Римлилерге 12
12
Месихнинъ издешлерине ляйыкъ олгъаны киби яшанъыз
1 #
Рим 6.13
Агъа-къардашларым, сизге Алланынъ мераметинен ялварам: тири ве азиз, Алла бегенген къурбанлыкъ киби, джанларынъызны Аллагъа беринъиз. Бойле ибадет акъикъийдир. 2#2 Кор 4.16; Эф 4.23; 5.17; 1 Тес 4.3Бу дюньягъа уйманъыз, амма, акъылынъыз янъы олгъан сайын, денъишинъиз ве Алланынъ яхшы, гузель ве къусурсыз истегенини сынап анъланъыз.
3 #
Джем 7.16; Эф 3.2 Манъа берильген эйиликнен эр биринъизге буны айтам: озюнъиз акъкъында олгъанынъыздан зияде тюшюнменъиз. Амма Алла эр бир адамгъа не къадар иман берген олса, шунъа коре алчакъгонъюлликнен озюнъизни тюшюнинъиз. 4#1 Кор 12.12-14; Эф 4.16Бир беденнинъ мучелери чокъ, эр мученинъ исе озь иши бар. 5#1 Кор 10.17; 12.27; Эф 4.25Биз де, Месихнен берабер бир беден олып, бири-биримизге коре беденнинъ башкъа-башкъа мучелеримиз. 6#1 Пётр 4.10; 1 Кор 12.4Бизге Алланынъ эйилигинен берильген къабилиетлер де башкъа-башкъадыр. Биревнинъ къабилиети пейгъамберлик этмек олса, иманына коре пейгъамберлик япсын. 7#1 Кор 12.5Эгер хызмет этмек къабилиети олса, хызмет этсин; огретмек къабилиети олса, огретсин. 8#2 Кор 9.7; 1 Тим 5.17Ким гонъюль алмагъа уста олса, алсын. Бермеге севген адам ачыкъ юрекнен берсин. Ким башлыкъ олса, гъайретнен башлыкъ олсун. Мераметли олса, къуванчнен мераметлик япсын.
9 #
Збр 96.10; Ам 5.15; 1 Пётр 1.22; 1 Тим 1.5 Севгинъиз джан-юректен олсун. Яманлыкъны кореджек козюнъиз олмасын, лякин яхшылыкъкъа япышынъыз. 10#Юх 13.34; 1 Пётр 1.22; 2 Пётр 1.7; 1 Тес 4.9; Флп 2.3; Еуд 13.1Бири-биринъизни агъа-къардаш киби сыджакъ севгинен севинъиз, башкъаларына озюнъизден зияде сайгъы косьтеринъиз, 11гъайретинъизни эксильтменъиз, ичинъизде яшагъан Рухтан къызынъыз, 12#Лк 18.1; 21.36; Эф 6.18; Кол 4.2; 1 Тес 5.17умютнен къуванынъыз, кедерде сабырлы олунъыз, токътамайып дува окъунъыз, 13#Рим 15.25; 1 Кор 16.1; 1 Тим 6.18ихтияджы олгъан иманлыларгъа ярдым этинъиз, мусафирчен олунъыз. 14#Эюп 31.29-30; Мт 5.44; 1 Пётр 3.9Сизлерни къувалагъанларгъа яхшылыкъ тиленъиз. Яхшылыкъ тиленъиз ве къаргъаманъыз.
15 #
1 Кор 12.26
Къувангъанларнен берабер къуванынъыз, агълагъанларнен берабер агъланъыз. 16#1 Пётр 3.8; Флп 2.2Озьара бир фикирде олунъыз. Къопай олманъыз, алчакъгонъюлли адамларнен дост олунъыз. Озюнъизни пек акъыллы деп сайманъыз. 17#Лев 19.18; 1 Пётр 3.9; 1 Тес 5.15Ич кимсенинъ яманлыгъына яманлыкънен къайтарманъыз. Бутюн адамлар яхшы сайгъан шейлерни япынъыз.
18 #
Мк 9.50; 2 Кор 13.11; 1 Тес 5.13 Эгер мумкюн олса, къолунъыздан кельгендже, бутюн адамларнен муаббет яшанъыз. 19#Текр 32.35; Икм 20.22; Еуд 10.30Севимли агъа-къардашларым, озьлеринъиз очь алманъыз, Алланынъ гъазабына ер беринъиз. Язылгъан ки:
– Очь алмакъ Меним къолумда,
джезасыны Мен берерим, – дей Рабби.
20 #
4 Пад 6.22; 2 Тар 28.15; Икм 25.21-22; Мт 5.44 Аксине, «душманынъ ач олса, онъа аш бер, сувсагъан олса, сув бер. Бойле япып, башына янгъан куллер киби топларсынъ».
21Яманлыкъ сени енъмесин, лякин яманлыкъны яхшылыкънен енъ.
S'ha seleccionat:
Римлилерге 12: CTB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© Институт перевода Библии, 2016