Versets bíblics populars de မာကု 6

Comparteix

လူများစွာတို့​သည် ဝင်ထွက်သွားလာ​လျက် ရှိ​သောကြောင့် ယေရှု​နှင့် တမန်တော်တို့​မှာ အစာ​စားချိန်​ပင် မရကြပေ။ ထို့ကြောင့် ယေရှု​က “ဆိတ်ငြိမ်သော​နေရာ​သို့ သွား​၍ ခေတ္တမျှ​အနားယူကြစို့” ဟု မိန့်တော်မူ၏။

ထိုအခါ ယေရှု​က သူတို့​အား “ပရောဖက်​သည် မိမိ​နေရပ်မြို့၊ မိမိ​ဆွေမျိုး​အသိုင်းအဝိုင်း​နှင့် မိမိ​အိမ်​မှလွဲ၍ အခြားသော​အရပ်​တွင် ဂုဏ်အသရေ​ရှိသည်” ဟု မိန့်တော်မူ၏။

ယေရှု​သည် လှေ​ပေါ်မှ​ဆင်း​သောအခါ လူအုပ်ကြီး​ကို တွေ့မြင်တော်မူ​လျှင် သူတို့​သည် သိုးထိန်း​မရှိသော သိုးများ​ကဲ့သို့ ဖြစ်​သောကြောင့် သနားကြင်နာစိတ်​ရှိတော်မူ၏။ ထို့ကြောင့် သူတို့​အား အကြောင်းအရာ​များစွာ​ကို ဟောပြော​သွန်သင်တော်မူ၏။

ထို​သူတို့​၏ မယုံကြည်နိုင်ခြင်း​ကြောင့် ဖျားနာသောသူ​အနည်းငယ်တို့​အပေါ် လက်တော်တင်​၍ ကျန်းမာစေခြင်း​မှအပ ထို​ဒေသ​၌ အခြား​အံ့ဖွယ်တန်ခိုးတို့​ကို ပြတော်မမူနိုင်ပေ။ ကိုယ်တော်​သည် သူတို့​၏ မယုံကြည်နိုင်ခြင်း​အပေါ် အံ့အားသင့်တော်မူ၏။ ထို့နောက် ယေရှု​သည် အနီးတစ်ဝိုက်​ရှိ ကျေးရွာများ​သို့ လှည့်လည်​၍ ဟောပြော​သွန်သင်တော်မူ၏။

ထို့နောက် ကိုယ်တော်​သည် မုန့်​ငါးလုံး​နှင့် ငါး​နှစ်ကောင်​ကို ယူ​လျက် ကောင်းကင်​သို့ မျှော်ကြည့်​ကာ ကျေးဇူးတော်​ကို ချီးမွမ်းတော်မူ၏။ ပြီးမှ မုန့်​ကို ချိုးဖဲ့​၍ လူထု​ပရိသတ်တို့​ကို ဝေငှ​ရန် တပည့်တော်တို့​အား ပေးတော်မူ၏။ ငါးနှစ်ကောင်​ကိုလည်း လူတို့​အား ဝေတော်မူ၏။ လူ​အပေါင်းတို့​သည် ဝလင်​စွာ စားကြ၏၊ ထို့နောက် တပည့်တော်တို့​သည် မုန့်​နှင့်​ငါး အကျိုးအပဲ့များ​ကို တောင်း​ထဲသို့ ကောက်သိမ်း​ရာ ဆယ့်နှစ်တောင်း​အပြည့်​ရကြ၏။