Versets bíblics populars de Marike 12

Comparteix

Ɛ́ Yiezu zɔn bie lɛ́ à ǹ ɛ́ nɛ làa: «Dɔfĩn ɲunù bienù lɛ bòo hie pɔ hɔlɛ kɛ́ míkùi iè lè lɛ: “ Yizarayɛɛle , tɛ́ kɔ́ ɲɛkɛ̃̀a, kè Ɲunsɔ Dɔfĩn ɛ́ temu iè Ɲunsɔ mí dòonún. Ɛ́ kɔ́ fɔ́ɓán ɛ̀ kɔ̀ wɛní Ɲunsɔ lɛ iè kɔ̀ Dɔfĩn àá kɔ́ tĩì míkùi, àá kɔ́ mɛkɛ̃nì míkùi, àá kɔ́ bɔ̀dũmunù míkùi, àá kɔ́ pànkɛ́ míkùi.” Ɛ̀ lè ɲunù tɛmu lɛ bĩniɛ sɛ̃̀ ɛ́ iè lè lɛ: “Kɔ́ fɔ́ɓán ɛ̀ kɔ̀ wɛní mì ńkɔnù kɛ̀a bòo lɛ ɛ́ kɔ́ dàá wɛ kɔ kùrú sɛ̃́hṹ.” Dɔfĩn ɲunù bienù dɔ̀ lɛ bĩniɛ pɔ hɔpe bɔ̀nbɔ̀ ɲu sí ɛ́ mí wɛ̀.»

Ɛ́ Yiezu ɛ́ zɔn vɔn mí kɛ̀ránzɛ̀ɓɛ̀ à ɛ́ bie àá ɓɛ́ ɛ́ nɛ làa: «Nin khɛ́ hɔ́ lɛ́ miɛ ǹ àá bɔ̀bín, ɔ̀pe mɛ-hṹnu nìkherà sɔ lɛ ɛ́ koo pɔniɛ ɓɛ́pe lɛ ɛ́ ɓɛrɛ koo hɔ̀ màa lè ɓɔnwiè hũn ɓɛ́kùi. Iè hɔ̀ lɛ ɛ́ ɓɛ́pe ɓɛ́kùi bòo lɛ ɛ́ ɓɛ́ ɓɛrɛ koo ɛ́ yí bòo dɔ̀ peɓɛ̀ viì wɛ̀. Kɛ́ ápe àá bòo lɛ á lò dàa bòo dɔ̀ mí míkùi, iè piè bòo lɛ á dàá míkùi á ɓɛrɛ lɛ́; hɔ̀ iè piè bòo lɛ á hṹn mii dàá díiní míte míkùi á mɔ̀ ɛ́ ɓɛrɛ lɛ́.»

Ɛ́ Yiezu khie van kɛsí lé ɓɔnwiè lɛ ɛ́ ɓɛ́ nìnbirìe ɛ́ wóò ɓen kóo hɔ́ hɛ̃mù màa hũn ɛ̀ lɛ́ Dɔfĩn híɛhɔ́, ɛ́ ɓɛ̀ nìnbirìe bòo lɛ ɛ́ ɓɛ́ dàa ɛ́ hɔ̀ màa ɛ̀ kóo yán ɛ̀ húi. Ɛ́ bòo ɓàasiè bìkuì ɛ́ wóò ɓen kóo hɔ́ màa bɔ̀kùi. Ɛ́ mɛ-hṹnu nìkherà dɔ̀ ɛ́ ɓiɛ̀ van ɓɛrɛ ɛ́ ɓen kóo vɛn-zɛ̀ɓɛ̀ bɔ̀nbɔ̀ ɲu dɔ̀ lɛ hɛ̀ yá yí bòo dɔ̀ ǹ hùúu.

Ɛ́ nìnbírɔ ɛ́ fɔ́ɓán à wɛní Dɔfĩn àá mí tĩì míkùi, àá mí bɔ̀dũmunù míkùi àá mí pànkɛ́ míkùi; à fɔ́ɓán à wɛní ɓá ńkɔnù kɛ̀a bòo lɛ á dàá wɛ̀ mí kùrú sɛ̃́hṹ. Hɔ̀pe sí ɛ́ bòo tṹ ɓɛ́ bìlaàsiè lɛ wóò ɓé ɛ̀ cĩ̀ní ɛ̀ lɛ́ Dɔfĩn, àá hɔ́ hɛ̃mù bòo àá mí ɲúuhɛ̃ lɛ wóò lɛ́ Dɔfĩn.»

Ɛ́ Yiezu ɛ́ zɔn bie lɛ́ ɓà ǹ nɛ làa: «Ɛ́ hɔ́ bòo lɛ bòo sɛ̃̀ à Sezaare ɛ́ mí lɛ́ á Sezaare ǹ, ɛ̀ hɔ̀lɛ bòo sɛ̃̀ Dɔfĩn ɛ́ mí ɓiɛ̀ lɛ́ hɔ́pe Dɔfĩn.» Ɛ́ ɓɛ́ hɛ̀ yòó dɛ̃̀ cɔũn.