Versets bíblics populars de Jo Epeco 5

Comparteix

Wulub kit pa Lubaŋa, pien wun litinone ma en maro. Wubed kun wulubo yo me mar, macalo Kricito ceŋ omarowa, ci omine kene piwa wek ebed macalo gitum ma ŋwece kur ma gityero bot Lubaŋa.

Wugwokke maber i kwo ma wubedo kwede; pe wubed macalo jo ma kwiya piny, ento calo jo maryek. Kare ma tye myero iti kwede i yo maber, pien nino me kare-ni opoŋ ki gin marac.

Dok pe myero wumer ki koŋo, pien mero kelo kit me caro. Ma ka mero, wuwek Cwiny Maleŋ opoŋ cwinywu, kun wuloko i kinwu kekenwu lok me jabuli, ki wer, ki wer me cwiny, kun wuwero dok wukuto wer me pako Rwot ki cwinywu ducu. Wupwo Lubaŋa Won i kare ducu pi jami ducu i nyiŋ Rwotwa Yecu Kricito.

Pi meno, pe wubed miŋ, ento wutem niaŋ gin ma Rwot mito wuti.

Wun co bene wumar monwu i kit macalo Kricito omaro kwede lwak muye en, ci omiyo kwone pigi

Yam wubedo colpiny, ento kombeddi doŋ wudoko dyeceŋ i Rwot; kitwu myero doŋ obed kit pa jo me ceŋ.

Wumine kenwu i te loc pa jo mukene, ŋat man bot lawote, pi woro Kricito.

Wun mon wumine kenwu i te loc pa cogwu, macalo wumine kenwu bot Rwot.

Pi meno, laco acel acel i kinwu myero omar dakone macalo maro kome kene, ki dako bene myero onen ni eworo cware.

Yam gicoyo ni, “Pi lok man dano biweko wonne ki minne, ci giribbe woko gin ki dakone, gin aryo doŋ gidoko kom acel.”

Pe wuribbe i tic mo ducu me piny macol ma pe konyo, ento wunyut kit tic meno woko ka maleŋ.