Versets bíblics populars de غَلاطیان 5

Comparteix

ولی خِدایی روحی ثَمَرِه، مِحبت، خِشالی، صِلح و سلامتی، صَبر، مِهرَوونی، خِبی، وَفاداری، ملایمت و شی دَمِ بَیتَنِ. هیچ شریعتی هَینِنی ضِد نیِه.

ولی مِن گِمِه خِدایی روحی هَمرا رفتار هاکِنین گه جِسمی خواسِّها رِه بِجا نیارِنی.

اگه خِدایی روحی هَمرا زندگی کِمّی، خِدایی روحی هَمرا هَم رفتار هاکِنیم.

اونانیگه مَسیحْ عیسایی سِه هَسِّنِه، جسمِ وی هوا و هوس و خواسِّهایی هَمرا صَلیبی سَر بَکِشینِه.

اِسا، جسمی اَعمال مَعلومِ: بی‌عفتی، ناپاکی، و هرزگی؛ بِت‌پرسی و جادوگری؛ دِشمَنی، جنگ و دعوا، حسودی، غیظ، زیادِ خواهی، تفرقِه، دَسِه دَسِه هاکِردن حَسودی؛ مَسّی، عیاشی و یَه چیایی هَینِنی تَرا. شِمارِ هِشدار دِمِه، هَمونجور گه پِشتَر شِمارِ هِشدار هادا وِمِه، اونانیگه هَینجور کارارِه کِنِنِه خِدایی پادشاهی رِه اِرث نَوِرِنِه.

چونگه اِی بِرارِن، شِما آزادی ای سِه بَخونِس بَوِنی. فقط شی آزادی رِه یَتِه فرصتی تَرا جِسمی سِه استفادِه نَکِنین، بَلگی مِحبتی هَمرا، هَمدِیَرِ خِدمَت هاکِنین.

چون جسمی خواسِّها خِدایی روحی ضِدِّ و خِدایی روحی خواسِّها جسمی ضِدِّ؛ چونگه هَین دِتا هَمدیَری ضِدِّنِه، جوریگه دِ نَتِنِّنی هر چی گه خواینِنی رِه، بِجا بیارین.

چون دِشتِه شریعت یَتِه حِکمی دِلِه خِلاصِه وونِه گه: «شی هَمسادِه رِه هِتی شی تَرا دوس دار.»

بیخدی مغرور نَووئیم تا هَمدیَری غیظِ لُو بیاریم، و هَمدیرِ حَسودی نَکِنیم.

آزادی ای سِه وِه گه مَسیح اَمارِه آزاد هاکِردِه؛ پَس قائِم هِرِسین و یَکَش دییَر نوکری ای جِدِ شی گِردَن نِلین.