Versets bíblics populars de Kɛ́nsísɔ́ 13

Comparteix

Ée yě ɖǒ gbe ɔ́ fó ɔ́, Kalɛ́bu ɖɔ nú mɛ lɛ́ɛ ɖo Mɔyízi nukún mɛ ɖɔ yě ní nɔ abwɛ̌. É ɖɔ nú yě ɖɔ: “Mi wá mǐ yi; mi wá mǐ yi yí to énɛ́; é sixú gló mǐ ǎ.”

Mǐ mɔ Anáki ví lɛ́ɛ; gbɛtɔ́ jangan jangan wɛ yě nyǐ. Ayǐsínzɛn ɖɔhun wɛ mǐ cí ɖo akpá yětɔn; mɔ̌ jɛ́n yě lɔ ka ná kó mɔ mǐ ɖó ɖo akpá yětɔn.”

Lo ɔ́, mɛ e kpó Kalɛ́bu kpó yi to ɔ́ mɛ lɛ́ɛ ɖɔ: “Mǐ sixú yi tɔ́n ahwan mɛ énɛ́ lɛ́ɛ ǎ; yě hú gǎn mǐ dín.”

Bɔ yě jɛ nǔ e to e yě yi ba do ná ɔ́ nyí ɔ́ xó ɖɔ jí, ɖo Izlayɛ́li ví lɛ́ɛ nukɔn; yě ɖɔ: “To e mɛ mǐ yi gbɔn, bó ba do ná ɔ́, to ɖé wɛ é nyí, bɔ mɛ ɖé nɔ́ yi mɛ bó nɔ́ gán ǎ; mɛ e mǐ mɔ ɖo to ɔ́ mɛ lɛ́ɛ bǐ wɛ jɔ asú.

Yě ɖɔ nú Mɔyízi ɖɔ: “Mǐ yi to e mɛ a sɛ́ mǐ dó ɔ́ mɛ. Anɔ̌sin kpó wǐin kpó nɔ́ sa ɖo to ɔ́ mɛ nǔgbó. Atínsínsɛ́n to ɔ́ mɛ tɔn ɖě ɖíe.

Amɔ̌, nǔ ɖokpó e ɖ'é mɛ ɔ́ wɛ nyí ɖɔ mɛ e ɖo to ɔ́ mɛ lɛ́ɛ ɖó hlɔ̌nhlɔ́n; toxo e ɖo to ɔ́ mɛ lɛ́ɛ d'agba ɖésú, bɔ è mɛ ahohó lɛ́ lɛ̌ dó yě ganjí. Mǐ tlɛ mɔ Anáki ví lɛ́ɛ ɖo dɔ̌n.

Amalɛ́ki ví lɛ́ɛ ɖo to ɔ́ sín afɔligbé; Hitíti lɛ́ɛ, Jebuzinu lɛ́ɛ, kpódó Amɔliti ví lɛ́ɛ kpó ɖo sókan mɛ, bɔ Kanáanu lɛ́ɛ ɖo xu ɔ́ kpódó Judɛ́ɛn tɔ ɔ́ kpó kpá.”

Ée yě wá ɔ́, yě yi Mɔyízi kpó Aalɔ́ɔn kpó, kpódó togun Izlayɛ́li tɔn ɔ́ bǐ kpó gɔ́n, ɖo Kadɛ́ci, ɖo gbětótló Paláni tɔn mɛ. Yě ɖǒ nǔ e yě mɔ ɖo dɔ̌n ɔ́ sín gbe nú yě bǐ, bó xlɛ́ atínsínsɛ́n to ɔ́ mɛ tɔn yě.