I TƐSALƆNIKA DIMA 5
5
1Ti mabiisi, di bu laa n‑kpa talasi ni ti laa n‑sɔbi n‑ti ya zaŋŋi n‑kyaŋŋi dabsa ni saha seelli din ti ya n‑niŋi. 2Dama ya mammansi mi halli, ni, ti Dugma lappu na saha dabsiri maa nin ti kyɛ na hoo ta'ayiga ŋɔn yi kyɛ na yuŋŋu seem la. 3Ni, sahaseaa niriba yi ti yɛtti, ni, sufudoaa ni goom bɛ ni, di saha ka basiyɔri ya m‑paai ba na, ka ba ku toaai n‑fa ba mansi m‑basi. Di nin ti piili katiŋŋa, hoo pɔ'a ŋɔn yi wulisiri, ni, u dɔ'ai ka beerim seelli mari u la. 4Amaa, ti mabiisi, ya pa la ninvugseeba ban bɛ zibsim ni ka dabsiri maa nin ti libgi ya hoo ta'ayiga ŋɔn libgri niriba seem la. 5Ya nyɛ la neesim ni wuntaŋŋa ni niriba. Ti pa la yuŋŋu bee zibsim ni niriba. 6Dizugu di bu sum ni ti gbisira, hoo ninvugseeba ŋɔn niŋni seem la, amaa ya kyɛ ka ti neaai goom ni ka mari ti mansi suŋŋa. 7Dama yuŋŋu ka gɔgbisiriba gbisira, ka danyuuriba mun nyuuri m‑bugri la yuŋŋu gba. 8Amaa tirima n nyɛ wuntaŋŋa ni niriba: di zugu ya kyɛ ka ti mari ti maŋŋa. Ya kyɛ ka ti zaŋŋi yɛdda ni wurilim n‑leebi ti nyɔta'arigu m‑pa ti nyaari zugu, ka zaŋŋi ti tuliginsim tama n‑leebi tɔbtuusira kutti zupiliga la m‑pili. 9Naawunni daa bu maali ti ni u sufuyisigri tubdarigri ti paai ti na, amaa u zaali ti ni ti nya tuliginsim ti Dugma Yisa Masiiya zugu. 10Ŋɔna n daa kpi ti zugu, ni di kyɛ ka ti zaa ti la'am m‑bɛ u saani, di yi nyɛ la ti bɛ la ti nyɔvuri ni, bee, ti kpi ni. 11Dinŋɔ zugu ya kpamsima taaba sufu ka niŋni din nin suŋŋi ya taaba ka ba zoaai Naawunni dɔligu ni: halli ya siri pun niŋni lala pampaŋŋɔ gba.
12Ti mabiisi, ti susiri ya, ni, ya tim ya toondaandima maa gyirima - ban nyɛ ban tumni Naawunni tuma n‑tiri ya, ka kpaamni ya suŋŋa. 13Ya gyeemni ba ka tiri ba gyirima, ka laa n‑wuri ba pam ban tumni seelli la zugu; ka mari nangbanyinni ni taaba. 14Ti mabiisi, ya kpaamni gbinnya'a dima. Ka ban sufu miligi la muna - ya maari ba sufu n‑tiri ba: halli ya suŋŋma ban gbarigi la, ka mari sugru ni sɔkam zaa. 15Sɔ di boosiri u kpeaa beeri, amaa ya niŋma nirilim n‑tiri taaba - halli n‑tiri sɔkam zaa.
16Ya mari sufupeelli sahakam; 17ya susima Naawunni sahakam; 18ka pɛ'ari Naawunni seelikam zaa puuni. Dama lala ka Naawunni boori ni ya niŋni ya beebu ni, Yisa Masiiya zugu. 19Yan di kpiisi Naawunni Sii Kasi yɛla hoo bugum ŋɔn kpiisiri seem la; 20yan di zeem anabitiri yɛttɔ'a yɛla. 21Amaa ya bugsima bunseelikam m‑baŋŋi di yɛlimaŋni ŋɔn nyɛ seem; ka mari din veela suŋŋasuŋŋa; 22ka naayi yi bunseelli kam din nyɛ bumbeoo ni.
23Naawunni n tiri sufudoaa: kyɛ ka u maali ya ka ya bɛ kasi zaa, ka mari ya siisi ni ya sufu ni ya ningbina ka a ku ti mari taalli ti Dugma Yisa Kirisita lappu na saha. 24Ŋɔn booli ya maa nyɛ la ŋɔn nin niŋi di, dama yɛdda daana n nyɛ u, ka zɛ yummu.
25Ti mabiisi, ya susima Naawunni n‑tiri ti gba.
26Ya puusima ti mabiisi la zaa mabiitiri puusigu suŋŋa n‑ti ti. 27Ya wumma yaa! Ti yɛtti ya ti Dugma zugu, ni, ya kyɛ ka ba karim gbaŋŋu wa n‑ti ti mabiisi la zaa.
28Ti Dugma Yisa Kirisita Masiiya piinisuma kpalim m‑bɛ ya saani.
S'ha seleccionat:
I TƐSALƆNIKA DIMA 5: maw
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2002, Wycliffe Bible Translators, Inc. All rights reserved.
