Versets bíblics populars de Daniel 6

Comparteix

Chay decreto firmasqa kasqanta Daniel yacharuspanmi wasinman rispan cuartonpa Jerusalén lawman qawaq ventanankunata kichaykurqa. Hinaspam qonqoranpa kimsa kutikama sapa punchaw Diosninta mañakuspan graciasta qorqa, imaynam ñawpaqta ruwasqanta hina.

Diosniymi angelninta kachamuspan leonkunapa siminta wichqarurqa mana imanawananpaq. Diosqa yachanmi mana huchayuq kasqayta chaynataq qayllaykipipas ima mana allintapas mana ruwasqayta, nispa.

Munaychakusqaypi llapallan runakunatam decretaspay kamachimuykichik Danielpa Diosninta manchakuywan kasukunaykichikpaq. Payqa kawsaq Diosmi, wiñaypaq takyaq Diosmi, kamachikuyninpas mana haykapipas tukuqmi, munaychakuyninpas mana haykapipas puchukaqmi. Paymi salvaqninchikpas chaynataq libraqninchikpas, kay pachapipas hanaq pachapipas payllam milagrokunata ruwan, payllataqmi Danieltapas libraykun leonkunapa mikusqan kananmanta.

Chaymi reyqa pusachimurqa Danielta, leonkunapa kasqan uchkuman wischuykunankupaq. Manaraq wischuykuchkaptinkum Danielta rey nirqa: Mana samaykuspa servisqayki Diosnikiyá qamta librasunki, nispa.