Versets bíblics populars de Yaku 3

Comparteix

Mvdv̀m kèní í daqì we zitnøt nø, mv́ngshèr nø̀ vchvk vtvng lòng íe. Wemèpvng nø vrv́m vrá we, nøt køn we, lin yùl we, mvrézanøt nv̀ng bv̀nlì shvláí dv̀nzø̀ng we, mv̀rshv̀m màrvwìng we nv̀ng dvpéshì nøt màvl we, yadv́ng pv̀n íe.

Nàmaq dvhø̀ taq zitnøt nv̀ng cíngrálnøt vdá vsv̀ng kagǿ íe? Àng nø zitnøt nv̀ng cíngrálnøt vl we sv̀ng laqyà shvláí laq dvta:nò. Vrá, zitnøt kèní bung we cipshì nø:tní wàò we bv̀nlì shvláí gø laq dvta:nò.

Vrá, shvrv́m shvráshúrìí wøn bǿò we mòngzø̀l lòng kèní shí long we nø døngman lòng íe.

Kadø íe wani shǿm we nv̀ng vdè dvpvt wa nøtshì we vl yv́ng nø, vhaq vjángshì we nv̀ng mvgvm màshvla we bv̀nlì àngpv̀npv̀n gø bung longe.

Nøngmaqí nø Kàngpè nv̀ng Vpè Gvray sv̀ng pvlèí shvring shvtàìe. Vrá, Gvray shø̀ngmang nv̀ng vbóng dø mv́n yà:ngà we vsv̀ng kaq pvlè welù:ngí ni mvtá:nìe. Nònggøp tiqlòng kèní ni shvring shvtà kà gø, mvtv́n kà gø bunge. Vnvm vchvngrìá, yadø nø wàlv́m mø̀í.

Pvlè nø svmi tiqlòng ni íe. Pvlè nø góng dvgv̀ngrì taqkèní mvgv́m vtvng í nø̀, góngkøp sv̀ng mvmv́ng mvshèr dvcaqòe. Pvlè nø vsv̀ng lvpat shvngbe sv̀ng wá:rò nø̀ zùpvng móng svmií àng vdè gø wv́rshìe.

Ínìgø, pvlè yalòng sv̀ng nø, kagǿí gø øp mvdá:ngò. Pvlè nø naqshì v́l mvsháò we mvgvm vnaq tiqpv̀n í nø̀, dvshílv́m pvla dv̀n vdeqe.

Vnvm vchvngrìé, shvngøtshúrì nøngmaq nø té vlishì we kàngélv́m lún lú:ngì we èshánø̀ng rvt, shvngøtshú wa mèwáshìnø̀ngni.