Versets bíblics populars de Jo Epeco 6

Comparteix

Pien wan pe walwenyo i kom dano ma tye ki kom ki remo, ento walwenyo ki luloc ki wegi twero ma woko, ki i kom gin ducu ma loyo wi lobo ducu i kare man me colpiny, dok ki dul mony mogo maraco me cwiny ma tye i polo.

Wuleg kare ducu i Cwiny ki lega me bako dog. Wubed ma wuyubbe i lega kare ducu kun wuciro peko, kun wulego pi jo pa Lubaŋa ducu.

Wuruk jami lweny ducu ma Lubaŋa miyo, wek wucuŋ kun wugeŋŋe kekenwu i roro pa Catan.

Pi meno myero wukwany jami lweny ducu ma Lubaŋa miyo, wek obikonywu me cuŋo matek i nino marac, pud wubicuŋ ma noŋo doŋ wuyelle i kit yo ducu.

Makato ducu, niye aye myero obed kwotwu ma bimiyo wutwero neko mac ki i kom atero ma Larac bayo. Wumak larre aye obed tok nyonyo me wiwu, ki lok pa Lubaŋa ma en aye pala lucwan pa Cwiny Maleŋ.

Pi meno, myero wucuŋ ma wutweyo pyerwu woko ki ada, wuruk bene kit ma atir wek obed nyonyo me geŋo korwu, kun wuyubbe me tito lok me kwena maber me kuc ma bedo macalo war ma wuruko i tyenwu.

Me agikkine, wubed tek i Rwot ki twero me tekone.

Yam gicoyo ni, “Wor woru ki meni.” Man aye cik mukwoŋo ma giciko pi gin mo maber ma bia ki iye, ni, “wek ibed ma nyimi leŋ dok iri i lobo pi kare malac.”

Wun litino, wuwiny lunyodowu i Rwot, pien meno aye ber.