Versets bíblics populars de DEUTERONOMA 11

Comparteix

u ta ma dyondzisa vana va wena, u vulavula ha wona hambiloko u ri endlwini, ni le ku fambeni ka wena, ni loko u ya eku etleleni, ni loko u pfuka

“Nghenisani marito lawa ndzi mi byelaka wona etimbilwini ta n'wina ni le mimoyeni ya n'wina; mi ya bohelela emavokweni ya n'wina xi va xitsundzuxo xa n'wina, ni xikombiso exikarhi ka mahlo ya n'wina

“Kungakuloko mi yingisa swinene milawu ya mina leyi ndzi mi lerisaka namuntlha, mi va mi rhandza Yehovha, Xikwembu xa n'wina, mi n'wi tirhela hi timbilu hinkwato ta n'wina, ni mimoya hinkwayo ya n'wina, ndzi ta nyika tiko ra n'wina mpfula hi nkarhi wa yona, ti ri timpfula leto sungula, ni leto hetelela; u ta tshovela koro ya wena, ni vhinyo ya wena ni mafurha ya wena.

“U ta rhandza Yehovha, Xikwembu xa wena, u va u hlayisa leswi a ku vekeleke swona, ti ri timhaka ta yena ni ku lerisa ka yena, ni milawu ya yena.

“Languta, ndzi veka namuntlha ku kateka ni ku rhukana emahlweni ka n'wina: Ku kateka, loko mi yingisa milawu ya Yehovha, Xikwembu xa n'wina, leyi ndzi mi lerisaka namuntlha, ni ku rhukana loko mi nga yingisi milawu ya Yehovha, Xikwembu xa n'wina, ni loko mi hambuka endleleni leyi ndzi mi lerisaka namuntlha, ku landza swikwembu swin'wana leswi mi nga swi tivangiki.

u ta ya tsala etinyangweni ta wena ni le timhandzeni ta yindlu ya wena, leswaku masiku ya n'wina ni masiku ya vana va n'wina ma tarisiwa etikweni leri Yehovha a hlambanyeleke vatata wa n'wina ku va nyika rona, ma fana ni masiku ya matilo lama nga ehenhla ka misava.

“Tilanguteleni leswaku timbilu ta n'wina ti nga tshuki ti ringiwa, kutani mi hambuka, mi ya tirhela swikwembu swin'wana, mi khinsama emahlweni ka swona