Hau: lho: wigi Aseing: nanu" ri nheig byu khyoo: moo khe: yu too" bye: ziri we' Aseing: gi nya: byumyu" yi ri byid: wa ga: da" mau" pho" jeju" agyid asoo: joem gi - Khamyho, agoin ayu: nghoid nyid da" khyoo: ri we' Aseing: ri loem" jeing" bang: ngoonu" moo nya: yoem: so' gi khayhi' gyi: sheung: jo, ziri we' nanu" shau" myang se' lo boem baja"- nanu" da" nheigloem: ung: khoug:- soozoo: lheung: lo wigi nya: da" bidbang ri myang loo: baja"- ngoonu" moo moo" zei: nyid da" he: da" yoem: so' gi Khirstu ri shid: bye: jang" mo doem dei to'" loo nhang: wigi moug: khung: moug di mo Mangso lo, yo shoid moo zhoung: jo, nhang: da" uri ci: yhoung: da" yoem: moo" so' moo" nyang: nghoid bye. Hau: joyoomoo Khristu gi moug: khung: moug di: ri vhoeb khang" nyid mo, amyeing" akhang" yoo" bang:- yoem: so' boo bang:- Aseing yi dangain" bang: tho' moo vhoeb khang" byid wigi nya: myonhoo: ngei lang: gi he: mougmyid yo' thang: phyang" pyaid ju" loo wa da" mougmyid tho' moo amyeing" akhang" yoo" bang: dangain" tho' moo je gyi: jo.