I TƐSALƆNIKA DIMA 5
5
1Ti mabiisi, di bu laa n‑kpa talasi ni ti laa n‑sɔbi n‑ti ya zaŋŋi n‑kyaŋŋi dabsa ni saha seelli din ti ya n‑niŋi. 2Dama ya mammansi mi halli, ni, ti Dugma lappu na saha dabsiri maa nin ti kyɛ na hoo ta'ayiga ŋɔn yi kyɛ na yuŋŋu seem la. 3Ni, sahaseaa niriba yi ti yɛtti, ni, sufudoaa ni goom bɛ ni, di saha ka basiyɔri ya m‑paai ba na, ka ba ku toaai n‑fa ba mansi m‑basi. Di nin ti piili katiŋŋa, hoo pɔ'a ŋɔn yi wulisiri, ni, u dɔ'ai ka beerim seelli mari u la. 4Amaa, ti mabiisi, ya pa la ninvugseeba ban bɛ zibsim ni ka dabsiri maa nin ti libgi ya hoo ta'ayiga ŋɔn libgri niriba seem la. 5Ya nyɛ la neesim ni wuntaŋŋa ni niriba. Ti pa la yuŋŋu bee zibsim ni niriba. 6Dizugu di bu sum ni ti gbisira, hoo ninvugseeba ŋɔn niŋni seem la, amaa ya kyɛ ka ti neaai goom ni ka mari ti mansi suŋŋa. 7Dama yuŋŋu ka gɔgbisiriba gbisira, ka danyuuriba mun nyuuri m‑bugri la yuŋŋu gba. 8Amaa tirima n nyɛ wuntaŋŋa ni niriba: di zugu ya kyɛ ka ti mari ti maŋŋa. Ya kyɛ ka ti zaŋŋi yɛdda ni wurilim n‑leebi ti nyɔta'arigu m‑pa ti nyaari zugu, ka zaŋŋi ti tuliginsim tama n‑leebi tɔbtuusira kutti zupiliga la m‑pili. 9Naawunni daa bu maali ti ni u sufuyisigri tubdarigri ti paai ti na, amaa u zaali ti ni ti nya tuliginsim ti Dugma Yisa Masiiya zugu. 10Ŋɔna n daa kpi ti zugu, ni di kyɛ ka ti zaa ti la'am m‑bɛ u saani, di yi nyɛ la ti bɛ la ti nyɔvuri ni, bee, ti kpi ni. 11Dinŋɔ zugu ya kpamsima taaba sufu ka niŋni din nin suŋŋi ya taaba ka ba zoaai Naawunni dɔligu ni: halli ya siri pun niŋni lala pampaŋŋɔ gba.
12Ti mabiisi, ti susiri ya, ni, ya tim ya toondaandima maa gyirima - ban nyɛ ban tumni Naawunni tuma n‑tiri ya, ka kpaamni ya suŋŋa. 13Ya gyeemni ba ka tiri ba gyirima, ka laa n‑wuri ba pam ban tumni seelli la zugu; ka mari nangbanyinni ni taaba. 14Ti mabiisi, ya kpaamni gbinnya'a dima. Ka ban sufu miligi la muna - ya maari ba sufu n‑tiri ba: halli ya suŋŋma ban gbarigi la, ka mari sugru ni sɔkam zaa. 15Sɔ di boosiri u kpeaa beeri, amaa ya niŋma nirilim n‑tiri taaba - halli n‑tiri sɔkam zaa.
16Ya mari sufupeelli sahakam; 17ya susima Naawunni sahakam; 18ka pɛ'ari Naawunni seelikam zaa puuni. Dama lala ka Naawunni boori ni ya niŋni ya beebu ni, Yisa Masiiya zugu. 19Yan di kpiisi Naawunni Sii Kasi yɛla hoo bugum ŋɔn kpiisiri seem la; 20yan di zeem anabitiri yɛttɔ'a yɛla. 21Amaa ya bugsima bunseelikam m‑baŋŋi di yɛlimaŋni ŋɔn nyɛ seem; ka mari din veela suŋŋasuŋŋa; 22ka naayi yi bunseelli kam din nyɛ bumbeoo ni.
23Naawunni n tiri sufudoaa: kyɛ ka u maali ya ka ya bɛ kasi zaa, ka mari ya siisi ni ya sufu ni ya ningbina ka a ku ti mari taalli ti Dugma Yisa Kirisita lappu na saha. 24Ŋɔn booli ya maa nyɛ la ŋɔn nin niŋi di, dama yɛdda daana n nyɛ u, ka zɛ yummu.
25Ti mabiisi, ya susima Naawunni n‑tiri ti gba.
26Ya puusima ti mabiisi la zaa mabiitiri puusigu suŋŋa n‑ti ti. 27Ya wumma yaa! Ti yɛtti ya ti Dugma zugu, ni, ya kyɛ ka ba karim gbaŋŋu wa n‑ti ti mabiisi la zaa.
28Ti Dugma Yisa Kirisita Masiiya piinisuma kpalim m‑bɛ ya saani.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2002, Wycliffe Bible Translators, Inc. All rights reserved.