Nahum 1
1
1Uwumbɔr aabɔnabr Nahum u nyan ni Elkos aatiŋ ni na aah nan kan Ninefa aatiŋ aabɔr ti na sɔ. Uwumbɔr le nan kpiir ti mɔk u.
Uwumbɔr aah gee Ninefa aatiŋ pu liŋuul pu na
2Tidindaan Uwumbɔr aa kii ke unii doon liwaal libaa;
u dar binib bi kpak u na aatafal.
Waaŋuul ponn ni le u teeni bi baah tun pu na.
3Uwumbɔr aaŋuul aa fiir mala mala,
le u tee kpa mpɔɔn sakpen,
le ki dar binib bi aabɔr aa ŋan na aatafal,
kaa joo cha pinni bi.
Kitaabuŋ fii nin chee Uwumbɔr chuun na la;
utaa aatangbaak le ye ntaalangbam.
4Uma le len nnyusakpem chee, le mu foor.
U cha ŋimɔɔ foor.
Basann aatiŋ aakpaakon kuur la,
Kamel Aajool mann ke titan na la,
le Lebanonn aatiŋ aasupuun gbar lir.
5Ŋijoo jii Uwumbɔr aanimbiin ni la;
le ŋigongon donn unimbiin ni.
Kitiŋ yaa kan Uwumbɔr kan, ki deŋni la;
dulnyaa, ni binib bi mɔmɔk bi u pu na aawon gbaa la.
6Uwumbɔr aaŋuul yaa fii kan, ŋma ga ŋmar?
Ŋma ga ŋmar waaŋuusakpeln ni?
U cha waaŋuul puu nyan ni ke mmiigaal na la;
ŋitakpal wur unimbiin ni ki kpaln titan la.
7Uwumbɔr ŋan; waanib yaa bi tibɔr ni kan, u kii bi;
le ki lik binib bi fenn buen u chee ki ban nterm na pu.
8U kuln waadim ke nwam mu san mala mala na la;
u ku binib bi kpak u na la.
9Ba aan ni bi kpokl Uwumbɔr pu? U ga kuln nimi.
Ubaa aan ŋmaa kpak u ki jer nfum mubaa.
10Nimi bidanyurb ga wu mmii ke ikokon i lɔk tɔb ni na,
ni timokuun aah wu pu na la.
11Uja u aasui nan gbii mbiin aalandak na nan nyan ni sin Ninefa aatiŋ ni la, uma le nan kpokl Uwumbɔr pu. 12Uwumbɔr aah bui waanib Israel yaab pu na sɔ: “Hali Asiria#1.12: Ninefa nan ye Asiria aatiyil la. yaab aah wiir ki kpa mpɔɔn pu na, bi mɔmɔk ga kuln ki wɔŋ. Maanib, min le nan cha ni jin falaa, tɔ, maan ki ŋa kina. 13Dandana wee ma m ga kuln Asiria yaab aapɔɔn mu bi nan kpa ni pu na, ki kii tikululn ti nan buu nimi na.”
14Uwumbɔr aah siin pu Asiria aatiŋ pu na sɔ: “Baan li kpa yaabitiib bi ga cha baayimbil li beenin bi na. M ga kuln ŋiwaa ŋi bi baawaadir ni na. M bi gbii likaakul bilni Asiria yaab la, naa ŋan ke bi li kpa limɔfal.”
15Lik man, ntuun nyan ni ŋijoo pu ki joo ni tibɔnyaan. U choo u nan moon linyaŋ aabɔr la. Juda aanib, ji nimi aajim man, ki tii Uwumbɔr naah di nisui mɔmɔk puu ke ni ga tii u ni na. Bibiindam aan ki dan nan jenn gaa nimi aatiŋ daalbaadaal. Bi kuln doo kookoo a.
S'ha seleccionat:
Nahum 1: xonB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©1998, 2014 Wycliffe Bible Translators, Inc. All rights reserved.