Versets bíblics populars de Liuk 3

Comparteix

Sighi Jȯn akanye ȯnȯ in̄wi ami ekedi ebine anyi uluȯk-mmȯn̄, anyi ȯkȯn̄ ȯluȯk Jizȯs mmȯn̄. Sighi Jizȯs ȯbȯn̄ akam, ipe-ȯnyȯn̄ ȯgwȯ. Ani Elille Sibirid etehe ki ipe-ȯnyȯn̄ adiduo Jizȯs ki udid ibiom. Ahta-Etie asie kȯnyȯn̄ atan̄ nsen̄e ȯgȯ, «Avi anni emimme oyo Ami, azid annie Mi etieti ma Avi.»

Ani Jȯn ȯdȯhȯ afidefid imi ȯgȯ, «Ami nde mmȯn̄ n̄nȯ ifi uluȯk-mmȯn̄, ani anwi mȯkedi ami opokie mi. Ami ondo iditra obioo ipekuo Iseghe sighi oyuvȯk emenne-o. Anyi ma ede Elille Sibirid ȯluȯk in̄wi, manȯn̄ ede ukan̄ enne in̄wi elle.

Sighi atitie anwin nkim, ukem seni anasi ifi inne mpȯ ami ȯgbȯ ki ifi ikabadezid kapanikwȯ. Ikitȯn̄ȯ idikre ki azid ifi igo, «Siaki inyin inni ubon anin̄ Ebraham, inyin inni san̄asan̄a iyo anin̄ Ahta-Etie. Ani ndȯhȯ ifi ngȯ, Ahta-Etie akime iliek ima utai ami enne anni ubon ȯnȯ Ebraham.

Ani ulahami, Ahta-Etie mȯkedimgbai in̄wi ami nama ekabadezid ufen. Anyi alasi anwi ami aka ikid iseghe kubȯk idipa ȯlliȯn̄ atitie. Aneki anwi nama enwin ideghe nkim Ahta-Etie ma amgbai anyi ufen. Anwi ani adila si atitie ami epa enim ki isȯn̄ etan̄ efȯ kukan̄.

Asiakuduak Azaya asian aban̄a Jȯn kini anyi ekewed etop ami asie Ahta-Etie ki nwed iseghe ȯgȯ, «Anwi kȯpȯk ki otuitu uje ki ofio, Ȯgwȯn̄-Etie kedi nwrawra. Enien̄e adeghe enȯ Anyi, enȯn̄ enne ȯpȯdeghe ana nnenen Anyi ede asan̄a ogbo. Menne afidefid utehede ȯyȯhȯ, menȯn̄ enne afidefid ipono ma nyiyon̄ obod etehe. Anasi enne ȯpȯdeghe ami akakwan̄a enien̄e, menne ima mpotok-mpotok ȯpȯdeghe edrȯ. Afidefid in̄wi mekid anyin̄inyan̄a ami asie Ahta-Etie adi.