Versets bíblics populars de Hiburu 6

Comparteix

Teena yam dé na jege Wɛ tei ne konto to tiini ya dana ye ya bá wane ya chɔge. Ya maa pae se dé boboŋa tigi jeiga dedoa, ye ya zo Wɛ tete jeiŋa jei mɛ na chege de gare-jale se nabiina yé zo to.

Wɛ ye chega tu mo. O nam bá swei á na maŋe á tɔge keim-laaro tei to. O ta bá swei á na jege o swono lanyerane, ye á toŋe á woli o nɔɔna bam ko ba ko yi zem maama to.

Kikia yanto yalei bá wane ya leiri ya ji vwa, ko na ye Wɛ tete kikia to ŋwaane. Konto ŋwaane mo debam balo na ke dé tete Wɛ jeŋa ne to wó tiini dé ke pu-dɛa ye dé ta jege teena ded‑o we, dé wó na wonnu telo o na tiŋi o pa debam to.

Konto ŋwaane pa-na se dé yage Yezu Krista taane wo-mwaalo tem, se dé laam pa dé boboŋa kweere Wɛ chega kam seeni. Abam daa ba jege se á jwoori á bobo Wɛ taane dem zamesem, bɛŋwaane á maŋe á lɔre á na wó yage wo-yɔɔro kikia tei to, de á na wó ke á wo-dedoa de Wɛ tei to.