I TƐSALƆNIKA DIMA 4
4
1Ti mabiisi, din paasi nyɛ la: ya teaama din sum ni ya bɛ seem n‑tigi Naawunni nini. Ya pun bamsi lala ti saani, halli lala ka ya daa kur niŋna; ka ti susiri ya ka kpaamni ya ti Dugma Yisa yuuri zugu, ni, ya kur niŋma lala m‑paasira. 2Dama ya mi wulisigu seaa tin daa zaŋŋi n‑wulisi ya, hoo ti Dugma Yisa ŋɔn zaali ti seem la. 3Naawunni yuubu ya saani nyɛ la: ya maali n‑leebi u niriba ka bɛ kasi, ka di tum zina. 4Ya zaasa mi yan nin niŋi seem m‑mari ya mansi m‑bɛ kasi ka dɔli gyirima soori, 5ka di pa la ya dɔli ningbiŋŋu kɔri soori, hoo ban bu dɔli Naawunni zaaligu ŋɔn tumni seem la. 6Dinŋɔ zugu, sɔ di tum u kpeaa din bu tuusi, bee, u fa u kpeaa. Ti Dugma nin ti darigi ban tumni din bu tuusi wa tuba, hoo tin daa pun kpaam ya seem la. 7Naawunni daa bu booli ti, ni ti tum la ningbiŋŋu kɔri tuma; amaa u daa booli ti, ni ti dɔli kasitiri beesigu soori. 8Dizugu ŋɔnkam za'asi wulisigu wa, pa ninsaala wulisigu ka u za'asi, amaa Naawunni ŋɔn ti ti u Sii Kasi la wulisigu ka u za'asi.
9Di bu kpa talasi ni n‑sɔbi n‑wulisi ya yan nin wuri taaba seem, dama Naawunni pun wulisi ya yan nin wuri ya mabiisi seem, ka ya bamsi lala u saani suŋŋa. 10Ka lala ka ya siri wuri ya mabiisi ban bɛ Masidoonya tingbaŋŋu zaa; amaa, ti mabiisi, ti kpaamni ya, ni, ya kur niŋma lala m‑paasira. 11Ya kpaŋŋma ya maŋŋa m‑bɛ baalimm, ka kyɛ ka ya teesa bɛ ya mammaŋŋa yɛla ni, ka bɔ ya mammaŋŋa nuu tuma n‑tumna, hoo tin daa pun wulisi ya seem la. 12Ya yi niŋni dinŋɔa, lala nin kyɛ ka ban bɛ kpaŋŋa nin ti ya gyirima, ka ya mun ku pɔsigi bunseelli kam.
13Ti mabiisi, ti bu boori ni ya bɛ ziilinsi ni zaŋŋi n‑kyaŋŋi ninvugseeba ban gbisiri kum ni la yɛla, ka di nin kyɛ ka ya ku fabinna ban kpi la zugu hoo ban ka tama ŋɔn niŋni seem la. 14Dama ti yi niŋi yɛdda, ni, Yisa daa kpiya ka laa n‑neaai yaasa, ti laa n‑niŋi yɛdda, ni, Naawunni nin ti kyɛ ka Yisa ninvugseeba ban gbisiri kum ni la ti dɔli Yisa n‑labi na.
15Ti Dugma yɛligu ŋɔn wulisi seem ka ti yɛtti ya maa: tiseeba ban ya n‑kpalim m‑mari nyɔvuri halli nti paai ti Dugma lappu na saha la muna - ti ku ti daŋŋi ban pun gbisiri kum ni la tooni. 16Dama ba nin tasi pampam, ka niriba nin ti wum malaakadima zuguraana kukɔri ni Naawunni kikaa kunkuma. Di saha ka ti Dugma mammaŋŋa nin ti yi saazugu n‑sigi na; ka Kirisita Masiiya ninvugseeba ban pun kpi la nin ti daŋŋi kum ni neaari. 17Ka tiseeba ban kpalim m‑mari nyɔvuri m‑bɛ duniya wa ni - tin ni ban nin ti la'am n‑kyaŋŋi nti kpɛ sangbana ni, n‑tuusi ti Dugma Yisa soori saazugu sa; lala ka ti nin ti kpalim m‑bɛ ti Dugma maa saani halli ni saha din ka tɔriga. 18Dizugu ya zaŋŋma yɛttɔ'a wa m‑maari taaba sufu.
S'ha seleccionat:
I TƐSALƆNIKA DIMA 4: maw
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2002, Wycliffe Bible Translators, Inc. All rights reserved.
