Versets bíblics populars de Ifyakufuma 8

Comparteix

Kaŵili aŵalaye ŵalicitile'fyo kubwaŋga bwaŵo mukulete'nda, sombi taŵaisiŵile ukukucita: lomba pali nenda paŵantu napanama. Popele apo aŵalaye ŵalilaŵile kuli Falo ati: Uyu munwe waŵaLesa. Sombi umutima wakwe Falo walikosele, taaŵomfwilisye; koti nifyefyo ifi ŵalaŵile ŵaYawe.

Popele apo ŵaYawe ŵalilaŵile kuli Mose ati: Injila kuli Falo, ulaŵile kuli ye ati: ŴaYawe ŵalaŵile'fi ati: Ŵalekeni aŵantu ŵanji, ati ŵakampyunjile

Sombi Falo, ili abwene ati pali ukutusya, alikosesye umutima wakwe, taaŵomfwile; koti nifyefyo ifi ŵalaŵile ŵaYawe.

Lomba kani mukane ukuŵaleka, ŵoneni, nakupame'calo cenu pamipaka yonse kuli ŵaŵombwe

Popele apo ŵaYawe ŵalilaŵile kuli Mose ati: Ulaŵile kuli Aloni ati: Tambika'kasako koŵe, upame pefukutu lya pansi, ati lyaluke ninda monse mucalo caIjipiti.

Cine ŵacitile'fyo ŵaYawe; popele palinyemucile filunsi ifyakuti ubwinji muŋanda yakwe Falo, namumananda aŵapyunjisi ŵakwe; kaŵili monse mucalo caIjipiti icalo caliŵolele pakuti pakunyemuka kwaŵalunsi.