Versets bíblics populars de Jo Roma 11

Comparteix

Pien en aye yam oketo jami ducu, jami ducu yam obedo tye pire, dok bene obedo mere. Deyo obed bote nakanaka. Amen.

Lonyo pa Lubaŋa dwoŋ ma okato kare! Ryekone kacel ki ŋecce tut twatwal! Lok ma en ŋolo tere pe tatte, niaŋ i kite tek!

“Aŋa ma ŋeyo tam pa Rwot? Aŋa ma yam miye tam?”

I kit yo acel-lu tye jo mogo i kare man ma gudoŋ, ma Lubaŋa oyerogi pi kicane. Ci ka giyerogi pi kica, man noŋo doŋ pe ocuŋ i kom tic ma gin gutiyo; ka nene ocuŋ i kom tic ma dano otiyo, kono kica doŋ pe gilwoŋo ni kica.

Ento ka ce jaŋe mogo gituro woko ki i kom yat jeituni maberrre, ka doŋ gijako jaŋ yat jeituni mo me tim, ci gicomo ka-kagi wek omok i tyen yat maber ca, ka doŋ cako nywako ywayo pige ma miyu ma a ki i lwite. Jaŋ yat ma gijako ki i tim ca en aye in; ento pe myero iwakke i kom jaŋe mukene ca. Kadi bed iwakke, pe in aye ma itiŋo lwite, ento lwite aye ma otiŋi.