Versets bíblics populars de Romanos 9

Comparteix

Dan me se caꞌve̱e se da̱j a̱ me rá yuvii̱, caꞌve̱e se da̱j a̱ quiꞌya̱j yuvii̱, tza̱j ne̱ se̱ caꞌvee quiꞌya̱j nij yuvii̱ se vaa me rá maꞌa̱n nij yuvii̱ maꞌ. O̱rúnꞌ Yaꞌanj me síí cata̱j me síí cunu̱u ꞌe̱e̱ rá soꞌ maan ado̱nj.

ꞌO̱ se ga̱a naá caꞌmii Yaꞌanj rihaan síí cuꞌna̱j Moisés, cataj Yaꞌanj a: “Ga̱a̱ ꞌe̱e̱ rá ꞌu̱nj ni̱ꞌyaj ꞌu̱nj man yuvii̱ me rá ꞌu̱nj niꞌya̱j ꞌu̱nj man, ne̱ qui̱ꞌyáj se lu̱j rihaan yuvii̱ me rá ꞌu̱nj qui̱ꞌyáj se lu̱j rihaan ado̱nj.” Da̱nj caꞌmii Yaꞌanj rihaan Moisés ga̱a naá a.

Tza̱j ne̱ ne nó xcúún níꞌ cata̱j níꞌ se vaa ne nó xcúún Yaꞌanj quiꞌya̱j soꞌ nda̱a vaa ꞌyaj soꞌ maꞌ. Caꞌve̱e xna̱ꞌanj ꞌo̱ xruj yoꞌóó man síí quiꞌyaj man xruj: “Me cheꞌé quiꞌyáá so̱ꞌ da̱nj mán ꞌu̱nj ga̱.”

Dan me se neꞌen níꞌ se vaa sese me rá Yaꞌanj cunu̱u ꞌe̱e̱ rá Yaꞌanj man ꞌo̱ soꞌ, ne̱ cunu̱u ꞌe̱e̱ rá Yaꞌanj man soꞌ, ne̱ sese me rá Yaꞌanj gu̱un nichra̱j rá ꞌo̱ soꞌ, ne̱ gu̱un nichra̱j rá soꞌ, quiꞌya̱j Yaꞌanj ado̱nj.

Dan me se síí ꞌyaj xruj me se do̱j yoꞌóó niquii ga̱a̱ rihaan soꞌ, ga̱a ne̱ caꞌve̱e quiꞌya̱j soꞌ xruj a. Do̱j yoꞌóó niquii ni̱caj soꞌ quiꞌya̱j soꞌ xruj veꞌé ndoꞌo vaa, ga̱a ne̱ doj yoꞌóó niquii ni̱caj soꞌ quiꞌya̱j soꞌ xruj nij doj a. Caꞌve̱e quiꞌya̱j soꞌ da̱j me rá maꞌa̱n soꞌ á.