Versets bíblics populars de Stg 3

Comparteix

A'ut li naxk'anjela ru li choxahil na'leb', a'an saq ru li xyu'am; jo'kan ajwi' naxk'e xch'ool chirix li tuqtuukilal, li chaab'ilal, li tuulanil. K'ajo' aj uxtaan ut xiikileb' li xchaab'il b'aanuhom! Maawa' aj ka'pak'al u ut juntaq'eet narileb' chixjunil.

Ma wank junaq sa' eeyanq wank xna'leb' ut xk'a'uxl? Chixk'utaq rik'in xtiikilal li xyu'am, rik'ineb' li xb'aanuhom uxb'ileb' sa' tuulanil jo' li wank xna'leb'.

Eb' laj k'anjel chirix li tuqtuukil usilal neke'awk sa' tuqtuukil usilal ut te'xxok li tiikil ch'oolej.

B'ar nawank li kaqalik ut wech'ink, aran wank li po'ok ib' ut yalaq k'a' chik chi maa'usilal.

Chiru a'an naqa'usilaatina li Qaawa', li Yuwa'b'ej Yos, ut chiru ajwi' a'an naqamajewaheb' li qas qiitz'in li yoob'tesinb'ileb' cho'q xjalam u li Yos. Sa' jun chi ehej na'elk chaq li usilaatinank ut li majewank. Ex was wiitz'in, a'in ink'a' naru taawanq chi jo'kan.

Ut li ru'uj qaq' a'an xam, a'an jun ruuchich'och' nujenaq chi maa'usilal. Li ru'uj qaq' a'an jun xcha'al li qatz'ejwal, ab'an nokooxtz'ajni chi qajunxaqalil; naxloch xxamlel chixjunil li qayu'am chalen sa' xtiklajik, rik'in jun xam nachalk chaq sa' li xb'alb'a.

A'ut li ru'uj aq'ej maajun winq natuulanob'resink re; li ru'uj aq'ej a'an ink'a' us, junelik nasaapan, numtajenaq xmay chi kamsink.

Ex was wiitz'in, meesik' chejunilex li wank cho'q aj tzolonel, xb'aan naq nekenaw naq q'axal kaw chik taaraqmanq aatin sa' qab'een laa'o aj tzolonel.