1 Пётр 2
2
1 #
Эф 4.31; Кол 3.8 Бойлеликнен, эр бир яманлыкъ, айнеджилик, экиюзьлюлик, пахыллыкъ ве яман лафларны бир четке ташланъыз 2-3#Збр 33.9; Мт 18.3; 1 Кор 3.2; Еуд 5.13ве янъы догъгъан балалар киби, темиз рухий сютни истенъиз. Сонъ Рабби эйилигининъ леззетини билип, оседжексинъиз ве къуртулышкъа иришеджексинъиз.
Тири Къая ве сайлангъан халкъ
4 #
1 Кор 10.4
Сиз Онъа, тири Къаягъа якъынлашынъыз. Адамлар Оны бир четке ташладылар, Алла исе Оны сайлады ве къыйметли япты. 5#Чыкъ 19.6; Эф 2.20-22Озьлеринъизден, тири ташлардан киби, Алла рухий бинаны къура. Сонъ сиз, азиз руханийлер олып, Иса Месихнинъ ярдымынен Аллагъа хош кельген рухий къурбанларны кетиреджексинъиз. 6#Еш 28.16; Рим 9.33; 10.11Языда бойле айтылгъан:
– Бакъынъыз! Мен Сионда темельташны къояйым.
Мен Оны сайладым ве къыйметли яптым.
Онъа инангъан адам ич утанмаз.
7 #
Збр 117.22; Мк 12.11; Фаал 4.11 Сизлер, инангъанлар ичюн, бу таш къыйметлидир. Амма инанмагъанлар ичюн:
– Къуруджылар бир четке ташлагъан,
лякин бинанынъ темельташы олгъан бу таш
8 #
Еш 8.14; Рим 9.33 адамларны сюрюндирген таш ве йыкътыргъан къая олды.
Олар сюрюнелер, чюнки Алланынъ Сёзюне инанмайлар. Оларнынъ къысмети бойледир. 9#Чыкъ 19.6; Текр 7.6; 10.15; Збр 35.10; Юх 1.9; Сыр 1.6; 5.10Амма сизлер – сайлангъан бир сой, падишалыкъ япкъан руханийлер, азиз миллет, Алла Озюнинъ халкъысынъыз. Сизлер Онынъ энъ гузель чизгилерини бильдиринъиз деп, Алла сизлерни къаранлыкътан Озюнинъ аджайип ярыгъына чагъырды. 10#Хош 1.6, 9; 2.23; Рим 9.25Бир вакъытларда сизлер халкъ дегиль эдинъиз, энди исе Алланынъ халкъысынъыз. Бир вакъытларда Алла сизге мерамет косьтермей эди, энди исе О, сизге Озь мераметини косьтерди.
Алланынъ къуллары
11 #
Лев 25.23; Якъ 4.1; Рим 7.23; 13.14; Гал 5.24 Севимлилерим, мен сизлерге, бу дюньяда ябанджы ве вакътынджа яшагъанларгъа ялварам: джангъа къаршы дженк эткен беден истеклеринден узакълашынъыз. 12#Мт 5.16; 2 Кор 9.13; Гал 1.24Алланы бильмеген адамларнынъ арасында арекетлеринъиз энъ яхшы олсун. Олар шимди сизлерни яманлыкъ япкъанларны киби яманласалар да, сизинъ яхшы ишлеринъизни кореджеклер ве Алланы Онынъ келеджек кунюнде шуретлейджеклер.
13 #
Рим 13.1; Тит 3.1 Рабби ичюн эр бир инсаний тертипке бойсунынъыз: падишагъа, чюнки о, устюн акимиеттир, 14#Рим 13.3-4ве онъа хызмет эткен башлыкъларгъа, чюнки о, оларны яманлыкъ япкъанларны джезаламагъа ве яхшылыкъ япкъанларны макътамагъа йибере. 15Шунда Алланынъ истеги: биз яхшылыкъ япкъанымызнен, акъылсыз ве бильгисиз адамларнынъ агъзыны къапатайыкъ. 16#Юх 8.32; Якъ 1.25; 2.12; Рим 6.18; 1 Кор 7.22; 2 Кор 3.17; Гал 5.1, 13Азат адамлар киби яшанъыз, амма азатлыкъ астында сакъланып, яманлыкъ этменъиз, Алланынъ къуллары киби яшанъыз. 17#Икм 24.21; Рим 13.7Эписи адамларны урьмет этинъиз, иманлы агъа-къардашларынъызны севинъиз, Алладан къоркъунъыз, падишагъа сайгъы косьтеринъиз.
Месихтен орьнек алынъыз
18 #
Эф 6.5; Кол 3.22; 1 Тим 6.1; Тит 2.9 Къуллар, буюк сайгъынен эфендилеринъизге бойсунынъыз. Тек яхшы ве мераметли эфендилеринъизге дегиль, намуссыз союна да таби олунъыз. 19#1 Пётр 3.14, 17; 4.16Эгер бир адам, Алланы акълында туткъанда, азапларгъа къатланса ве адалетсиз шейлерге чыдаса, Алланынъ разылыгъыны тападжакъ. 20Эгер япкъан гунанъыз ичюн таякъ ашап чыдасанъыз, бу сизге насыл шереф кетиреджек? Амма яхшылыкъ япкъанынъыз ичюн, азапкъа чыдасанъыз, Алланынъ разылыгъыны тападжакъсынъыз. 21#Юх 13.15; Фаал 14.22Алла сизлерни бунъа чагъырды, чюнки Месих де сизлер ичюн азап чекти ве, биз Онынъ артындан юрейик деп, бизге нумюне косьтерди. 22#Еш 53.9О ич бир гуна япмады, агъзындан ялан чыкъмады. 23#Еш 53.7; Мт 5.39; Лк 23.46Оны яманлай эдилер, О исе джевап берип, ич кимсени яманламай эди. О, азап чеккенде, ич кимсени къоркъузмай эди, лякин эр шейни адалетли суд эткен Алланынъ къолуна бере эди. 24#Еш 53.4-5; Рим 6.2; Гал 2.19; 5.24О, гуналарымызны Озь беденине юклеп, оларны терекке котерди. Шунынъ ичюн биз гуналардан айырылдыкъ ве инсафлыкънен яшамагъа башладыкъ. Сизни Онынъ яралары тедавийледилер. 25#Збр 118.176; Еш 53.6; Йрм 50.6; Ехез 34.6, 11; Лк 15.6Сиз ёлуны джойгъан къойларгъа ошай эдинъиз, энди исе джанларынъызнынъ Чобанына ве Бакъыджысына къайтып кельдинъиз.
S'ha seleccionat:
1 Пётр 2: CTB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© Институт перевода Библии, 2016