Versets bíblics populars de Jo Roma 12

Comparteix

Pe wulub tam me lobo man, ento wuwek Lubaŋa olok tamwu odok nyen, wek omi wuniaŋ i gin ma Lubaŋa mito, gin maber, ma yomo cwinye, ma roc mo pe iye.

Pi meno, utmegina, abako doga botwu pi kica pa Lubaŋa, wumine kenwu macalo gitum makwo ma gityero bot Lubaŋa, gin maleŋ ma yomo cwiny Lubaŋa; ma en aye woro me cwinywu.

Cwinywu obed yom pi gin ma wugeno; wudi cwinywu i can, kun wumine kenwu i lego Lubaŋa ki cwinywu ducu.

Pe wuwek gin marac olowu, ento wun aye myero wulo gin marac ki timo gin maber.

Wumarre kekenwu ki cwinywu ducu macalo omego, kun dano acel acel miyo deyo bot lawote.

Wuwek mar ma wutye kwede obed mar me ada. Wukwer gin marac, wumok matek i kom gin maber.

Ka ce twerre ki tuŋ botwu, myero wubed ki kuc ki dano ducu.

Luwota ma amaro, pe wucul kwor, ento wuwek kare ki kiniga pa Lubaŋa, pien yam gicoyo ni, “An aye ma abiculo kwor, abiculo waŋe lacen, man Rwot ma owaco.”

Komwu obed mit, laboŋo wackom, wubed lyet wa i cwinywu, kun wutiyo bot Rwot macalo luticce.

Pi mot me kica ma gimiyo bota atito botwu ducu ni, dano acel acel myero pe opar pi ditte mukato kare, ento wubed ki par ma tye atir, kun ŋat acel acel lubo kit pok me niye ma Lubaŋa doŋ opimo omiye.

Pe wucul waŋ gin marac ki gin marac i kom dano mo, ento wutam pi gin ducu ma dano ducu pwoyo ni ber.

Wubed ki niaŋ ma atir i kinwu kekenwu; pe wuwakke, ento wuribbe ki dano ata ducu. Pe wukette kekenwu ni wuryek.

Yam gicoyo bene ni, “Ka ce kec neko lakworri, miye kwon ocam; dok ka orwo pii neke, miye pii omati; pien ka itimo kumeno, ibibako miri mac i wiye.”

Wuleg gum i kom jo ma giunowu; wulam gum botgi, ento pe wucengi acena. Wubed ki yomcwiny kacel ki jo ma tye ki yomcwiny, wukok bene kacel ki jo ma kok.

Wupok jamiwu bot jo pa Lubaŋa ma gitye ki peko; wuket cwinywu bene ka gwoko welo.

Watye ki dul komwa mapol i kom acel, dul kom magi bene pe gitiyo kit tic acel keken; kit meno, wan bene kadi bed wapol, wan kom acel i Kricito, ma dano acel acel bedo calo dul kom lawote.