Versets bíblics populars de San Lucas 10

Comparteix

Mase, amee ma peve mbaepuere pepuere vaerã pepɨ̃ro mboi re jare chumɨcarape re, jare penoi vaerã mbaepuere tovaicho re, yepe tẽi jae güɨnoi vi mbaepuere. Ipuereta'ã mbae uyapo peve —jei—.

Jayave yandeYa jei chupe: —Marta, Marta, ndiyemɨpɨa'ã jeta mbaembae re. Ẽrei yaipota'ã jeta mbaembae. Cua María uiparavo icavi vae ndegüi. Ndarau quía ipuere uequi chugüi —jei.

Jayave jei Jesús pe: —Uyecuatía oĩ cuarãi: ‘Eau ndeYa Tumpa opaete ndepɨa reve, jare opaete nderecove reve, jare opaete nepɨrãta reve jare opaete ndepɨayemɨngueta reve. Jae ramiño vi eau nderapicha nde ndiyerau rami.’ Jucuarãi uyecuatía oĩ —jei.

Jare jei chupe reta: —Jeta ete co yaavɨro vaerã. Ẽrei mbovɨ ete co umbaevɨro vae reta. Jáeramo pe reta piyerure yandeYa pe omondo vaerã uparavɨquɨ vae reta umbaevɨro reta vaerã —jei—.

Añave tapɨrandu ndeve: ¿Quía nunga pa co jae jocua imonda vae reta uipɨsɨ vae japicha añetete vae? Echa'ã mbapɨ cuimbae uasa jocoropi —jei. Jare mboroyocui re oporomboe vae jei Jesús pe: —Jocua uiparareco vae. Jayave Jesús jei chupe: —Ecua iyapo jae uyapo vae rami.

Pecua. Mase, pomondo icavi mbae vae uyapo vae reta ipɨte rupi. Pe reta ovecha-raɨ reta rami co. Jae reta yaguapɨ̃ta reta rami co —jei Jesús chupe reta—.