Versets bíblics populars de GALATI 6

Comparteix

Hougsu" yoomo ge da" moozoo" ri zei wa shid re" ngoonu" myung: soo" doug asoo" loo: koid nyid boem shang- Khasu" wim gari ngoonu" yoem: a shoin: rigi ayo, akhyeing: ju" lang" shau" yham" yu boem wa zi nghoid.

Hougsu" wigi ngoonu" gi ayo, akhyeing: bo jo, shi" uri ge bue" da" ayo, yoo" khang" moo"- byu dangain" mo, shid re" ge lho, da" moo" ri zei: nyid boem shang nghoid loug we' loem" jeung" da" ikoin deungkhu: yi shid re" je" wigi zei: nyid boem shang.

Nanu" nyang: cang" dayoug yoovoin, ri dayug- bo pang" voin goo" ge'- houg: su" nghoid lang" gi nanu" Khristu da" Tarha" ri cang pyeung zi nghoid wa.

Nanu" gi nyang: nya: da" gung du: ri mhau' lho wigi khyoo: avhang: loo" goo"- Mangsoo ri hang" we' aphoug" akhyoid yo" koid wa zi anghoid- byu yi gi nyang: tu: nyang: sho" kaid ziyo' dakhyoo" shau" yham" yu wa zi nghoid.

Byu da" gung shoo" ein: da" myid' jang: moo sho" kaid su: gi shid: lo" ein: da" byo, yoin" da" amyoug: ashi" ri shau" yham" yu wa nghoid- Venyi ein: da" myid' jang: moo sho" kaid' su: gi apyad' atoo: mo kangso ein: da" amyoug: ashi" ri shau" yham" yu wa nghoid nyid.

Mang nhung" yi we"- byu dayug yug gi aboin: asoo" loo: za: yooboo zei: shoid nghoid rigi venyi wigi khyoo: shed" khyo" kangso dei nyid mo, nanu" gi houg: yhang: te" su: ri nu" nham, da" myid yo' khyoo: shed byid: ca" nyid nanu" nyang: we' gunglau" wigi jhu, phyo' zi ashug" baja" nyang: tu: nyang: houg: lhed' zed" nyid ge'.

Byu yi dayug yug gi yhoug: gyen: da" byu gyeing" nyang: anghoid nyid da" zi yhoug: gyen: da" byu nghoid ga: nyang: nya: da" gung ri nghoid boin: su: gi nyang: nya: da" gung ri mhau' nyid su nghoid. Byu dayug yo' dayug gi nyang: nya: da" koid moozoo" ri soin kho' yu" nyid goo" baja"- nyang: nyang: koid da" moozoo" ge zi nghoid nyid rigi hau: ziri gootu: dayug yug da" moozoo" yo' ki' goo" cang aboo loo: za: nyang: zei: da" moozoo" moo gau yi ngei bu: phau: khuang nyid baja". Khasu" wim gari dayug yo' dayug gi nyang: tu: nya: da" yooboin, ri voin, vu, nyid boem wa zi nghoid nyid.