ZACARÍAS 7
7
Apquilmalhnancama actanovmalhca
1Invocmec alhta acnim cuatro najan piltin noveno (nueve), (moc apvisay Quisleu). Aptimec alhta apvisqui Darío cuarto año. Eyapajascasquic alhta amyaa sicvisay Zacarías profeta Dios aplingascama. 2Nalhit acnim alhta intomjac. Apquilanyacpec alhta Sarezer najan Regem-melec najan apnaymacoc, apquilinyemac alhta tingma Betel, elpamejitsacpoc Dios Visqui ingac. 3Apquilanyacpec alhta elpamejitsacpoc profetas najan sacerdotes Dios tingma pac apponquinomap: ¿Intasi ya ongilinlhanmojo moclhama año nintemaclha mataa ningilmalhnancama mepqui nintom najan acmayovsa ingvalhoc? — alhta apquiltomjac.
4Aptomjac alhta Visqui apyimtalhnamo seyanya olngacsic amyaa: 5Ilngas sat amyaa nipyesicsa enlhitaoc lhalhma anco najan nipyesicsa sacerdotes: Vocmec setenta años apquiltemaclha quellhip moclhama año eltimjic apquilmalhnancama mepqui nintom najan acmayovsa apquilvalhoc, piltin quinto najan piltin séptimo.#Jer 25.11; 29.10; Zac 1.12. Meltomjac mataa selayo coo. 6Aptoycaoc nasa najan apyinaycaoc nasa apquiltemaclha quellhip — alhta aptomjac. 7¿Acno ya as amyaa ayinyema Visqui ingac, apquillingascama nanoc nat profetas? ¿Apquillinga ya co Jerusalén najan tingma nipyava maa, najan apnaycam yoclhilhma Néguev najan amyip acvanyam? — alhta aptomjac.
Apquilyeyjamcaa melyajayquiclho
8Aptomjac alhta Visqui ingac seyanya, sicvisay Zacarías: 9Eycaso siyanama coo: Elyiplovcasojo quellhip actemaclha acpeyvomo najan actemaclha ningapeycam. Elasicjacpojo mataa nipyesicsa quellhip. 10Noelyimtalhnes nasa avalhoc lhintampaa, najan apquilyeyjeycam, najan metnaja apquiltemolhama, najan mepqui apquilnatam. Noelinmelham nasa poc nipyesicsa quellhip — alhta aptomjac.#Am 5.24; Mi 6.8. 11Am nic nat elilyajaclhoc apquilyeyjamcaa quellhip. Apquiltomjac nic nat mepqui apaycaoc, mepqui apquilyiplovquiscama. 12Cayjec nic nat apquilvalhoc malha mataymong diamante, mepqui apquiljalhenmo singillhicmoscama najan singanamaclha, apquillingascama ilhnic nat profetas nano, ayinyema espíritu apanco Visqui ingac apyimtalhnamo.
Aplovquic nic nat Dios Visqui ingac, aptomja apquilanya: 13Mepqui selyajayquiclho siclho sictomja siyevoycam. Mongvaylhojoc sat apquiltomja inlhojo seyevoycam. 14Ayilhpancasquic siclhoc nat nipyesicsa enlhitaoc lhalhma anco metnaja apquiltemolhama. Intomjaclhec nat yoclhilhma actamopeycaoc apquileyvomaclha siclho. Actamila anco siclho yoclhilhma, apquiltimesquisa actamopeycaoc - nat aptomjac Visqui ingac.
S'ha seleccionat:
ZACARÍAS 7: ENHL
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió