Versets bíblics populars de Ifyakufuma 9

Comparteix

sombi icine nipakuti pali fifi mwimicileni, ati mulanjisyeni uŵukulu bwanji, nakaŵili ati isina lyanji likalukutulisiwa monse mucalo capansi.

Popele apo ŵaYawe ŵalilaŵile kuli Mose ati: Injila kuli Falo, umuŵule ati: ŴaYawe Lesa waŵaEbeya ŵalaŵile'fi ati: Ŵaleke aŵantu ŵanji ati ŵakampyunjile.

Kaŵili ŵukumo niŋgatambiko'kuwoko kwanji, niŋgamupameni mweŵo nekuŵapama aŵantu ŵenu kumwalo, namweŵo eli muŋgapinikwa ukumufumyeni pacalo

ŵona, ukuwoko kwaŵaYawe kuli panama isyapacembelelo, napali ŵakafwalo, napamboŋgolo, napaŋgamela, napamataŋga aŋombe neambelele; pakalukuli akaŋkolomwena akalemene mako sa. Kaŵili ŵaYawe ŵakacito'mupaka pakati panama syaŵaIsilaeli nenama syakuIjipiti; lomba tapakafwa-po neli kantu pali fyo fyonse ifyakuŵa-Isilaeli.

Ŵoneni, mailo pampindi ino ŋkalokesye'mvula yamabwe akukatasyo'kwakuti, akuŵe'fyo lomba taaŋgawa mucalo caIjipiti ukufuma pampindi iyo caleŋgelwe ukufika nakuli ŵuŵuno-ŵukumo. Pano lomba mutume aŵantu, musiinjisisye bwaŋgu inama syenu nafyo fyonse'fyo ifi muli nafyo mwiŵala; pakuti aŵantu ŵonse nenama syonse isikasaŋgwa mwiŵala, isyakuwulo'kuletwa kumusi, imfula yama bwe ikasiloka, nasyo sikafwa.

Lomba akaaluka likuŋgu linini linini ponse pacalo caIjipiti; kaŵili akaŵa mapute alukufimba nemafina paŵantu napanama, monse mucalo caIjipiti. Popele apo ŵalikamwine amatoi apesiko, nekwimakana pamenso akwe Falo; popele Mose waliapupile mwi ulu; eli aŋgaaluka mapute alukufimba nemafina paŵantu napanama.