Versets bíblics populars de ရောမ 8

Comparteix

ဘုရားသခင်​ကို ချစ်​၍ အကြံအစည်တော်​နှင့်အညီ ရွေးကောက်ခြင်း​ခံရသော​သူတို့ တွေ့ကြုံ​ခံစားရသော အမှုခပ်သိမ်းတို့​မှ ကောင်းကျိုး​ထွက်ပေါ်​စေရန် ဘုရားသခင်​သည် သူတို့​နှင့်အတူ လုပ်ဆောင်တော်မူကြောင်း ကျွန်ုပ်တို့​သိကြ၏။

သေခြင်း​ဖြစ်စေ၊ ရှင်ခြင်း​ဖြစ်စေ၊ ကောင်းကင်တမန်​ဖြစ်စေ၊ နတ်မင်း​ဖြစ်စေ၊ လက်ရှိအရာ​ဖြစ်စေ၊ နောင်​အရာ​ဖြစ်စေ၊ တန်ခိုးအာဏာများ​ဖြစ်စေ၊ အထက်​အရာ​ဖြစ်စေ၊ အောက်​အရာ​ဖြစ်စေ မည်သည့်​ဖန်ဆင်းခံ​ကမျှ ကျွန်ုပ်တို့​၏​သခင် ယေရှု​ခရစ်တော်​အားဖြင့် ရရှိသော ဘုရားသခင်​၏ ချစ်ခြင်းမေတ္တာ​နှင့် ကျွန်ုပ်တို့​ကို ကွဲကွာ​စေနိုင်မည်​မဟုတ်ကြောင်း ကျွန်ုပ်​ယုံကြည်၏။

ထို​ကဲ့သို့​ပင် သန့်ရှင်းသော​ဝိညာဉ်တော်​သည် ကျွန်ုပ်တို့​အားနည်းသော​အရာ​၌ ကူညီ​မစတော်မူ၏။ ဥပမာ ဘုရားသခင်​သည် ကျွန်ုပ်တို့​အား မည်သည့်​ဆု​ကို တောင်းစေလိုသည်​ကို ကျွန်ုပ်တို့​မသိ။ ထိုအခါ သန့်ရှင်းသော​ဝိညာဉ်တော်​သည် ဖော်ပြ​၍ မရနိုင်အောင် နက်နဲသည့် ညည်းတွားသော​စကားတို့​ဖြင့် ကျွန်ုပ်တို့​အတွက် ကိုယ်စားပြု​ဆုတောင်းပေးတော်မူ၏။

သို့ဖြစ်လျှင် ဤသို့သော အံ့ဖွယ်​အကြောင်းအရာများ​ကို ထောက်​၍ မည်သို့​ဆိုရမည်နည်း။ ဘုရားသခင်​သည် ကျွန်ုပ်တို့​ဘက်​၌ ရှိတော်မူ​လျှင် မည်သူ​သည် ကျွန်ုပ်တို့​ကို ဆန့်ကျင်​နိုင်မည်နည်း။

ထို့ကြောင့် ယခုအခါ ယေရှု​ခရစ်တော်​နှင့် တပေါင်းတစည်းတည်း​ဖြစ်သော​သူတို့​သည် အပြစ်စီရင်ခြင်း မခံရ။

လူ့​ဗီဇစိတ်​နှင့်​ဆိုင်သော အရာတို့​ကို စွဲလမ်းသောသူ​သည် အသက်​ဆုံးရ​လိမ့်မည်။ ဝိညာဉ်တော်​နှင့်ဆိုင်သော အရာတို့​ကို စွဲလမ်းသောသူ​သည် အသက်ရှင်​၍ ငြိမ်းချမ်းမှု​ကို ရ​လိမ့်မည်။

မကွဲကွာစေသည်​သာမက ထို​အခက်အခဲများ​ကြားမှ​ပင် ကျွန်ုပ်တို့​ကို ချစ်တော်မူသော​ခရစ်တော်​အားဖြင့် ကျွန်ုပ်တို့​သည် အထူး​အောင်မြင်ကြ၏။

လက်ရှိ​အချိန်ကာလ​၌ ကျွန်ုပ်တို့​ခံရသော​ဒုက္ခ​သည် နောင်​တွင် ထင်ရှားမည့် ဘုန်းအသရေ​နှင့် ယှဉ်​လျှင် မပြောပလောက်ကြောင်း ကျွန်ုပ်​မှတ်ယူ၏။

