Versets bíblics populars de Sealm 32

Comparteix

Þa andswarode God þam witegan þurh þæne Halgan Gast and cwæð: “Ic þe sylle andgit and þe getæce þone weg þe þu onsteppan scealt, and ic locie to þe mid minum eagum.

Þu eart min gebeorhstow on minum earfoþum, þa me habbað utan behringed; ac þu þe eart min frefrend, ahrede me æt þam þe me habbað utan bestanden.

Ic þa gedyde mine scylda þe swyþe cuþe, and min unriht ic na ne helede wið þe. Þa cwæð ic on minum mode þæt ic wolde andettan and stælan ongean me sylfne mine scylda, and þa Gode andetan; and þu me þa forgeafe þæt unriht minra scylda.

Eadige beoð þa þe him beoð heora unrihtwisnessa forgifene and heora synna beoð behelede.

Eadig byð se wer þe him God ne oðwit his scylda, ne on his mode ne byð facen.

For þæm gebiddað ealle halige to þe on tilne timan; for þæm þonne and for eallum heora goodum dædum ne genealæcð him na þæt flod þæra myclena wæterena (þæt synt, þas andweardan earfoþa and eac þa toweardan).