta Jerusalen stukel. 14Yan te jPabloe sok te Bernabee la sjilesik te jtejklum Pergee, kꞌaxik bael ta Antioquia te ay ta slum Pisidiae. Ta skꞌaalel te kuxo-oꞌtane ochik bael ta sinagoga y la snajkan sbaik. 15Patil te la yichꞌix ilel a te sjunal te mantaletik yuꞌun te Diose sok te sjun alwanejetike, te stataletik yuꞌun te sinagogae la stikonik ta albeyel te jPablo sok te jBernabee:
—Kermanotak, teme ay tut ya akꞌan ya awalik ta stojol te genteetik te ya awaꞌbe spuersa yoꞌtane, ya xjuꞌ xkꞌopojex —xchiik.
16Jich te jPabloe la stejkꞌan sba jajchel, la xbech-kꞌabtay te yauk xkomik ta kꞌope, y la yal:
—Jaꞌex israeletik y sok jaꞌex jyanlumetik te axiꞌojik te Diose, aꞌibeyaik awaꞌi sluwar te tut ya kalbeyexe: 17Te Dios yuꞌun te jtejklum israele la stꞌuj te antibo jmeꞌ-jtatike. Mukꞌul nasion a koꞌt yuꞌun te kꞌalal ayik ta yan nasion Egipto. Ta patil, sok te spoder Diose la slokꞌeslan tal te ba slum Egiptoe. 18Dios a stsꞌikbe kuarenta jabꞌil te tut ma tsaꞌamuk la spasik te ba jojchol takin kꞌinale, 19y la sjim jukeb nasionetik te ay ta slum Canaan, yuꞌun ya yaꞌbe slumin te antibo jmeꞌ jtatike.
20Spisil i to jalawan kuatro siento sinkuenta jaꞌbil. Ta patil japuyot yuꞌun te juesetike, jaꞌ to kꞌalal Samuel te jꞌalwanej yuꞌune. 21Jich a skꞌanbeyik te ayuk jtul rey te ya xjapuyot yuꞌune. Jich a aꞌbot yuꞌun Dios te jaꞌ rey ya xkꞌot yuꞌunik kuarenta jaꞌbil te Saul te xnichꞌan Cis, te jaꞌ stsꞌumbal te jBenjamine. 22Pero ta patil te Diose la slokꞌes ta reyil te Saule, y jaꞌ a yakꞌ ta reyil te jDavide, te jich a yalbe skꞌoplale: “La jtaix te jDavid te xnichꞌan Isai te ben kꞌux ta koꞌtane. Jaꞌ me ya spas spisil te tut ya jkꞌane”, xchi me.
23Te Jesuse, te jaꞌ stsꞌumbal jDavid, te Dios a yakꞌix ta jkoltawaneje te ya skoltay te israeletik, jich te tutꞌil yaloj ya spase. 24Te kꞌalal ma to xtal a te Jesuse, te Juane la yalbe yaꞌi spisil te jtejklum israele te ya skꞌan ya sujtes yoꞌtanik ta stojol Dios y ya yakꞌ sbaik ta ichꞌjaꞌ. 25Te kꞌalal nopol ya xlajix yorail a te Juane, la yal “Ma joꞌukon te machꞌa ya akuyikon ae. Pero ta patil ay machꞌa ya xtal ta jpat te ni ma spas ya jpolbe yakꞌil te swaw slapoje”, xchi me.
26“Kermanotak, te stsꞌumbalex euk te jꞌAbrahame, y jaꞌex te jyanlumexe te axiꞌojik te Diose, jaꞌex awuꞌunik te skꞌoplal kolel to. 27Yuꞌun te machꞌatik ayik ta Jerusalene y te statal yuꞌunike maꞌ snaꞌik machꞌa a te Jesuse. Ni maꞌ yaꞌibeyik sluwar te tuti yal te jꞌalwanejetik yuꞌun Dios te la yichꞌ ilel ta sinagogaetik te jujun kꞌaal ta skꞌaalel kuxo-oꞌtane. Jicha kꞌot ta pasel ta skuentaik te tut yaloj Dios ta skuenta te jꞌalwanejetik yuꞌun, te tutꞌil la yakꞌik ta milel te Jesuse. 28Manchuk me maꞌyuk smul a stabeyik te ya xꞌakꞌot ta milel yuꞌune, pero la skꞌanbeyik te jPilato te ya yal mantal te ya xba mileke. 29Te nax a te kꞌalal la spasikix spisil te tut tsꞌibabil jilel skꞌoplal ta sjun te Diose, la skoesik bael ta krus y la smukik.
