Versets bíblics populars de San Lucas 9

Comparteix

Jayave Jesús jei opaete vae pe: —Ime yave quía uipota oo cherupíe vae, tiñacañɨ iyugüi, tovoɨ icurusu opa ara, jare too cherupíe —jei—.

Uipota uñuvatu jecove vae ndarau ipuere. Ẽrei jocua umeeta jecove chereco pegua vae uñuvatuta co —jei—.

Ẽrei Jesús jei chupe: —Tamɨjaanga umbɨara vae. Umbɨara vae umae yave jaɨcue cotɨ, ndarau sɨmi oo. Jae ramiño vi che amɨmbaravɨquɨ yave quía, uyapo cavi'ã yave iparavɨquɨ, ndarau icavi ico vaerã Tumpa iporoyocuia pe —jei.

¿Mbae ra umɨnganata quía, umɨngana yave opaete ɨvɨ pegua, ẽrei ipuere'ã yave uñuvatu jecove? —jei—.

Ime yave quía imara cheré jare chiñee re vae, che cuimbaerã ayeyapo vae chemarata vi jese, ayu ye yave ayembutuichaca vaerã chembaepuere reve, cheRu imbaepuere reve, jare ángel uñeñono tee Tumpa peguarã vae reta imbaepuere reve —jei—.

Jayave Jesús jei chupe: —Aguara reta güɨnoi icua reta, jare güɨra reta güɨnoi jaitɨ reta. Ẽrei che cuimbaerã ayeyapo vae mbaetɨ cherenta —jei.

Jayave jei jemimboe reta pe: —Ime yave quía uyapo icavi vae cua nunga sambiaɨ pe cheree pe vae, cheve co uyapo icavi vae. Jare jocua cheve uyapo icavi vae, uyapo vi icavi vae chembou vae pe. Echa'ã pepɨte pe oĩ vae uñemɨmichi vae icota tenondeguarã —jei.