Versets bíblics populars de Markos 6

Comparteix

Dipo tu kakpal nu tolay a magdemáttan sakay maglakaden ay awan dán hide ti panahun a kuman. Kanya kinagi ni Jesus tu disepulus na hide, “Umangay kitam tu tahimik a lugar para makaimang kam ti sabadit.”

Dipo ti iye ay kinagi nide ni Jesus, “U essa a prupeta ay igalang maskin hádya, liban la tu kabanuwan na hide, u kapartidu na hide, sakay u kabilay na hide.”

Káawas ni Jesus tu abang ay netan na u tunay ti káppal a tolay. Nahabag siya nide dipo kumán hide a tupa a awan ti pastol, kanya tinolduwan na hide ti makpal a bagay.

Itod u dahilan ni bakin awan siya nakagimet tu makataka-taka a bagay ti itod, liban la tu sasangan a te saket a pinatungan na tu kamát na sakay pinagpiyya. Nagtaka siya dipo umád de a maniwala nikuna. Linebut ni Jesus u babaryo tu palebut sakay tinolduwan na u tagahod hide.

Inalap ni Jesus u limma a tinapay sakay tu duwwa a ikan; tummangad siya ti langet sakay nagpasalamat tu Diyos. Káttapos ay hinati-hate na u tinapay sakay inyatád na tu disepulus na hide para iyatád di be tu tolay hide. Konna bi hod u ginimet na tu ikan sakay intagtag dibe. Nakakan hide a atanan sakay nabássog, sakay nikuna ipunán nu disepulus na hide u nabuhay a tinapay ay ti ikan ay nakaputat pa hide ti sapulo ay ti duwwa a lákba.