Versets bíblics populars de Liike 7

Comparteix

Ɛ́ sí iè hɔ̀pe ɛ́ ń dàa nin bie hɔ lɛ́ kɔ̀ ǹ nɛ piè bɔ̀koohɛ̃ bɔ̀kùi sí míkùi sɛ́wɛ́rí ɛ́ dɔ́ lɛ́ à ǹ, iè hɔ̀ lɛ á hɛ̀ wɛniɛ mi cɛ̃̀un. Kɛ́ nìnbírɔ lɛ ɛ́ ɓɛ́ dɔ́ sɛ́wɛ́rí fĩi ɛ́ lɛ́ nin ɛ́ ɓiɛ̀ wóò wɛní fĩi.» Ɛ̀ Yiezu ɛ́ khie bie lɛ́ á hṹnu ǹ ɛ́ nɛ làa: «Kɔ̀ bɔ̀koohɛ̃ sɛ́wɛ́rí ɛ́ dɔ́ lɛ́ kɔ̀ ǹ.»

Kɛ́ Yiezu ɛ́ den zɔn bie lɛ́ á hṹnu ǹ ɛ́ nɛ làa: «Kɔ̀ ńdɛsìnlɔ́ ɛ́ fuieniɛ kɔ ǹ, ɛ́ kɔ́ wo hĩ́ní lan àá hũn-wiɛ̀.»

ɛ́ ɓen dɛ̃̀ Yiezu máahṹ àá piè zehĩ́ viì, à ɛ́ wírí, ɛ́ Yiezu zehĩ́ ɛ̀ tiení àá mí yìncuò, kɛ́ á ɛ́ hɔ̀ sùukɛ àá mí ńɲiihĩ́ kɛ́ á lò ɛ́ hɔ̀ fɔ̀nfɔ̀níkɛ́, à koo hɔ̀ yurɔ lɛ tũnù tĩ pehɔ̀ lɔ̀n.

Ɛ́ sí lò iè hɔ̀pe ɛ́ ń dàa ɛ́ líi ɛ̀ nɛ niǹ ɲún kɛ fĩ́i àá ńɓenlé niǹte ǹ kɔ̀ viì wɛ̀. Kɛ́ kɔ́ zɔ bie ben-cóoní dɔ̀ ɛ́ niǹ tɔntɛ́ ɛ́ wɛ. Iè hɔ̀ lɛ ɛ́ ǹpe lɛ dàa ɓɛ ɲunhɛsiè ɛ́ lò ɓiɛ̀ dàa ɓɛ sɛ̃̀nɛ̀dɔ́síɓɛ́ lɛ iè niǹ tɔntɛ́riè. Ɛ́ ń ɓen bie lɛ́ á dɔ̀ ǹ nɛ a lan, à lan; ɛ̀ ǹ ɓen bie lɛ́ á dɔ̀ ǹ nɛ ɓen, à ɓen; ɛ́ ǹ ɓen khie bie lɛ́ niǹ tɔntɛ́ ǹ nɛ a wé hɔ́ bòo lɛ, à wé hɔ́.» Ɛ́ bòo lɛ ɛ́ Yiezu ɲɛ́ hɔ́ biehĩ́ sɔ sí, á hɛ̀ wɛniɛ míte àpe sɛ̃̀nɛ̀dɔ́síɓɛ́ ɲúnsɔ bòo hũn; á bĩniɛ míte ɛ́ khie bie lɛ́ ɓɛ́ nìzã̀amáa lɛ́ bɔ̀ piè máahṹ ǹ nɛ làa: «Nín bie hɔ lɛ́ miɛ ǹ nɛ hɛ̀rí ɓɛ̀ Yizarayɛɛle nìɛ tĩ́ihṹ, ɛ́ ń ɲɛùn yí mi nìnbírɔ lɛ dũmuasɛ̃̀ mi ǹ kɛ̀a ɔ̀pe nùún lɛ wɛ̀.»

Ɛ́ pehɔ̀ yìi hũn, ɛ́ Yiezu wiɛniɛ nìnbí-kuì duò àá peɓɛ̀ sɛ̃́-ɲíi, à ɲɛun ńɲíkĩ́nnìɛ ɛ́ líeniɛ ɓɛ̀ dɔ̀ ǹ, à lɛ́ ɛ́ ɓɛ́ muaɓɛ̀ bìkuì ɛ́ yìe loo bòo. Ɛ́ pehɔ̀ máahṹ, à wo khie bie lɛ́ ɓɛ́lɛ á Zãn ɛ́ tɔrɛ ǹ ɛ́ nɛ làa: «Mì vɛ bie hɔ bòo lɛ ɛ́ mí mɔn àá hɔ́lɛ ɛ́ mí ɛ́ ɲɛ́ ɛ̀ lɛ́ á Zãn: ɓɛ̀ muaɓɛ̀ ɛ́ yìe ɛ́ bòo ɛ̀ mi, ɛ̀ ɓɛ̀ lóohĩ́ ɛ́ vɛ, ɛ̀ ɓɛ̀ ɓìríe ɛ́ wɛ, ɛ̀ ɓɛ̀ bikie ɲɛkɛ̃̀a ɛ́ bòo ɲí, ɛ̀ ɓɛ̀ nìhiè ɛ́ vìekɛ, ɛ̀ lè Bentĩnu ɛ́ buie ɛ̀ lɛ́ ɓɛ́ nìkherà ǹ.