Versets bíblics populars de ရောမ 7

Comparteix

ကျွန်ုပ်တို့​၏​သခင် ယေရှု​ခရစ်တော်​အားဖြင့် ကယ်တင်တော်မူသော​ဘုရားသခင်​၏ ကျေးဇူးတော်​ကြီးလှ၏။ ဤသို့ဖြင့် ကျွန်ုပ်​၏​စိတ်နှလုံး​အတွင်း​၌ ဘုရားသခင်​၏​ပညတ်တရား​ကို နာခံ​လို​သော်လည်း လူ့​ဗီဇစိတ်​အားဖြင့်​မူ အပြစ်တရား​ကို နာခံ​လျက် နေရ၏။

ကျွန်ုပ်​အထဲ​၌ တစ်နည်း​အားဖြင့် ကျွန်ုပ်​၏​လူ့​ဗီဇ​စိတ်​၌ ကောင်းသော​အရာ​တစ်စုံတစ်ခု​မျှ မကိန်းအောင်းသည်​ကို ကျွန်ုပ်​သိ၏။ မှန်သော​အပြုအမူ​ကို ပြုလိုသော​စိတ်​ရှိ​သော်လည်း ပြုနိုင်စွမ်း​မရှိ။

ကောင်းသော​အပြုအမူ​ကို ပြုလို​သော်လည်း ကျွန်ုပ်​မပြုမိ။ မပြုလိုသည့် မကောင်းသော​အပြုအမူ​ကိုမူ ကျွန်ုပ်​ပြုမိ၏။

ကျွန်ုပ်​မပြုလိုသည့် အပြုအမူ​ကို ပြုနေမိ​ပါက ထိုသို့​ပြုနေသူ​မှာ ကျွန်ုပ်​မဟုတ်ဘဲ ကျွန်ုပ်​အထဲ​၌ ကိန်းအောင်းနေသော အပြစ်တရား​က ပြုနေခြင်း ဖြစ်၏။

ထို့ကြောင့် ကောင်းသော​အပြုအမူ​ကို ပြုလိုသော ကျွန်ုပ်​၌ မကောင်းသော​အပြုအမူ ရှိနေသည်​ဟူသော သဘောတရား​ကို ကျွန်ုပ်​တွေ့ရ၏။ ကျွန်ုပ်​၏​စိတ်နှလုံး​အတွင်း​၌ ကျွန်ုပ်​သည် ဘုရားသခင်​၏ ပညတ်တရား​ကို နှစ်သက်၏။

ထိုသို့ မိမိ​ပြုသော အပြုအမူ​သည် မှားယွင်း​ကြောင်း ကျွန်ုပ်​သိသည်​ဆို​လျှင် ပညတ်တရား​ကောင်းမြတ်သည်​ဟု ကျွန်ုပ်​သဘောတူခြင်း​ပင်​ဖြစ်၏။