Versets bíblics populars de Marike 13

Comparteix

Ɛ́ nìnbirìe ɓɛ́kùi ɛ́ ɓén hán miɛ ǹpe yènsénín. Kɛ́ álɛ ɛ́ hɛ̃̀ mí hũn fúu ɛ́ van víeniɛ, ɛ́ ɓàasɔ ɛ́ fuen.»

Ɛ́ mí ɓɛ́ɓɛ́ míte ǹ ɛ̀ mì piɛní mí yìe iè hɔ̀ lɛ ɛ́ mí yí dũ le yìi sɔ dɛ̃nlɔ́ wɛ̀.

Kɛ́ ɓɛ́ ɓen ɓaakɛa miɛ ɛ́ dàá vaá-vɛ hɔ lìe lènlén, ɛ̀ mì bí nɛ mi hũn ɛ̀ yenkɛ hɔ bòo lɛ ɛ́ mí ɓén vɛ bie bòo hũn wɛ̀; kɛ́ pehɔ̀ yìi hũn, ɛ̀ hɔ̀ biehĩ́ lɛ mii ɛ̀ bie iè hɔ̀pe lɛ ɛ́ Dɔfĩn ɛ́ ɓén lɛ́ miɛ ǹ, iè hɔ̀ lɛ ɛ́ hɔ́ yá ɓén lé àá mí viì, kɛ́ lé iè lè Mɛkɛ̃n-Sãanu ɛ́ te hɔ ɓén lɛ́ miɛ ǹ.

Hɔ̀ hóohũn àá lé sṹsùnù ɛ́ ɓen khíi, kɛ́ niǹ biehĩ́ ɛ́ pe yá khíi yá mi wɛ̀.»

«Kɛ́ hɔ́ ɓen kɛ́ lé sítĩnlɔ́ àá lé yìi lɛ ɛ́ hɔ́pe bòo sɔ ɛ́ ɓén wé hũn, ɛ̀ nìnbírɔ dɔ̀ lɛ dũ hɔ ɛ́ mí wɛ̀. Ɓɛ̀ hóohũn mɛlɛkɛɓɛ ɛ́ yí dũ hɔ, hɛ̀rí àpe Zuú kùusɔ ɛ́ yí dũ hɔ wɛ̀; à Yàá mí dòonún ɛ́ temu dũ hɔ.

Pɛ̃̀hṹ lɛ kɛ́ mí ɓen ɛ́ hɔ̀ hĩɛ̀ lɛ ɛ́ tɛ́ lúwi miɛ ǹ bòo ɛ̀ ɲí, ɛ̀ mì lò ɛ́ hɔ̀ hĩɛ̀ lɛ van ɛ́ tɛ́ viì ni bòo ɛ̀ ɲí, ɛ̀ mì bí nɛ mi hũn ɛ̀ yen wɛ̀; iè hɔ̀ lɛ ɛ́ hɔ́pe sí fɔ́ɓán ɛ̀ hɔ̀ wé, kɛ́ hɔ́ pɛ́wi ɲɛùn yí lé dímíɲɛ́ vénlɔ́ wɛ̀.

Ɛ́ mí piɛní mí yìe iè hɔ̀ lɛ ɛ́ mí yí dũ le yìi lɛ á zũnù ɓàasɔ ɛ́ mí dàa vɛ khũ̀á ɓen wɛ̀; hɔ̀ ɓén wé zĩ́ihṹ yée, hɔ̀ mii wé sínɛ̀hɛ̃ǹ yée, hɔ̀ mii wé kɔ̀bɛ́-wiɛ yée tàá ɲɛǹbín yée mí yí dũ wɛ̀. Ɛ́ mí ɓɛ́ɓɛ́ míte ǹ hɛ̀rí kɛ á van khũ̀á ɓɛrɛ fùa fùa, à bí ɓen yí miɛ kɛ́ mí dũmua wɛ̀. Hɔ̀pe lɛ ɛ́ nín bie àá miɛ iè mìpe mìkùi ɛ́ nín hɔ̀ khɛ́ ɛ̀ lɛ́ nin: ɛ́ mí piɛní mí yìe.»

