Versets bíblics populars de 1 P 3

Comparteix

Jiek can Cristo Jajawilok. Co naek tol asanxanej oc Cham. Tx'ijanokabc'al chi jut co ba jalon yab mactaktxel chi k'anlej yab ayon tzet yuj xan chi jaoc Cristo yipok co c'ul. Yin mansoc'ulalil, c'al yin c'ununi k'anejal chi jut jalon bay eb. Ay eb chon buchon yuj co watx' beybal, yujtol ayoc Cristo yin co c'ul; palta watx' chi jut co beybal yet watx' c'am chon tzulay yuj yikbomal co nabal, xan a yet chon buchon eb, ok q'uixwok aj eb.

Yujtol a Cham Jajawil, chi taynen eb anima watx' beybal, cax chi yacbaj txiquin yet chi yalon ba eb bay, palta ow chi yut Cham sat yin mac chi unen yobal, ẍi.

Ayokab e watx'il, palta manak e watx'nen aj e yili chi wala'. Manokab ayxa mayok che yut e xil. Manchak e yaoc e nabal yin ch'en oro che k'anbalnej, tamwal yin pichilej ayxa may tojol. Yujtol manak yetok juntzan tu' ok ex watx'jok ocok. Palta aokab e c'ulbal che yak' e yip e watx'nen ocok, yet watx', watx' e yili yul sat Dios. A watx'il e c'ulbal tu', c'am bak'in ok etaxtok. Tatol manso ex, tatol numumi ex, miman ton yelapnok yul sat Cham.

yujtol tix wal yalon yul tx'an Un ti': Ta ay mac chi yal c'ul chi najatilbi is k'inal, ta chi yochej tzalojc'ulalc'al chi ec' junjun c'u yuj, c'ayokab el aloj yobal k'anej. C'amokab chi yak' lek'tial. Besokab el ba bay yobtakil, axa watx'ilal chi yunej; c'amokab owal chi yunej, beybalnejokab junc'ulalil.

Yetok c'apaxok, chi waltok junxa ti' ayex: tol jun lajanxanejokab chi jut co nabal co masanil. Tatol ay eb chi cusi, colwajokonek bay eb. Co camc'ulnelejek co ba, yujtol jet creyenteal co ba. Ok'okab co c'ul jin junjun on. Yaynakilokab chi jut co ba ayon junjun on. Ta ay eb yob chi yut ba ayon, manokab yobok chi jut co ba bay eb. Tatol ay eb chon buchoni, manchak on buchwaj yin eb. A ti jet, tol chi co k'an watx'c'ulalil Dios yiban eb. Yujtol awtebil on yuj Cham, yuj joccan yetok, yuj tx'oxon is watx'c'ulal ayon

Ta asan watx' beybalej chi el co beybalneni, ¿mactax junok ok ak'on yobtakil ayon?

Besokab el ba bay yobtakil, axa watx'ilal chi yunej; c'amokab owal chi yunej, beybalnejokab junc'ulalil.

Caw wal watx' ta chi jab yail yuj co watx' beybal, tatol axca tu' chi el yin c'ul Dios. Palta ta yuj co yob beybal xin, cax chi jaben yail, nabac'al toni.