JOSHUA 16
16
Ephraim Maiye Peiyu Teidei
1Josef maiye peiyu teidei raih hai Jeriko vei teinghi palo nghia buyu Jordan hinou Jeriko vei dzüla payu hinou poa vaohro hi khe deichiva buyu Bethel nuh hie. 2Süthaisü Bethel hinou Arkhi mainou hrüyu Ataroth Addar lahpokou Luz hi koute-e. 3Süthai teinghi loulova kouhloua Japhlet mai vei teidei hinou Beth-horon khe-e, sühinou Gezer hi kouhloua Mediterranean Zai hi nou kou khaisoue.
4Josef vei tyaonahtao, Ephraim alia Manasseh mainou puletao vei kaalo sü ngaoloue.
Ephraim
5Ephraim khü nou puletao kihikhamai thaifüa teidei haitao ngaoloue: puletao vei deiraih hai Ataroth-addar hinou Beth-horon hi khete-e, 6alia sühinou Zaidu nahi kouwe; reikou vei deirai hai Mikmetheth, alia teinghi palova hipoa Tannath-shiloth hilo kouwe, alia sühinou lakhai shakouh teinghi palo buyu Janoah hi kouh-we. 7Süthaisü Janoah hinou Artaroth alia Naarah hi kouhte-e, sühinou kou Jeriko nghia buyu Jordan hinou akhai soue. 8Tappuah hinou puletao vei deirai hai teinghi loulo kouloua Kanah reitou hivai lou Zaidu hinou khaie. Sühai Ephraim khüvei kaaloe. 9Manasseh maivei deirai hinou buyu nuh taoli hai Ephraim maiye peie. 10Ana puhmai nou Gerer hi hrüa buyu Kanaan maiye hulai loumoe; südonou zhaodao koutea Kanaan mainou Ephraim mai ye koa hrüa bue, ana puhmaiye sü puhle vei qila panou soue.
S'ha seleccionat:
JOSHUA 16: POUMBSI
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.