Versets bíblics populars de Eksodosy 15

Comparteix

ka hoy Izy: Raha hazoto hihaino ny feon’i Jehovah Andriamanitrao hianao ka hanao izay mahitsy eo imasony sy hihaino ny lalàny ary hitandrina ny didiny rehetra, dia tsy hisy hataoko aminao ireny aretina rehetra ireny, izay nataoko tamin’ny Egyptiana; fa Izaho no Jehovah Izay mahasitrana anao.

Jehovah no heriko sy fidèrako, fa efa famonjena ahy Izy; Izy no Andriamanitro, ka hankalaza Azy aho, Dia Andriamanitry ny razako, ka hanandratra Azy aho.

Jehovah ô, iza moa no tahaka Anao amin’izay andriamanitra? Iza moa no tahaka Anao, Izay ankalazaina amin’ny fahamasinana, Deraina amin’ny fahatahorana, Mpanao fahagagana?

Tarihinao amin’ny famindramponao ny firenena izay navotanao, Ka entinao amin’ny herinao ho any amin’ny fonenanao masina izy.

Dia tonga tao Mara izy, fa tsy nahasotro ny rano tao Mara, satria nangidy izany; koa izany no nanaovany ny anarany hoe Mara. Dia nimonomonona tamin’i Mosesy ny olona ka nanao hoe: Inona no hosotroinay? Ary dia nitaraina tamin’i Jehovah izy, ka dia nanehoan’i Jehovah hazo anankiray, ary rehefa natsipiny tao anatin’ny rano izany, dia tonga mamy ny rano. Tao no nanomezan’i Jehovah lalàna sy fitsipika ho azy, ary tao no nizahany toetra azy