Ɛ́ dàa dɔ̀ nìɛ ɛ́ wóo ɓén hĩ́ní ɛ́ khíi tɛ́ hɔ́ hĩɛ̀ àá dàa dɔ̀ nìɛ, ɛ̀ bɛ́záanú dɔ̀ ɛ́ hĩ́ní ɛ́ khíi tɛ́ hɔ́ hĩɛ̀ àá bɛ́záanú dɔ̀, ɛ̀ hɔ̀ vuò dɔ̀ ɛ́ lé sṹsùnù ɛ́ wóo ɓén vɛ zɛ̀kɛ́ hũn, ɛ̀ hɔ̀ hĩn-bɛ̃hɛ̃ ɛ́ wóo ɓén kań. Hɔ̀ ɓén dìń kɛ̀a ie le sɛ̃́ɲíi lɛ a hṹnu lɛ tenlɔ́ dɛ̃un ɛ́ wóò sɛ̃̀nɛ́hã̀á yí.

Kɛ́ ɛ̀ dí hɔ́ bòo míkùi híɛhɔ́, ɛ́ lé Bentĩnu ɛ́ fɔ́ɓán ɛ̀ lè buie ɛ̀ lɛ́ hɔ́ dàa míkùi nìɛ ǹ vé.

Iè hɔ̀ lɛ ɛ́ nìnbirìe bìkuì ɛ́ wóo ɓén hĩ́ní ɓen niǹ yèrè lɔ̀n, ɛ̀ hɔ́rɔ ɛ́ wóo ɓén bie nɛ mípe ɛ́ temu iè ɔ̀pe Kirisa. Ɛ́ ɓɛ́ ɓén khɛ̃̀níkɛ nìnbirìe bìkuì ɛ́ yínin.

Kɛ́ hɔ́ ɓen kɛ́ mípe, ɛ̀ mì ɓɛ́ɓɛ́ míte ǹ sãàní iè hɔ̀ lɛ ɛ́ ɓɛ́ wóo ɓén dàá miɛ ɛ́ dàá vɛ hɔ lìe lènlén vuò hũn, ɛ̀ ɓɛ̀ wóo ɓén nàa miɛ ɓɛ̀ Zuifuɓɛ ńkóoɓánlɔ̀n zĩhĩ́ɛ hũn, ɛ̀ ɓɛ̀ wóo ɓén ve miɛ ɓɛ̀ pànkɛ́ ɓàasiè àá ɓɛ́ bɛ́zɛ̀ɓɛ̀ yíe ǹpe yènsénín, bòo lɛ ɛ́ wé ɛ̀ mì yí niǹ bòo ɛ́ bie ɛ̀ lɛ́ ɓà ǹ.

Iè hɔ̀ lɛ ɛ́ pehɔ̀ yìi hũn ɛ̀ ɓɛ̀ ɓúo Kirisaɓɛ dɔ̀ àá ɓɛ́ ɓúo Dɔfĩn bɔ̀háaníriè dɔ̀ ɛ́ ɓén síɛ hĩ́ní. Ɓɛ̀ wóo ɓén wé hɔ́ yéréké bòo àá hɔ́ bɔ̀bɛ̃hɛ̃ ɛ́ dàá fĩiní ɓɛ́ nìnbirìe. Kɛ́ hɔ́ yɛ̀rɛ́ hṹn dɛ̀ ɛ́ wé, ɛ̀ hɛ̀rí ɓɛ̀pe lɛ ɛ́ Dɔfĩn ɛ́ munɛ ɛ́ ɓɛ́ pɛ́ khɛ̃̀níkɛ ɛ̀ yí nin.

Ɛ́ hɔ́pe wihĩ́ sɔ hũn, kɛ́ lé lɔ̀nbiè ɛ́ ɓen van khie vɔ́, ɛ́ lé wurù ɛ́ ɓén yòó wé síbínú, ɛ̀ lè ńpĩ́ihṹ ɛ́ yá lɛ́ mí ńpiemu wɛ̀. Ɛ̀ hɔ̀ ńpĩ́inàwuò ɛ́ ɓén yòó lé hɔ́ hóohũn ɛ́ kùenkɛ ɛ́ síɛ, ɛ̀ hɔ̀ pànkɛ́a lɛ yòó wi hɔ hóohũn ɛ́ ɓén yòó zɛ̀kɛ.