မည်သည့်​အရာ​က ကျွန်ုပ်တို့​ကို ခရစ်တော်​၏ ချစ်ခြင်းမေတ္တာ​နှင့် ကွဲကွာ​စေမည်နည်း။ ဆင်းရဲဒုက္ခ၊ ဘေးဆိုး၊ ညှဉ်းပန်းနှိပ်စက်ခြင်း၊ အစာခေါင်းပါးခြင်း၊ မွဲတေခြင်း၊ ဘေးအန္တရာယ်​နှင့် ဓားဘေးတို့​က ကွဲကွာ​စေမည်လော။

စိတ်နှလုံး​ကို ဆန်းစစ်တော်မူသော ဘုရားသခင်​သည် ဝိညာဉ်တော် တောင်းလျှောက်နေသော​အရာ​ကို သိမြင်တော်မူ၏။ အဘယ်ကြောင့်ဆိုသော် ဝိညာဉ်တော်​သည် ယုံကြည်သူများ​ဖြစ်သည့် ကျွန်ုပ်တို့​အတွက် ဘုရားသခင်​၏ အလိုတော်​အတိုင်း ကိုယ်စားပြု​ဆုတောင်းတော်မူ​သောကြောင့် ဖြစ်၏။

ဘုရားသခင်​၏ ဝိညာဉ်တော် ဦးဆောင်​လမ်းပြမှု​ကို ခံယူသောသူတို့​သည် ဘုရားသခင်​၏ သားသမီးများ ဖြစ်ကြ၏။

လူ့​ဗီဇစိတ် အလို​အတိုင်း အသက်ရှင်သော​သူတို့​သည် လူ့​ဗီဇစိတ်​နှင့်ဆိုင်သော အရာတို့​ကို စွဲလမ်းကြ၏။ ဝိညာဉ်တော်​၏ အလို​အတိုင်း အသက်ရှင်သောသူတို့​မှာ ဝိညာဉ်တော်​နှင့်​ဆိုင်သော အရာတို့​ကို စွဲလမ်းကြ၏။

ကျွန်ုပ်တို့​အားလုံး​အတွက် မိမိ​သားတော်​ရင်း​ကိုပင် မနှမြောဘဲ စွန့်တော်မူသော ဘုရားသခင်​သည် ထို​သားတော်​နှင့်တကွ ရှိသမျှ​အရာခပ်သိမ်း​ကိုလည်း ကျွန်ုပ်တို့​အား မပေးဘဲ နေတော်မူမည်လော။

ကျွန်ုပ်တို့​သည် ဘုရားသခင်​၏ သားသမီးများ​ဖြစ်ကြောင်း ထို​ဝိညာဉ်တော် ကိုယ်တိုင်​ပင် ကျွန်ုပ်တို့​၏ စိတ်ဝိညာဉ်​နှင့်အတူ သက်သေခံတော်မူ၏။ ကျွန်ုပ်တို့​သည် ဘုရားသခင်​၏ သားသမီးများ ဖြစ်​သောကြောင့် အမွေခံများ​လည်း ဖြစ်ကြ၏။ ထို့ကြောင့် ကျွန်ုပ်တို့​သည် ခရစ်တော်​နှင့်အတူ အမွေခံများ ဖြစ်ကြ၏။ ကိုယ်တော်​နှင့်အတူ ဆင်းရဲဒုက္ခ​ကို ခံရ​လျှင် ကိုယ်တော်​နှင့်အတူ ဘုရားသခင်​၏ ဘုန်းအသရေ​ကိုလည်း ခံစားကြ​ရမည် ဖြစ်၏။

လူ့​ဗီဇစိတ်​နှင့်ဆိုင်သော အရာတို့​ကို စွဲလမ်းသောသူ​သည် ဘုရားသခင်​ကို အစဉ် ဆန့်ကျင်၏။ ထိုသို့ စွဲလမ်းသောသူ​သည် ဘုရားသခင်​၏ ပညတ်တရား​ကို မလိုက်နာ။ လိုက်နာ​နိုင်စွမ်း​လည်း မရှိ။

ဘုရားသခင်​၏ သားသမီးများ​မှာ မည်သူတို့​ဖြစ်ကြောင်း ဖော်ပြတော်မူမည့်​နေ့ရက်​ကို ဖန်ဆင်းခံ​လောက​သည် အလွန်​တောင့်တ​မျှော်လင့်​လျက် ရှိ၏။

ဖန်ဆင်းခံ​လောက​တစ်ခုလုံး​သည် သားဖွားခြင်း​ဝေဒနာ​ကဲ့သို့သော ဝေဒနာ​ဖြင့် ယခု​တိုင်အောင် ညည်းတွား​နေသည်​ကို ကျွန်ုပ်တို့​သိကြ၏။