I TƐSALƆNIKA DIMA 4
4
1Ti mabiisi, din paasi nyɛ la: ya teaama din sum ni ya bɛ seem n‑tigi Naawunni nini. Ya pun bamsi lala ti saani, halli lala ka ya daa kur niŋna; ka ti susiri ya ka kpaamni ya ti Dugma Yisa yuuri zugu, ni, ya kur niŋma lala m‑paasira. 2Dama ya mi wulisigu seaa tin daa zaŋŋi n‑wulisi ya, hoo ti Dugma Yisa ŋɔn zaali ti seem la. 3Naawunni yuubu ya saani nyɛ la: ya maali n‑leebi u niriba ka bɛ kasi, ka di tum zina. 4Ya zaasa mi yan nin niŋi seem m‑mari ya mansi m‑bɛ kasi ka dɔli gyirima soori, 5ka di pa la ya dɔli ningbiŋŋu kɔri soori, hoo ban bu dɔli Naawunni zaaligu ŋɔn tumni seem la. 6Dinŋɔ zugu, sɔ di tum u kpeaa din bu tuusi, bee, u fa u kpeaa. Ti Dugma nin ti darigi ban tumni din bu tuusi wa tuba, hoo tin daa pun kpaam ya seem la. 7Naawunni daa bu booli ti, ni ti tum la ningbiŋŋu kɔri tuma; amaa u daa booli ti, ni ti dɔli kasitiri beesigu soori. 8Dizugu ŋɔnkam za'asi wulisigu wa, pa ninsaala wulisigu ka u za'asi, amaa Naawunni ŋɔn ti ti u Sii Kasi la wulisigu ka u za'asi.
9Di bu kpa talasi ni n‑sɔbi n‑wulisi ya yan nin wuri taaba seem, dama Naawunni pun wulisi ya yan nin wuri ya mabiisi seem, ka ya bamsi lala u saani suŋŋa. 10Ka lala ka ya siri wuri ya mabiisi ban bɛ Masidoonya tingbaŋŋu zaa; amaa, ti mabiisi, ti kpaamni ya, ni, ya kur niŋma lala m‑paasira. 11Ya kpaŋŋma ya maŋŋa m‑bɛ baalimm, ka kyɛ ka ya teesa bɛ ya mammaŋŋa yɛla ni, ka bɔ ya mammaŋŋa nuu tuma n‑tumna, hoo tin daa pun wulisi ya seem la. 12Ya yi niŋni dinŋɔa, lala nin kyɛ ka ban bɛ kpaŋŋa nin ti ya gyirima, ka ya mun ku pɔsigi bunseelli kam.
13Ti mabiisi, ti bu boori ni ya bɛ ziilinsi ni zaŋŋi n‑kyaŋŋi ninvugseeba ban gbisiri kum ni la yɛla, ka di nin kyɛ ka ya ku fabinna ban kpi la zugu hoo ban ka tama ŋɔn niŋni seem la. 14Dama ti yi niŋi yɛdda, ni, Yisa daa kpiya ka laa n‑neaai yaasa, ti laa n‑niŋi yɛdda, ni, Naawunni nin ti kyɛ ka Yisa ninvugseeba ban gbisiri kum ni la ti dɔli Yisa n‑labi na.
15Ti Dugma yɛligu ŋɔn wulisi seem ka ti yɛtti ya maa: tiseeba ban ya n‑kpalim m‑mari nyɔvuri halli nti paai ti Dugma lappu na saha la muna - ti ku ti daŋŋi ban pun gbisiri kum ni la tooni. 16Dama ba nin tasi pampam, ka niriba nin ti wum malaakadima zuguraana kukɔri ni Naawunni kikaa kunkuma. Di saha ka ti Dugma mammaŋŋa nin ti yi saazugu n‑sigi na; ka Kirisita Masiiya ninvugseeba ban pun kpi la nin ti daŋŋi kum ni neaari. 17Ka tiseeba ban kpalim m‑mari nyɔvuri m‑bɛ duniya wa ni - tin ni ban nin ti la'am n‑kyaŋŋi nti kpɛ sangbana ni, n‑tuusi ti Dugma Yisa soori saazugu sa; lala ka ti nin ti kpalim m‑bɛ ti Dugma maa saani halli ni saha din ka tɔriga. 18Dizugu ya zaŋŋma yɛttɔ'a wa m‑maari taaba sufu.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2002, Wycliffe Bible Translators, Inc. All rights reserved.