Versets bíblics populars de Yameesa 3

Comparteix

Innaarunaindaraa irirafa indaaruqaafa sia ikairi faifa amiqirafa mifa naaree indaaru doo mina miqooqari asooarana nimirafa faqa fisoo fisooirafa faqa aiqamausara aqoondikirana faqa miqimarifa faiqiara qimudaoo qirafa qumbiqanoo maridanoo mi innaarunaindaraa irirafa mifa amiqira narana unakuseenoo afaaridanoora foora amiqira oosana nimimarifa mifa sia qaara ufa qirafa marifa. Mina marirana faqa sia qaaraikinoo maridanoo. Innaarunaindaraa irirafa miqiminoo maridanoo.

Inniki moo fannoo nariara irirana faqaasee aiqama ufa oosanara irimarunausee qimarifa doo mi fasiqafa narí amiqira mariranannai faqa amiqira qumararanannai faqa reendeenirana namufaqa narí irirana namufaqa koorooianifeera.

Asooeemariasa nári amiqira marirana qaqamara fooqiara asooaranaki ummaqusaafanoo minakiqari amiqimmandee andeeqarafa kambiqaidanoo.

Rairaiqirafa faqa oonititee anititee irafa faqa mariqoo miqoo dapi marirafa faqa mandainaina oosana oosana faqa mariqoo maridanoo.

Maasa minakiqari maasa qikoona maasa karaambaiqara minakiqari dufi dufi qidaqa kafaa quandaki Anutufa narí amana kai maasa qiqoonausa auquqoosa niquraraidaqa. Dufi dufi qirafa faqa niqurararafa faqa moodaa dookiqari kaimma ururaidanoo. Oo qini qikaqaafasaa mariasa mi ainainafa sia andeeqanoo maridanoo.

Maasa qifauru idati miqirafa maridanoo narí mariqooqari aiqama mandainaina oosana oosana aiqama maasa qifaaqasasa daraanidanoo. Mi idatifa Sadanna idati qumbisee quandakinoo maasa aiqama marirana nirana qumbiqaraidanoo.

Nári nifauru kai faiqí ooqaindari sia reendeenimariafa maridanoo. Sia amana faiqí rafaaqafirana amana maridanoo sukufa minaki qumbiqanoo maridanoo.

Qini qikaqaafasaa Yisuna ufara suqimariasakiqari innikiqari sia moomoosa ufasaa rakisirausaikiqa mariaqa. Maasa ufasaa rakisirausa afeeka ufa Anutufa kasooqaqee qimiannoo, kaqiqeesa oorudupinoo nimiannoo. Maasa aiqama aaqeemariasa maridaqa. Faiqí anaasee moo fannoo narí ookiqari sia aaqainafa doo mifa anoona paqurimaseenoo doo narí afaaqa ainaina marirana faqa andeeqasee rakisida mariannoo.