Zabur 1
1
Zaburay awali ketáb
Zabur 1—41
Pahrézkár o badkáráni ráh
1Bahtáwar hamá ent
ke badkáráni shawr o saláhay sará narawt,
gonahkáráni rahsará naóshtit o
rishkand kanókáni diwáná nanendit,
2hamá ke wáhagi gón Hodáwanday tálimá ent o
róch o shap áiay tálimay sará pekra kant.
3Á hamá drachkay paymá ent
ke rombókén jósaréay kerrá keshag butag o
mósomay sará nibaga dant o
táki nagimmorant,
harché ham ke kant kámyába bit.
4Bale badkár chosh naant,
á hamá pog o paláráni paymá ant ke gwátesha rópit o bárt.
5Gorhá bezán ke badkárán, pa dádrasiá#1:5 Dádrasi, bezán hakkén paysalah, hamá shawr ke cha dádgáhána kayt, dáwari. óshtagay wák o twán nést o
gonahkár pahrézkáráni diwáná hór buta nakanant.
6Ke Hodáwand pahrézkáráni ráhay negahpán ent,
bale badkáráni ráh tabáhi o bégwáhi ent.
S'ha seleccionat:
Zabur 1: HPKB
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2015-2022, Wycliffe Bible Translators, Inc. and the Balochi Bible Translation Team. All rights reserved.