Nahum 2
2
Ninefa aatiŋ aah kuln pu na
1Ninefa aatiŋ, bi gob si a.
Mpɔɔn mu ga wii si yuk yuk na fuu ni a.
Ban bijab sil saatiŋ aagon paab.
Cha bi kiir nsan ngbaan. Gor ki kiir butɔb.
2Uwumbɔr ban u ki giin Israel aatiŋ aapak ki ki nan kpa, aan kaadim nan gaa kaawangol butɔb ni na tii ki la.
3Bidim aajab joo kijaak aapeln ti man na la,
le ki pee tiwanpeenkaan mamann mu.
Bi bi gor ke bi nan tak la.
Baataan aatɔroku tiib moor ke mmii na la, baataan bi yuk la.
4Itaan aatɔroku tiib san kitiŋ ponn ni ke baah waar le na,
ki san ti nya do ki di nan nya do kitiŋ ngbaan aapaan ni.
Bi moor ke limotaafil aamii na la,
ki moor ni mɔmɔk ke utaal na.
5Bi kuun bijab aayidam;
le baah tur cha mɔb pu na, bi gbeer.
Bidim chii ki buen kitiŋ ngbaan aagoln chee
ki gor baajaak aapeln ke baah ga li joo yur tɔb le na.
6Ibisamɔi i bi limɔɔl wɔb na chuu piir a;
le ijawaan gbiin libɔrdichal ni.
7Bi chuu ubɔrpii a; le waatutum wii ke ŋinanjel na
ki joo biŋaal gbaa bibiŋ mpombiin pu.
8Binib san nyan Ninefa aatiŋ ni ke limɔɔl aah kar kan,
laanyun puu nya pu na la.
Iwiil nya ni ke, “Sil man. Sil man.”
Le ubaa aa fenni upuwɔb ke u lik.
9Gaa tikunabr ngbaan mpɔɔn man.
Gaa salmaa ngbaan mpɔɔn man.
Kitiŋ ngbaan ponn ni gbii liwangol la.
10Ninefa aatiŋ bii a, ki ber a, le ki gur dɔ nkuun.
Ijawaan cha binib aapobil donn a;
mpɔɔn doo a, le ŋitaaŋaayil gbaa tɔtɔk,
le ŋinimbil wɔb ŋa yɔl yɔl.
11Tɔ, kitiŋ ki nan bi ke ichinn aabuu na ki bi la chee?
nin chee ichinn aabim ji, aan uchinnja ni uchinnpii nan chaa, aan yaabim bi lifuur ni na, bi la chee?
12Uchinn nan chuu tinann le ki daa par par ti
ki tii upuu ni waabim;
u nan di tinankaab le gbiin waabuu ni.
13Uwumbɔr Mpɔɔnsakpiindaan bui ke, “Saadin ye min la. M ga see saataan aatɔroku tiib mmii. Bi ga ku saajab butɔb ni la, le m ga yoor saah nan gaa tiwan ni biken chee na ki di buen. Ubaa aan ki ŋun saah nan kpa mpɔɔn mu dulnyaa wee ni na pu.”
S'ha seleccionat:
Nahum 2: xonB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©1998, 2014 Wycliffe Bible Translators, Inc. All rights reserved.