Versets bíblics populars de 1 Ko 8

Comparteix

ab'an chiqu laa'o jun ajwi' chi Yos wank, a' li Yuwa'b'ej, li nachalk wi' chixjunil li k'a'aq re ru; cho'q re a'an naq yo'yooko. Jo'kan ajwi' chiqu laa'o wank jun ajwi' chi Qaawa', a' li Jesukriist: sa' xk'ab'a' a'an wank chixjunil, ut laa'o yo'yooko sa' xk'ab'a' a'an.

Anaqwan too'aatinaq chirix li k'aru mayejanb'il chiruheb' li yal k'oxlanb'il yos. Yaal ajwi' naq “wank qak'a'uxl chiqajunilo”. Ab'an rik'in li xnimal nawok naq'etq'eto'k li winq; ka'ajwi' li rahok nakab'lank re li komonil. Wi wank junaq nak'oxlank re naq wank xna'leb' chirix junaq k'a'aq re ru, a'an toj maji' xtikib' xnawb'al jo' chanru tento xnawb'al.

Jo'kan utan, wi li tzekemq taaluktesinq xch'ool li was wiitz'in, maajoq'e tintzekanq tib' chiruheb', re naq ink'a' tinluktesi xch'ool li was wiitz'in.

Ab'anan chek'ehaq reetal: meeluktesi xch'ooleb' li toj q'uneb' sa' li paab'ank xb'aan naq neketzeka a'in.