30Pero Dios a xchaꞌkuses tal te ba ay animaetike. 31Te Jesuse bayal kꞌaal a yakꞌulan sba ta ilel ta stojol te machꞌatik a joyinot ta beel yuꞌun ta Galileae sok te kꞌalal bajtik ta Jerusalene. Te ora to jaꞌ testigoetik te ya yalbeyik skꞌoplal te Jesus ta stojol te gentee. 32Jich te joꞌotike jaꞌ ya kalbetikex te lek achꞌ kꞌop to: Te tut yaloj Dios ta stojol te antibo jmeꞌ-jtatike, 33la yakꞌ kꞌotukix ta pasel ta jtojoltik, joꞌotik te stsꞌumbalotike, te kꞌalal la xchaꞌkuses tal te ba ay animaetik te Jesuse. Jich tutꞌil tsꞌibabil jilel te ba Salmo numero dos: “Te jaꞌate, jnichꞌanat, nax to nax a kakꞌat ta ilel te joꞌon atatone”, xchi me. 34Dios yalojix te ya xchaꞌkuses tal te ba ay animaetik yuꞌun maꞌyuk tut ora ya xkꞌaꞌ te stiꞌbalule. Jich te tutꞌil la yale: “Ya kaꞌbeyex te chꞌul bendisionetik te ay ta jkuenta te jmel nax kalojbe te jDavide” xchi me. 35Jaꞌ sluwar te jich la yal xan te ba Salmoetik: “Te ma xꞌawakꞌ te ya xkꞌaꞌ stiꞌbalul te achꞌul-nichꞌane”, xchi me. 36Jich te jDavide la yakꞌ sba ta mantaltesel ta stojol te machꞌatik pajal a kꞌax sok ta balmilale, jich te tutꞌil yaloj ta primero te Diose. Y ta patil cham, ba mukek te ba mukul te smeꞌ-state y te stiꞌbalule te kꞌaꞌ a. 37Pero te stiꞌbalul te machꞌa chaꞌkusesot yuꞌun te Diose ma kꞌaꞌ stukel. 38Jaꞌ yuꞌun, kermanotak, naꞌbeyaik me sluwar te jaꞌexe, te perdon yuꞌun te mulile yipalix ta alel ta atojolik ta skuenta te Jesuse. 39Porke ta skuenta te Jesuse pasbilix perdon spisil te machꞌatik ya xchꞌuune. Yan te mantaliletik yuꞌun te jMoisese maꞌyuk perdon yuꞌun stukel. 40Kuidado me xꞌawakꞌ abaik, ma me jaꞌukex ya xkꞌot ta akuentaik te tuti stsꞌibayik jilel te jꞌalwanejetik yuꞌun te Diose te la yale:
41“Aꞌiya awaꞌiyik jaꞌex jpꞌajawanejetik, xiꞌanik me, baanik ta chꞌayel. Porke ay me tut ya kakꞌ kꞌotuk ta pasel ta atojolik te kuxulex ta balmilale, te ma xꞌachꞌuunik aunke me ay machꞌa ya yalbeyex”, xchi me
—xchi ta yalel te jPabloe.
42Kꞌalal lokꞌ bael ta sinagoga yuꞌun juriyoetik te jPablo sok te sjoꞌtake, te machꞌatik ma juriyouk ta yayinabe la skꞌambeyik pawor te yauk xꞌalbot xan yaꞌiyik te tut ora ya xkꞌot xan te skꞌaalel kuxo-oꞌtane. 43Te kꞌalal laj yoꞌtanik te stsoboj sbaik ta sinagogae, bayal juriyoetik sok te machꞌatik xchꞌuunejikix tutꞌ ay te juriyoile la stsꞌakliyik bael te jPablo sok te jBernabee. Y jich a stsitstalan te jmel nax a wakꞌ xchꞌuunik te kꞌuxutayel a aꞌbot yuꞌun te Diose.
44Te yan skꞌaalel kuxo-oꞌtan yuꞌun te yan semanae, chꞌin ma spisiluk te jtejklum a stsob sba tal ta yaꞌiyel te skꞌop Diose. 45Pero te juriyoetike la yilik te bayal gente stsoboj sbaike, jaꞌ yuꞌun lijk slaꞌoꞌtantayik, y lijkik ta yalel te ma jichuk te tut ya yal te jPabloe, sok la stoyba-kꞌoptayik. 46Jich te jPablo sok te jBernabee lijk yalbeyik ta jamal:
—Te puersa nail ya kalbetikex te skꞌop Dios jaꞌex te juriyoexe. Pero te jaꞌexe ya apꞌajik, ma xꞌakꞌanik te ya awichꞌik akuxlejalik sbajtel kꞌinale. Te ora to ya sujtotik bael te ba ay te machꞌatik ma juriyouke. 47Porke jich tikonbilotik yuꞌun te Kajwaltike, te jich a yale:
“Jich a kakꞌatix ta ilel te tutꞌil lus ta stojol te machꞌatik ma juriyouke. Jaꞌat me ta akuenta te ya yichꞌik koltayel spisil genteetik ta balmilal”, xchi me —xchi te jPabloe.
48Te kꞌalal la yaꞌiybeyik sluwaril to, te machꞌatik ma juriyouke ben jun yoꞌtanik a la sujt yuꞌun, y lijk yalik te ben tsaꞌam te skꞌop Kajwaltike. Spisil a xchꞌuunik te machꞌatik tsabilik yuꞌun te ya xkuxuyinik sbajtel kꞌinale. 49Jich a yichꞌ alel te skꞌop Kajwaltik ta spisil te estadoe. 50Pero te juriyoetike la yalbeyik euk te antstik te ben lek xchꞌuunik te Diose sok te akꞌtalanbil ta jkuentae, sok euk te moletik te akꞌtalanbil ta jkuenta yuꞌun te jtejklume. Jicha lijk ta tenel te jPabloe sok te jBernabee yuꞌun ya stenik lokꞌel te ba jtejklume. 51Jich te jPablo sok te jBernabee la stijtinik jilel te stanil yokike, seña te ma jaꞌuk ta skuentaik te ma xchꞌuunike. Y laj bajt ta jtejklum Iconio. 52Pero te hermanoetike ben jun yoꞌtanik yuꞌun te xchꞌuunejikixe, y nojel ta yoꞌtanik te Chꞌul Espiritue.
Nuevo Testamento Tzeltal de Amatenango © Sociedad Bíblica de México, 2006.