ZACARÍAS 5
5
Amyaa vaycajac actalhesomalhca
1Invitac alhta mocjam sicvanmoncama. Acvitac alhta vaycajac alpilhyameycaoc malha ayimpay netin.#Ez 2.9-10; Ap 5.1; 10.9-11. 2Aptomjac alhta ángel seyanya: ¿Apvita ya lhquip? — alhta aptomjac. Ayatingmavoc alhta coo: Acvitac coo vaycajac actalhesomalhca, malha ayimpay netin. Acvinatem anco, malha nueve metros, najan acpayjem anco, malha cuatro metros y medio — alhta actomjac coo.
3Aptomjac alhta seyanya: Yitnec actalhesomalhca apyanmongsayclha Dios nintemaclha inganco lhalhma anco. Anit nicja intomjac actalhesomalhca. Elngamcojoc sat apyanmongsayclha aptemaclha apanco apminyilhma najan aptemaclha apyinimquiscama, acno apmopvan amyaa. 4Nasoc appayvam Visqui apyimtalhnamo, aptomjac alhta: Ongvapajacsic sat as singanamaclha tingma pac apminyilhma najan tingma pac apyinimquiscama, acno apmopvan amyaa.#Ex 20.7,15. Comasquejec sat maa sicpayvam acyimtalhnama, acvaycmo tingma apyanina, najan yamit najan mataymong coyaninic sat — alhta aptomjac.
Amyaa quilvana acna avalhoc alhancoc
5Aptomjac alhta seyanya coo ángel siyinmaycamó lhama alhta: Quip ilanojo, cotalhcac sat asoc — alhta aptomjac. 6Actomjac coo siyanya: ¿So acvisay qui? Apcatingmavoc alhta: Acvisay alhancoc ningilyipsateycaoc acvamlha asoc. Colyipsatalhcac sat acvamlha meyascalhma najan apquilsilhnanomap apanco enlhitaoc lhalhma anco — alhta aptomjac.
7Yitnec alhta atong ayapma alhancoc. Cayjec alhta atong allanomalhca plomo yinmongam actic. Innec alhta acliquisa atong. Invitalhquic alhta lhama quilvana acna avalhoc alhancoc. 8Aptomjac alhta ángel seyanya coo: Acyitsomalhca asoc acmasom as nalhpop — alhta aptomjac. Apyinjac alhta ángel aptalhnesa mocjam congne as quilvana. Apcapeclhec alhta atong acyimtalhnama.
9Alanoc alhta mocjam. Acvitac alhta anit quilvanaa acma alhimpancoc, malha siyana alhimpancoc. Inquilmec alhta alhancoc acyivey colsovc nitno naysicsa alimpay.
10Actomjac coo siyanya: ¿Co laa alpatmaoclha alhancoc? 11Apcatingmavoc alhta: Payjoc yoclhilhma Babilonia. Apquilpenasquic sat ancoc apquillanay tingma apponquinomap (acyitnamaclha quilaycmasquiscama), colhic sat acnesa congne tingma as quilvana netin actajanem — alhta aptomjac.
S'ha seleccionat:
ZACARÍAS 5: ENHL
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió