Versets bíblics populars de Eksodosy 16

Comparteix

ka nanao taminy hoe: Inay anie izahay mba matin’ny tànan’i Jehovah tany amin’ny tany Egypta, raha nipetraka teo anilan’ny fahandroan-kena ka nihinan-kanina ho voky; fa nitondra anay nivoaka ho atỳ an-efitra hianareo hahafaty mosary izao fiangonana rehetra izao. Ary hoy Jehovah tamin’i Mosesy: Indro, Izaho handatsaka mofo avy any an-danitra ho anareo; dia hivoaka ny olona ka hanangona izay sahaza hohaniny isan-andro, hizahako toetra azy, na handeha manaraka ny lalàko izy, na tsia.

Dia nimonomonona tamin’i Mosesy sy Arona tany an-efitra ny fiangonana, dia ny Zanak’Isiraely rehetra

Ary hoy koa Mosesy; Ho hitanareo izany, raha homen’i Jehovah hena hohanina hianareo anio hariva, ary mofo hahavoky rahampitso maraina; fa efa ren’i Jehovah ny fimonomononanareo, izay nimonomononanareo taminy; fa izahay moa no inona? Tsy izahay no imonomononanareo, fa Jehovah.

Efa reko ny fimonomononan’ny Zanak’Isiraely, koa mitenena aminy hoe: Anio hariva dia hihinan-kena hianareo, ary rahampitso maraina kosa dia ho voky mofo hianareo, ka dia ho fantatrareo fa Izaho no Jehovah Andriamanitrareo.