Versets bíblics populars de Марк ҫырнӑ Евангели 10

Comparteix

Этем Ывӑлӗ те Хӑйне пулӑштарасшӑн килмен, Хӑй пулӑшасшӑн, нумайӑшне ҫӑласшӑн Хӑй чунне пама килнӗ, тенӗ.

Иисус вӗсем ҫине пӑхса илнӗ те ҫапла калать: этем ӑна тума пултараймасть, Турӑ — тӑвать, мӗншӗн тесессӗн Турӑ пурне те пултарать, тет.

Иисус каланӑ ӑна: каях, ху ӗненни ҫӑлчӗ сана, тенӗ. Лешӗ вара ҫав самантрах куракан пулнӑ та ҫулпа Иисус хыҫҫӑн кайнӑ.

Ҫавӑнпа та Турӑ пӗрлештернине этем ан уйӑртӑр, тенӗ.

Иисус ун ҫине пӑхса, ӑна юратса каланӑ: санӑн тата пӗри ҫитеймест: кай та мӗнпур пурлӑхна сутса чухӑнсене валеҫсе пар, вара санӑн мулу тӳпере пулӗ; кайран таврӑн та, хӗресне илсе, Ман хыҫҫӑн пыр, тенӗ.

Ӑна хуравласа Иисус ҫапла ыйтнӑ: эсӗ Мана хӑвӑншӑн мӗн тутарасшӑн? тенӗ. Суккӑр ҫын Ӑна: Вӗрентекен! манӑн куракан пуласчӗ, тенӗ.

Анчах сирӗн хушшӑрта апла ан пултӑр: сирӗн хушшӑрта кам асли пулас тет, ҫавӑ сирӗншӗн тарҫӑ пултӑр

Чӑн калатӑп сире: Турӑ Патшалӑхне кам ача пек йышӑнмасть, ҫавӑ унта кӗреймӗ, тенӗ.

Малтисем нумайӑшӗ кайра пулӗҫ, кайрисем малта пулӗҫ, тенӗ.

Чӑн малтанах, тӗнчене пултарнӑ чухне, Турӑ арҫынпа хӗрарӑма пултарнӑ. Ҫавӑнпа ӗнтӗ этем хӑйӗн ашшӗпе амӑшне пӑрахӗ те арӑмӗ ҫумне ҫыпҫӑнӗ, вара иккӗшӗ пӗр ӳт пулӗҫ; ҫапла ӗнтӗ вӗсем — иккӗн мар, пӗр ӳт.