Versets bíblics populars de Galatiye 5

Comparteix

Wule mbwotɨ pepete kana Pitɨ Ɗəmɗəmtə a dɨmaadən a hakəwnə nə yang bwang: Bɨləmdə mwoha, hanɨngtə, nzaa ɗoltə, bɨləmdə mbasɨtə, gwadəha, bɨləmdə pepetə, tikɨstə, ɗəngtə, ka kɨt sɨtə. Wule shingɨn kat ɓashitə a mənə kaarən.

Hɨnə dɨ səwnə, ɗakamə Pitɨ Ɗəmɗəmtə ngga nza ɓwaa kəwnə, angɨn ɓa gwadəwnə hwunaa dɨ pɨrə vor mwo shi kada sɨtɨ vɨratɨnə.

Ɓəgəng gə Pitɨ Ɗəmɗəmti dɨ koɗi kam, ɓə kana hɨm a koɗəmə sa Pitɨ Ɗəmɗəmtɨngɨn a dɨ mwo.

Myee hɨnggə Yesu Ma Həmɨnpwa a Yaɓwarən nə, mye ɓɨdɨmdərən kan a nə kada ɓɨdɨmtə kat ka wule shi hashi kada sɨtɨngɨn.

Wule sa kada sɨtə a dɨ ɗa nə yang bwang: Ɓətɨ sharawne, nzaa takɨmətə ka nzaa hawuwne, koɗə pɨle, lyentə ka pɨle ji-dwatə, kwonəha, nyatə, jiwne, muune, mwo nəne, nggwonshe, tɨmbɨrha, kəndəshi hashe, jiwnə shee da ama, kpase gə gətɨ vwe, gɨluwawne, ka mbiɗitɨ wule shingɨn kat. Hɨnə dɨ fyel-kwakingəwnə ɓətɨya na ɗa a kwamətə atɨ wule myee dɨ koddə wule shinə aa dɨ pɨrə həmne da Həmɨnpwa a ɗɨm shi-pepeyee nda bwe ləngrən.

Hwun ndeyi ji-kottə, Həmɨnpwa a warəwnə gə hwuna dɨmgə kɨsawne a piya. Gə-angɨn ɓe hwunaa ɗaka ɗɨm nəngɨn dəwnə nda pɨrdəwnə a vor mwo shi kada sɨtə, ndɨka hwun ta ɗasə kɨsawne ta bɨləsə mwoha.

Gəkɨlə sa kada sɨtə a dɨ mwo aa dɨ kənəsə ka hɨnggə Pitɨ Ɗəmɗəmtə, sə mgban hɨnggə Pitɨngɨn aa dɨ kənəsə hɨnggə kada sɨtə. Gə-angɨn taa kɨləsəti a wakasərən, səngɨn nə ɗɨki hwunaa ɗa sa hwuna dɨ mwo ɗasən.

Gə nagi ɓashitɨngɨn nə kat, a nə se hiɗə ngga kangə, a sa atɨ, “Hye mɨna mwo nzə-vɨnəgu ɓətɨ hye dɨ mwo nanga.”

Ɓe angɨn aa ɗɨkə hɨm a gəm ka məndaranye ta kɨɗa yedisə ta ɗa jiwne ka sə.

Ma Həmɨnpwa a Yaɓwarən dɨmdəm gə kɨsawne, gə hɨm a ɗɨməm nəngəm. Gə-angɨn hwuna kangə dwat ɓe hwunaa yə mɨnə kɨsawne.