Versets bíblics populars de Liike 6

Comparteix

Mì wóo dé bùuɲɛ́ àá ɓɛ́ nìnbirìe ɛ́ Dɔfĩn ɓiɛ̀ ɓén dé bùuɲɛ́ àá miɛ. Ɓɛ̀ ɓén màatɛ̃́ hɔ́ bòo ɛ́ zɛ̀kɛ̀ní sãàní ɛ́ yòó tíiní ɛ́ hɔ́ cáa ɛ́ síɛ ɛ́ kóo mí lùkùo hũn, iè hɔ̀ lɛ ɛ́ lé dìɛ lɛ ɛ́ mí wóò dàa màatɛ̃́ hɔ́ bòo ɛ̀ lɛ́ ɓɛ́ nìnbirìe ǹ iè pe ɛ́ Dɔfĩn ɛ́ ɓiɛ̀ ɓén dàá màatɛ̃́ ɛ́ lɛ́ miɛ ǹ.»

À nìcã̀anírɔ ɛ́ wóò wé hɔ́ bɔ̀tente lɛ ɛ́ lé àá piè yírɛ́ bìsílén lɛ iè piè tĩì lɛ sãa, à nìkoohɔ́ ɛ́ ɓiɛ̀ wóò wé hɔ́ bɔ̀koohɔ́ lɛ ɛ́ lé àá piè yírɛ́ bìsílén koohɔ́ lɛ iè piè tĩì lɛ ɛ́ yí sãa. Ɛ́ hɔ́ bòo lɛ ɛ́ zɔn tú lé tĩì iè pe ɛ́ lé ɲunù ɛ́ wóò bie.»

Kɛ́ mí den wɛní mì ńbíyanliè, ɛ̀ mì wóo wé hɔ́ bɔ̀tente àá ɓɛ́, ɛ̀ mì wóo ke hɔ bòo ɛ̀ lɛ́ ɓɛ́ nìnbirìe ǹ kɛ́ mí yá bòo lieníkɛ nɛ ɓɛ dɛ̀ hɔ̀ ɓén sàaní ɛ́ lɛ́ miɛ ǹ wɛ̀. Ɛ́ mí den ɓén yí sàanín lɛ ɓàń, ɛ̀ mì lò ɛ́ wé hɔ́ Dɔfĩn lɛ yòó van wi hɔ hóohũn lɛ sɔ́nsɔ́n nìɛ iè hɔ̀ lɛ ɛ́ hɔ́pe Dɔfĩn ɛ́ wóò wé bɔ̀tente àá ɓɛ́ nìnbirìe lɛ ɛ́ yí dũ yìrí ɛ̀ Hɔ̀ lò wóò wé bɔ̀tente àá ɓɛ́ mɛkɛ̃nɲiì ɓàasiè.

Mì wé miinɛ̀ dũnliè kɛ̀a bòo lɛ ɛ́ mì Yàá ɛ́ dàa iè miinɛ dũnlɔ.

Mì bí wóo lè ɓɛ̀lɛ kɛ́ lìe, ɛ́ Dɔfĩn ɛ́ ɓiɛ̀ yá lè mì lìe wɛ̀. Mì bí wóo bie nɛ ɓɛlɛ kɛ́ ɛ́ wɔ́ khɔn, ɛ́ Dɔfĩn ɓiɛ̀ yá bie nɛ mí wɔ́ khɔn wɛ̀. Mì wóo dé sɛ́wɛ́rí ɛ̀ lɛ́ ɓɛ́lɛ kɛ́ ǹ, ɛ́ Dɔfĩn ɛ́ ɓiɛ̀ ɓén dé sɛ́wɛ́rí ɛ́ lɛ́ miɛ ǹ.

Kɛ́ ń den nin bie lɛ́ mípe lɛ ɛ́ tɛ́ mí ɲɛkɛ̃̀a ɛ̀ mì ɛ́ hɔ̀ bòo lɛ ɛ́ nín bie ɛ̀ ɲí nɛ mi wɛní mì ńbíyanliè, ɛ̀ mì wóo wé bòo lɛ sãa àá ɓɛ́ nìnbirìe lɛ hɛrɛ miɛ. Mì wóo dúɓɛ́ ɓɛ́ nìnbirìe lɛ ɛ́ mì dánkɛ́nikɛ ǹ, ɛ̀ mì hɛ̃un Dɔfĩn ɛ̀ lɛ́ ɓɛ́ lɛ ɛ́ mì ɲínkɛ ǹ.

Hɔ̀ bòo lɛ ɛ́ mí wɛ nɛ ɓɛ nìnbirìe wóò wé lɛ́ miɛ ǹ iè pe ɛ́ mí ɓiɛ̀ wóo wé lɛ́ ɓà ǹ.

Nìnbírɔ kɛ́ á laa kɔ̀ kekerè dí-cóoní ɛ̀ kɔ̀ bĩní lé sí kɛ́ ɛ̀ lɛ́ à ǹ nɛ a bĩní láa; nìnbírɔ kɛ́ á vúa kɔ̀ mùakú ɛ̀ kɔ̀ fùansí nɛ a mii kɔ́ ńkánɓù sĩiní. Kɛ́ nìnbírɔ hɛ̃nnɛ bòo kɔ̀ viì, ɛ̀ kɔ̀ lɛ́ hɔ́ ɔ̀ ǹ, ɛ̀ nìnbírɔ kɛ́ á mɔ̀ kɔ̀ bòo ɛ̀ kɔ̀ bí vɛ bie nɛ a lɛ́ hɔ́ wɛ̀.

Vɛ̃̀n-sãanù ɛ́ yáà hɛ bie lɛ ɛ́ yí sãa wɛ̀, ɛ̀ vɛ̃̀n-koohɔ́ ɛ́ ɓiɛ̀ yáà hɛ bie lɛ sãa wɛ̀.

Iè hɔ̀ lɛ ɛ́ dúrɔ ńvɛ̃̀hṹ ɛ́ wóò dũń àá pelè bie lɛ lé wóò hɛ ǹ. Nìnbírɔ ɛ́ yí dɛ̀ vuà ɛ́ yá vɛ́ ɲuà ńɲinlɛ̀a vɛ̃̀hṹ lɔ̀n wɛ̀; ɛ̀ nìnbírɔ ɛ́ yáà vɛ khé ńɲiɛ̀ ńsãamú vɛ̃̀hṹ lɔ̀n wɛ̀.