Versets bíblics populars de Romio 1

Comparteix

Manja khobor laʹte ingdo gorboʹing. Manja khoborgiâ ana sukti, akaṭaʹ suktitedo Issor Aiʹren pâtyuonkhoiʹ bacokoe, Palheredo Jihudiko ar tayomtedo Ojihudiko.

Alkate Issorte âdmiko Aiʹ nijeṭheʹ atanglakakaʹkoe, anado niâ manja khobornaʹ talatigi uduʹ hokana. Palhe khoiʹ mucitʹ dhâbiʹ pâtyunaʹ talatigi âdmi Issorṭheʹ nirdos mente atangkanako. Sastro alka mene, "Pâtyunaʹ talate eke dhârmikgie ânido ononto jiui namheʹ."

Issoraʹ akako gun metʹte bang lel namoʹa, mane Ânioaʹ jaijugnaʹ khomota ar Issorio sobhab sirjunaʹ ehob khoiʹ manjatigi lelnamkana. Ânioaʹ sirju khoiʹgi âdmido manjate bujhu dareʹako. Niâ tayom khoiʹ âdmite Issor bang baṛeyaʹ jahan banha bang dareʹako.

Âdmite Issor baṛeisanako, kheʹ angkodo Issoraʹ bang gourobkadako ar dhonnobadho bang makâdiako. Âdmikoaʹ cintâdhara orthohinngekantakoa ar angkoaʹ bemaʹ mon nutngekantakoa.

Issoraʹ sâri giṛiketeʹ angkodo âuṛionaʹgi atangkadako, Ar sirjuiʹ bâgiketeʹ borong angkodo Ânioaʹ teyar jinisnaʹgi upâsona ar seoakadako, kheʹ sanam Prosongsa cirokal âni Issoraʹgiâ. Amen.

Issoraʹ edre sorgo khoiʹ sodoroʹkana sanam lakanaʹ pap kâminaʹ ar angkoko âdmiaʹ biruddhe ekeko kharap kâmite sâriaʹ dapal doheyako.

Issorte angko kharap kâminaʹ tire jimâkeʹkoe. Kurihoponho kurihopon saote osabhabik giuʹgoiʹ kharap kâmikadako. Ṭhik engkaketeʹgi korahoponho kurihopon saote sabhabik bang beboharketeʹ eṭaʹ korahopon laʹte laloketeʹ giuʹonaʹ kâmikadako, ar niâ pap kâminaʹ sâsti angkodo akoaʹ hormorigi namkadako. Angkodo Issoraʹ bisoite gen tahedo thoṛaho bang gurupto moneledako. Anate Issorte angkodo onucit kâmire jimâkaʹkoe ar akako kâmi angkoaʹdo bang ucita anako kâmiako.

Angkodo akogi geni mente lâioʹreho angkodo bemaʹgiâko. Angkodo jaijugren Issoraʹ bang gourobketeʹ ananaʹ badalte, âdmi laka leloiʹ murti, cere, janoar ar lengonkhoiʹaʹ murtiaʹ upâsoneyako.