Versets bíblics populars de Romanos 5

Comparteix

Xa̱ꞌ Yaꞌanj, tza̱j ne̱ nda̱ꞌ se tumé níꞌ cacunꞌ, tza̱j ne̱ caviꞌ Cristó cheꞌé níꞌ, ne̱ nayón soꞌ rihaan níꞌ, quiꞌyaj Yaꞌanj, ne̱ veé dan me se tihaa̱n Yaꞌanj rihaan níꞌ se vaa ꞌe̱e̱ ndoꞌo rá Yaꞌanj man níꞌ ado̱nj.

Cheꞌé dan se̱ guun naꞌa̱j níꞌ maꞌ. ꞌO̱ se rqué Yaꞌanj Nimán Yaꞌanj man níꞌ, ne̱ Nimán Yaꞌanj tihaa̱n man níꞌ se vaa ꞌe̱e̱ uxrá rá Yaꞌanj man níꞌ ado̱nj.

Ne̱ vaa cheꞌé gu̱un niha̱ꞌ rá níꞌ cheꞌé sayuun ranꞌ níꞌ, ne̱ neꞌen níꞌ se vaa cheꞌé sayuun ranꞌ níꞌ me se nariꞌ nucuaj doj nimán níꞌ, ne̱ cheꞌé dan aranꞌ rá Yaꞌanj niꞌya̱j Yaꞌanj man níꞌ, ne̱ cheꞌé dan uun ya̱ rá níꞌ se vaa vaa güii ca̱yáán níꞌ ga̱ soꞌ a.

Dan me se amán rá níꞌ neꞌen níꞌ Yaꞌanj, ne̱ cheꞌé dan navij cacunꞌ tumé níꞌ, ne̱ cunuu sa̱ꞌ nimán níꞌ rihaan Yaꞌanj, ne̱ cheꞌé dan me ne chuꞌviꞌ níꞌ ya̱j, cheꞌé se a̱j naꞌmii sa̱ꞌ níꞌ ga̱ Yaꞌanj quiꞌyaj Jesucristó Si̱j ꞌNi̱j Raꞌa man níꞌ ado̱nj. Dan me se amán rá níꞌ niꞌya̱j níꞌ man Cristó, ne̱ cheꞌé dan guun cheꞌe̱ níꞌ nacaj níꞌ se lu̱j ꞌyaj Yaꞌanj cheꞌé níꞌ, ne̱ xraan nica̱j níꞌ se lu̱j yoꞌ a. Ne̱ ya̱j roꞌ, uun niha̱ꞌ ndoꞌo rá níꞌ cheꞌé se uun ya̱ rá níꞌ se vaa vaa güii ti̱haa̱n Yaꞌanj rihaan níꞌ nu̱ꞌ se vaa niꞌndaj ya̱ sa̱ꞌ veꞌé vaa soꞌ ado̱nj.

ꞌO̱ se Cristó me se ga̱a ne gu̱un nucua̱j maꞌa̱n níꞌ si̱j ma̱n rihaan chumii̱ nihánj quiꞌya̱j sa̱ꞌ níꞌ do̱ꞌ, ga̱a né si̱j noco̱ꞌ man Yaꞌanj me níꞌ do̱ꞌ, ne̱ caviꞌ Cristó cheꞌé maꞌa̱n níꞌ, ga̱a quisíj güii cachrón maꞌa̱n Yaꞌanj cavi̱ꞌ soꞌ na̱nj ado̱nj.

Cuano̱ me se a̱j cunuu sa̱ꞌ nimán níꞌ rihaan Yaꞌanj, cheꞌé se cayanj ton man Cristó ga̱a caviꞌ soꞌ, ne̱ cheꞌé dan neꞌen níꞌ se vaa ti̱nanii Cristó man níꞌ rihaan sayuun quiꞌya̱j Yaꞌanj güii cuya̱nj rá Yaꞌanj ni̱ꞌyaj Yaꞌanj man yuvii̱ tumé cacunꞌ ado̱nj.

Dan me se síí cuꞌna̱j Adán roꞌ, o̱rúnꞌ soꞌ ne caꞌve̱j rá cuno̱ rihaan Yaꞌanj, ne̱ cheꞌé dan queꞌe̱e̱ ndoꞌo yuvii̱ tumé cacunꞌ, tza̱j ne̱ cuno o̱rúnꞌ síí cuꞌna̱j Jesucristó rihaan Yaꞌanj, ne̱ cheꞌé dan cunu̱u sa̱ꞌ ri̱i̱ uxrá yuvii̱ rihaan Yaꞌanj ado̱nj.

Ne do̱j nihánj me maꞌ. Da̱nj na̱nj uún ne̱ uun niha̱ꞌ rá níꞌ cata̱j níꞌ rihaan tuviꞌ níꞌ cheꞌé se vaa quiꞌyaj Yaꞌanj cheꞌé níꞌ, ne̱ da̱nj ꞌyaj níꞌ cheꞌé Jesucristó Si̱j ꞌNi̱j Raꞌa man níꞌ na̱nj á. ꞌO̱ se soꞌ me síí quiꞌyaj guun tuvi̱ꞌ níꞌ ga̱ Yaꞌanj ado̱nj.